Dagblaðið - 02.03.1976, Blaðsíða 4

4
Dagblaðið. Þriðjudagur 2. marz 1976.
SKÓGRÆKTARSTJÓRI SEGIR:
Miklu hagkvœmora
að nýta land fyrir
skóga en sauðfé
Miklu hagkvæmara væri að nýta
landið til skógræktar en sauðfjárræktar.
Svo segir skógræktarstjóri, Hákon
Bjarnason, og nefnir dæmi.
í dæmi skógræktarstjóra, þar sem
ákveðið land er tekið um ákveðið árabil,
kemur út að umframtekjur við að nýta
landið til skógræktar í stað sauðfjár-
ræktar væru að meðaltali á bilinu
18.950 til 40.543 krónur á ári.
Eitt ærgildi, sem er ein ær með 1,3
lömb, er talið þurfa um 2,5 hektara af
úthagabeit. Reiknað er með einingar-
verði sauðfjárafurða árið 1974 og út
kemur að vergar tekjur sauðfjárbónd-
ans, það er að segja söluverð afurðanna
að frádregnum aðföngum, yrðu á 35
árum á bilinu 37 þúsund til 75 þúsund
krónur á hektara, miðað við fast
verðlag. Þetta er borið saman við að
landið sé nýtt til skógræktar og plantað
um 4500 plöntum hektara á fyrsta ári.
Stofnkostnaður við það nemur um
93.500 krónum. Fyrstu 10 árin eftir
plöntun er ekki gert ráð fyrir að neinar
tekjur fáist af skógræktinni, né heldur
að neinn kostnaður verði við hana.
Næstu 25 árin er reiknað með að við
grisjun fáist um 2500 plöntur, það eru
100 plöntur á ári. Þær nýtist ýmist sem
jólatré eða til efnis í girðingarstaura og
bóndinn fái að meðaltali 635 krónur
fyrir plöntuna. Samanlagar tekjur hans
yrðu á 25 árum 1.587.500 krónur.
Vegna óhagstæðs veðurs og annarra
skakkafalla er reiknað með 50 prósent
afföllum og yrðu tekjurnar þá 793.750
krónur.
Út úr þessu dæmi kemur það sem að
framan greindi. — HH
SJÓMANNAFÉLÖGIN STYRK
EN FÉLÖG YFIRMANNA VEIK
„Sjómenn almennt eru óánægðir með
þá samninga sem samninganefndir
undirrituðu um helgina og lögðu fyrir
sjómannafélögin,” sagði Sigurpáll
Einarsson, einn af nefndarmönnum í'
Samstarfsnefnd sjómanna, er blaðið
hafði tal af honum í Grindavík í gær.
Sigurpáll sagði að þrátt fyrir óánægju
sjómannanna með þessa samninga væri
ekki hætta á að sjómannafélögin riðuðu
til falls. Hins vegar væru stýrimanna-
og skipstjórafélögin hætt komnari í
þeim efnum. Mikil hætta væri á því að
þau myndu eitthvað riðlast.
í Keflavík starfar stýrimannafélagið
Vísir. Þar gætir þess að menn vilji segja
sig úr félaginu og vilja að stofnuð verði
deild yfirmanna innan Sjómannafélags
Grindavíkur.
Samningarnir nú voru samþykktir í
Grindavík. Þar munaði þó mjóu milli
hópanna. Með samningunum voru 26
en 24 á móti. Það sem baggamuninn
reið var að hópur sjómanna í félaginu
er yfirborgaðuc og sá hópur var með
samningunum.
í Hafnarfirði voru samningarnir
kolfelldir og sömuleiðis í Reykjavík og í
Keflavík. Þá var að hvessa og óvisst um
veiðiútlit.
Grindavíkurbátar voru fljótir út á
miðin. Atkvæðagreiðslu var lokið um kl.
12.30 og fyrstu bátamir fóru út úr
höfninni fyrir kl. 1 í gær.
ASt.
Póstþjónustan orðin eðlileg
Að sögn Árna Þórs Jónssonar yfir-
dcildarstjóra á pósthúsinu eru nú póst-
samgöngur komnar að mestu í eðlilegt
horf. Frá því flug til útlanda hófst á
laugardagsmorgun og þar til í gær
höfðu pósthúsinu í Reykjavík borizt
milli Fimm og sex hundruð pokar af
flugpósti. Var síðan unnið alla helgina
á pósthúsinu við flokkun þess er borizt
hafði. Sjópóstur hefurenn sem komið er
enginn borizt frá verkfallslokum en
hlýtur að fara að koma bráðlega.
Meðan á verkfallinu stóð barst
óverulegt magn póstsendinga utan af
landi til pósthússir^s og eftir verkfall fór
meira að berast með innanlandsfluginu,
þó ekki í neitt gegndarlausum mæli,
virðist svo sem fólk hafi dregið úr
skrifum og sendingum vitandi að ekkert
kæmist meðan verkfallið stæði.
-BH.
ÍSLENZK „GESTRISNI":
„Það er draumur að vera með dáta"
Að sögn lögreglunnar á
Keflavíkurflugvelli eru alltaf
töluverð brögð að Jjví að greiðviknar
stúlkur dveljist næturlangt hjá her-
mönnunum á vcllinum.
Þrjár stúlkur Voru sóttar í
hermannabústaðina núna um
helgina en reglur banna allt náið
samneyti við hermennina í bústöðum
þeirra. Voru stúlkurnar á aldrinum
17-19 ára og að sögn lögreglumanna
„gamlir kunningjar” á þessum
slóðum. Þær voru allar úr Garðinum
,,að svala ólgandi sjómannsblóði”,
eins og komizt var að orði.
Segja Kjgreghfmenn flakk þetta á
kvenfólki ærið hvimléitt og eftirlit
herliigreglu fremur slælegt. -HF.
Auglýsing
Samkvæmt d-lið 1. gr. laga nr. 55 27. maí
1975, um ráðstöfun gengismunar í þágu
sjávarútvegsins skv. lögum nr. 2/1975 og um
ráðstafanir vegna hækkunar brennsluolíuverðs til
fiskiskipa, auglýsir ráðuneytið hér með úthlutun
allt að 50 millj. króna úr gengismunársjóði 1975,
til að bæta eigendum fiskiskipa það tjón, sem
þeir verða fyrir, er skip þeirra eru dæmd ónýt,
enda sé tjónið ekki bætt með öðrum hætti.
Um úthlutun þessa gilda eftirfarandi reglur:
I.
Stál- og eikarskip, sem orðin eru 25 ára og
dæmd eru ónýt og afmáð af aðalskipaskrá, skv. 3
tl. 1. mgr. 15. gr. laga nr. 53/1970, á árunum
1974, 1975 eða fyrstu tveim mánuðum ársins
1976 vegna slits, ryðs, tæringar, maðkskemmda
og fúa, sem ekki er bættur skv. lögum um
bráðafúatryggingar, koma til greina við úthlutun
þessa fjár. Skilyrði er að ekki sé meira en 12
mánuðir liðnir frá því viðkomandi skip var í
eðlilegum rekstri og þar til það var máð af
aðalskipaskrá.
II.
Viðmiðun bóta fyrir eikarskip verður síðasta
vátryggingarmatsfjárhæð skips til bráðafúa-
tryggingar.
Viðmiðun bóta fyrir stálskip verður
matsfjárhæð bols, ásamt yfirbyggingu og raflögn.
Bætur verða reiknaðar sem ákveðinn
hundraðshluti af framangreindum matsfjár-
hæðum að frádregnum öðrum hugsanlegum
tjónabótum.
Um greiðslu bóta fer eftir ákvörðun sjavarút-
vegsráðuneytisins.
III.
Umsóknir um bætur samkvæmt auglýsingu
þessari ásamt greinargerðum skulu hafa borist
sjávarútvegsráðuneytinu fyrir 10. mars 1976.
Sjávarútvegsráðherra mun skipa þriggja
manna nefnd til þess að ákveða bótaþega og
fjárhæðir bóta.
Sjávarútvegsráðuneytið
20. desember 1975.
MfSBIABW '
er smáauglýsingablaðið
Loksins rœtist
1 aumurinn
Tízkuvörur fyrir
dömur á öllum aldri
DRAUMURINN,
Njálsgötu 23 - sími 22873