Dagblaðið - 31.10.1975, Blaðsíða 7

Pagblaðift. Föstudagur 31. október 1975.
7
Erlendar
fréttir
REUTER
„Beirút á sér varla
viðreisnar von"
— sagði Þór Gunnlaugsson í Jerúsalem í morgun
„Ástandið i Beirút er vægast sagt hrikalegt og ég
get ekki imyndað mér að borgin eigi sér viðreisnar
von,” sagði Þór Gunnlaugsson, lögreglumaður á
vegum SÞ i Jerúsalem i simasamtali við frétta-
mann blaðsins i morgun.
Þór var þá á leið til Beirút til að
sækja siðustu fjölskyldur starfs-
manna SÞ, sem þar eru. „Það
verða ekki eftir nema 15—20
Þór Gunnlaugsson.
manns á skrifstofunum,” sagði
Þór, ,,en svo er náttúrlega herlið-
ið, en það er sér.”
Að sögn Þórs er helzta sam-
gönguleiðin á milli Beirút og
Jerúsalem — ca. 450 km — lokuð
vegna stöðugrar skothriðar.
„Þeir skjóta á hvað sem fyrir
er,” sagði Þór, „sjúkrabila, okk-
ur, lögreglu — allt sem hreyfist.”
Þór sagðist ekki geta imyndað
sér, að vopnahléið, sem sett var á
i gærkvöldi, hefði mikil áhrif.
„Það dró eitthvað úr skothriðinni
um miðjan daginn i gær en ekki er
hægt að sjá að það verði til fram-
búðar. Nú er svo komið, að
libanska stjórnin hefur enga
stjórn á málum og get ég nefnt
sem dæmi, að nýlega hvarf heill
flugfarmur af vopnum — eld-
flaugum, byssum og skotfærum
— algjörlega sporlaust. Her
stjórnarinnar er verr búinn vopn-
um en skæruliðarnir.”
1 stað þjóðvegarleiðarinnar á
milli Jerúsalem og Beirút verður
að fara þröngan og erfiðan fjall-
veg með flóttafólk og birgðir.
„Maður þakkar fyrir hvern
metra, sem maður kemst án þess
að sjá og heyra kúlurnar allt i
kringum sig,” sagði Þór.
„Annars er ekki allt jafn
slæmt,” bætti hann við. „Ég var
að fá stöðuhækkun, varð birgða-
flutningastjóri i Tiberias við
Dauðahafið frá og með 18.
nóvember. Þar munum við sjá
um að koma birgðum, matvæl-
um, lyfjum og öðru til gæzlu-
sveita SÞ i Gólanhæðum. Það
verður mun þægilegra að vera
þar, 600 metra undir sjávarmáli,
þar sem aldrei er vetur og lifs-
hættan ekki eins afgerandi.”
—ÓV
Tjónið, sem orðið hefur i Beirút i
bardögum þar að undanförnu, er
metið á fieiri hundruð milijarða
króna, að sögn Þórs Gunnlaugs-
sonar i Jerúsalem.
Dr. Herrema enn í haldi
„UPPGJAFAREKKI
LANGT AÐ BÍÐA"
— segir lögreglan í Monastervin
Skömmu eftir að Sorahan fór
úr húsinu, fór hópur lögreglu-
mann akandi á miklum hraða I
átt til Dublin. Talið er, að þeir
muni leggja uppgjafartillögur
ræningjanna fyrir irsku stjórn-
ina.
Lögreglan telur að ræningj-
arnir, Eddi Callagher og
Marian Coyle, muni gefast upp
innan nokkurra klukkustunda.
Fyrir tveimur dögum taldi lög-
reglan einnig að þau myndu gef-
ast upp, en þá er Marian sögð
hafa stappað stálinu i félaga
sinn og fengið hann ofan af slik-
um áformum.
Irska stjórnin hefur til þessa
þverneitað að semja við
ræningjana. 1 gær fengu þau
mat og þurran fatnað.
Uppgjafar irsku skærulið-
anna, sem enn halda hollenzka
iðnrekandanum dr. Tiede Herr-
ema i gislingu i irska lýðveld-
inu, er trúlega ekki langt að biða
úr þessu, að þvi er lögreglan I
Monastervin taldi i morgun.
Fyrir utan húsið, þar sem dr.
Herrema hefur verið haldið i 11
daga, virtist i morgun sem lög-
reglan hefði i miklu að snúast.
Virtur lögfræðingur frá Dubl-
in, Seamus Sorahan, sem hefur
sérhæft sig i að verja skæruliða
Irska lýðveldishersins, kom i
morgun til bæjarins og dvaldist
i þrjár klukkustundir i húsinu.
Lögreglan hefur ekki viljað
staðfesta, að hann hafi rætt um
uppgjöf við ræningja Hollend-
ingsins.
Dr. Tiede Herrema: nærri mán-
uð I ræningjahöndum.
Júan Carlos á kafi
í stjórnarstörfum
Júan Carlos, prins, sem i gærkvöldi tók viö stjórnar-
taumum á Spáni af Franco hershöföingja, sem barizt
hefur við dauðann undanfarna daga, snýr sér í dag af
fullum krafti að aðsteðjandi vandamálum ríkisins.
Fyrsta og mest aðkallandi mál-
ið er deilan um spænsku Sahara
og var það rætt á fundi rikis-
stjórnarinnar i morgun, þar sem
Júan Carlos var i forsæti.
Forsætisráðherra landsins,
Carlos Arias Navarro, neyddist
til að taka ákvörðun um valda-
töku prinsins þegar ljóst varð, að
ekki var hægt að eiga i samninga-
viðræðum um jafn mikilvægt mál
og afsal nýlendu án starfandi
þjóðhöfðingja.
Spænska stjórnin beið með að
tilkynna um valdatöku prinsins
þar til eftir að búið var að gefa út
tilkynningu um heilsufar Fran-
cos. Þetta er i annað skipti á 16
mánuðum að prinsinn tekur við
völdum til bráðabirgða.
Júan Carlos, prins, hinn nýi þjóð'-
höfðingi Spánar — „til bráða-
birgða”.
Portúgal:
Hafa lokað sig inni
f vopnabúrinu
Uppreisnargjarnir hermenn i Lissabon hafa lok-
að sig inni i stærsta vopnabúri borgarinnar i mót-
mælaskyni við áætlun um að draga úr mannafla
hersins sem svarar 18 af hundraði i dag.
1 vopnageymslunum eru þús-
undir vopna, sem send hafa verið
heim til Portúgals frá fyrrum ný-
lendum landsins i Afriku.
H.ermennirnir krefjast þess, að
hætt verði við samdrátt heraflans
vegna óstöðugs stjórnmála-
ástands i landinu. Fulltrúar her-
fylkja umhverfis Lissabon sátu
fundi langt fram á nótt og ræddu
málin.
Vinstrihreyfingin i landinu litur
á samdráttinn i hernum sem til-
raun til að breyta hernum i til-
tölulega fámennan her atvinnu-
manna undir stjórn fyrirmanna-
stéttar.
Vaxandi agaleysi innan portú-
galska hersins hefur leitt til nokk-
urra opinberra viðvarana um
mögulegar afleiðingar þess.
Einnig hefur borið á ótta um að til
átaka á milli hinna ýmsu her-
deilda kunni að koma.
Ákvörðunin um að senda þús-
undir hermanna heim þegar at-
vinnuleysi er i hámarki, ber að
um leið og lok einhverra mestu
mannflutninga i nútimasögu Af-
riku — loftbrúna frá Angóla. Það-
an hafa 200 þúsund flóttamenn
forðað sér undan stöðugum bar-
dögum.
Flestir flóttamannanna koma
til Lissabon án þess að eiga nokk-
uð að bita eða brenna og kenna
um vinstristjórn herforingjanna,
sem ákváðu að leggja niður ný-
lenduveldi Portúgala.
Veitingahús Lundúnaborgar:
KAKKALAKKAR
VAÐA UPPI
Að minnsta kosti 95%
veitingahúsa i London eru talin
vera morandi i kakkalökkum,
að þvi er visindamaður á vegum
brezku stjórnarinnar hefur
sagt.
Liffræðingurinn Susan
Beatson, einn helzti visindaráð-
gjafi heilbrigðisráðuneytisins,
sagði á heilbrigðisráðstefnu f
London, að tilvist skorkvikind-
anna væri talin sjálfsagður
hlutur á veitingastöðum.
Það væri þvi timi til kominn
að tekið væri á málinu af fullri
alvöru, sagði hún, vegna smit-
hættunnar, sem af kakkalökk-
unum stafar. Bera þeir með sér
^ ^ ^ ^ ^
gerla af ýmsu tagi.
„Kakkalakkar hafa aldrei
verið teknir alvarlega i Bret-
landi”, sagði Susan Beatson.
„Við lokum augunum fyrir
smithættunni, kvörtum ekki, og
látum sem við sjáum ekki
kakkalakkana, sem sitja á
næsta borði við okkur á veit-
ingahúsum.”
Ungfrú Beatson hvatti til
þess, að kakkalakkar væru
flokkaðir undir alvarlega plágu
ogað þrýst yrði á framkvæmda-
stjóra og eigendur hótela, veit-
ingahúsa og kaffihúsa um að
gera róttækar ráðstafanir gegn
skorkvikindunum.