Dagblaðið - 24.07.1976, Blaðsíða 7

DAGBLAÐIÐ. LAUGARDAGUR 24. JULI 1976.
7
Skátarnir voru að leggja af stað frá Sundahöfn út i Viðey í gærdag, er
Bjarnleifur ljósmyndari smellti þessari mynd af.
Landnemamót við
bœjardyr Reykvíkinga
Mót skátafélagsins Landnema
hófst í gærdag í Viðey. Þetta er í
fimmta skiptið, sem
Landnemarnir standa fyrir opnu
móti á þessum stað,við bæjardyr
Reykvíkinga.
Það sem er mest spennandi við
mótið frá bæjardyrum hins
almenna borgara séð og jafnvel
skátanna líka, er kvöldvaka, sem
haldin verður i kvöld. Þá verður
varðeldur kyntur og væntanlega
sungnir nokkrir skátasöngvar.
Undanfarin ár hafa verið starf-
ræktar fjölskyldubúðir á
Landnemamótunum í Viðey. Svo
er ekki að þessu sinni, þar eð
dagskráin verður að mestu miðuð
við skátastarf. Þó eru allir
velkomnir á laugardagskvöldið.
— Mótinu lýkur á sunnudag.
—AT—
Guðmundur J. Guðmundsson:
, JCJARABÆIURNARIR AD HNNA
í BREYTTRISKATTALÖGGJÖF"
„Það er náttúrlega ljóst, að
skattakerfið er allt kolsprung-
ið,“ sagði Guðmundur J. Guð-
mundsson formaður verka-
mannafélagsins Dagsbrúnar.
„Og það er ekki nokkur mögu-
leiki á því, að fólk sætti sig við
slíkan ójöfnuð, sem þar ríkir.“
Sagði Guðmundur, að vissu-
lega hefði dýrtíðin magnazt, en
hið óréttláta skattakerfi, sem
byggt væri á alröngum og úr
sér gengnum sósíaldemókrat-
ískum kenningum, gerði þó út-
slagið.
„Verkalýðshreyfingin hefur
alls ekki beitt sér nægilega
fyrir því að knýja fram breyt-
ingar á skattalöggjöfinni, því
þar eru hinar raunverulegu
kjarabætur að finna,“ sagði
Guðmundur ennfremur.
„Skattalöggjöfin hefur að vísu
verið til endurskoðunar í ein-
hverjum nefndum, frá því að ég
man eftir mér, en ég óttast, að
þegar niðurstöður þeirrar
endurskoðunar birtast, verði
sett önnur nefnd í málið til þess
að kanna þær niðurstöður.“ HP.
„Stöndum ver að vígi en fyrir
samninga — segir Aðalheiður Bjarnf reðsdóttir
„Ég verð að segja að mér
finnst ástandið aldrei hafa
verið eins slæmt og nú,“ sagði
Aðalheiður Bjarnfreðsdóttir,
fulltrúi láglaunakvenna i við-
tali við Dagblaðið. „Samning-
arnir voru ekki einu sinni
komnir til framkvæmda, þegar
yfir okkur var dembt almennri
verðhækkun og svo kemur
skattahækkunin nú. Ég held að
ég megi fullyrða að við
stöndum verraðvígi nú, heldur
en fyrir kjarasamninga."
Aðalheiður sagði að svo væri
það nú staðreynd, sem allir
vissu um, að skattarnir legðust
ekki jafnt yfir alla, ýmsir eigna-
menn slyppu mun betur en
aðrir og þá þeir sem minnst
mættu sín, „og það hlýtur að
vera einhver samábyrgð, þvi að
okkar samfélag er ekki það
stórt, að menn viti ekki, hverjir
það eru sem eiga eignir.“
„Það þarf auðvitað að breyta
skattalöggjöfinni og til þess að
svo megi verða, verður almenn-
ingsálitið gagnvart sköttum að
breytast," sagði Aðalheiður
ennfremur. „Fólki verður að
skiljast, að það er hreinn þjófn-
áður að svikja undan skatti og
slíkt lendir aðeins á þeim, sem
ekki geta varið sig.“
— HP.
„Hœkkaninwr hefðu orðið
hvort eð var"
L. Sveinssorí
„Staðreyndin er sú, að þó
ekki hefði verið samið um
neinar hækkanir á kaupi við
síðustu kjarasamninga, hefðu
bæði verð- og skattahækkanir
orðið," sagði Magnús L. Sveins-
son í viðali við Dagblaðið. „Það
lá ljóst fyrir, er við unnum að
samningum, að hækkanir yrðu
og því var eina ráðið fyrir
okkur að gera algjöra varnar-
samninga, eins og við gerðum,
til þess að reyna að tryggja
svipaðan kaupmátt launa og
verið hafði árið 1975.“
Sagði Magnús, að ef ekki
hefði verið samið um þær
hækkanir, sem þó var gert,
mætti gera því skóna, að
kaupmáttur launa hefði rýrn-
að um sem svarar 20%.
„Varðandi skattamálin voru
þau auðvitað rædd, þegar geng-
ið var til samninga, en þeir
sögðu okkur þar, að þeir hefðu
reynt að lækka skatta, eins og
hægt væri,“ sagði Magnús enn-
fremur. „Þar stóð járn í járn og
engu varð um þokað. Auðvitað
þarf að lækka skattana, og þá er
sama, hvar sú lækkun kemur,
aðalatriðið er, að skattabyrðin
verði lækkuð í heild.“ — HP.
EKKI DUGIR AÐ GLEYMA NEINU, ÞVÍ HÉR
ER EKKIHÆGT AÐ SKJÓTAST ÚT í BÚÐ
\
segir hótelstýran ó Hótel Flókalundi
„Mér finnst þetta ákaflega
lifandi starf, mér þykir ákaf-
lega gaman að taka á móti
gestum og svo vel vill til að þeir
gestir, sem til okkar hafa
komið, eru eingöngu „gott
fólk,“ sagði Heba Ólafsson,
hótelstjóri á Hótel Flókalundi í
Vatnsdal. Þar er rekið eitt af
vistlegustu hótelum sem a.m.k.
undirritaður blm. DB hefur
rekizt á úti á landsbyggðinni.
Þegar ferðalangur er búinn
að aka um sjö klukkutíma á
rykugum þjóðvegum um ótal
firði og víkur — þar sem sums
staðar er engin byggð eða víða
svo strjál að með ólíkindum er
— og ekur síðan fyrir „horn-
ið“ hjá Flókalundi verður hann
ólýsanlega feginn. Viðmót
húsráðenda, Hebu og manns
hennar, Páls Ágústssonar
kennara, er svo gott að maður
vildi helzt ekki þurfa að fara
frá þeim aftur. Ég ræddi við
Hebu um starf hennar sem
hótelstjóra og ýmsilegt fleira.
„Fljótlega eftir að hótelið var
opnað fyrir fimm árum fór að
bera á því að heilu skipshafn-
irnar af fjörðunum lögðu leið
sína til okkar og hugðust taka
herbergi á leigu til þess að
setjast þar að sumbli.Við vorum
fljót að stemma stigu við slík-
um heimsóknum.
Þetta er ástæðan fyrir því að
við höfum ekki áhuga á að
fá opnaðan bar hér í hótelinu
eins og var þó ætlunin. Það yrði
fljótt að sjá á öllu hér. Aftur á
móti vildi ég gjarnan hafa á
boðstólum borðvín til þess að
fólk geti fengið vin með matn-
um.
Hótel Flókalundur er nokk-
urs konar „Þingvöllur“ okkar
hérna á Vestfjörðum," sagði
Heba. „Hingað skreppur fólk
gjarnan og fær sér gott að
borða um helgar. Þótt yfir
erfiða fjallvegi sé að fara eru
allir fyrir löngu orðnir vanir
þeim.“
— Eru ekki einhverjir erfið-
leikar samfara því að reka hótel
á afskekktum stað eins og hér?
„Það þýðir að minnsta kosti
ekki að gleyma einhverju nauð-
synlegu, því hér-er ekki hægt
að skjótast út í búð.
Annars eru samgöngur við
Reykjavík ágætar, þaðan
kaupum við flest af því sem við
þurfum á að halda. Flutninga-
bílarnir fara hér um 3—4 sinn-
um í viku. Stundum fáum við
vörur frá Stykkishólmi með
flóabátnum Baldri sem kemur
að Brjánslæk 3—4 sinnum í
viku yfir sumartímann.
Það er heilmikið í kringum
svona starf og mikið um að
hugsa. Ég er vön að taka bók-
haldið á kvöldin þegar ró er
komin á og getur það starf
stundum dregizt fram á nótt-
ina.“
— Hvað vinna margir hérna
hjá þér?
„Með okkur hjónunum erum
við átta. Við höfum veriö alveg
sérlega heppin með starfsfólk,
allir mjög samvinnuþýðir og
vinna störf sín ötullega."
Hótelið í Flókalundi hefur
einnig opna „sölubúð" þar sem
vegfarendur, hótelgestir og
tjaldbúar í nágrenninu geta
keypt ýmislegt sem þá vanhag-
ar um. Það er mikið um að fólk
tjaldi í hinu undurfagra um-'
hverfi hótelsins. Koma þeir þá
gjarnan á hótelið og fá sér máls-
verð. Á hótelinu er einnig hægt
að fá keypt veiðileyfi bæði í
Vatnsdalsá og VatnsdaLsvatni.
Hótelið í Flókalundi er opið
fram á haustið, fer það dálítið
eftir tíðarfarinu hve lengi er
opið. 1 fyrrahaust var tíð mjög
góð og var opið fram í nóvem-
ber.
Seinni hluta sumars og á
haustin koma margir til berja-
tínslu í Flókalund. Þar er
gnægð af berjum, mest aðal-
bláberjum.
Ekki fannst mér sennilegt að
Heba sæti og héldi að sér
höndum heima hjá sér á Patró
(sem re.vndar heitir Vatneyri)
allan veturinn, þegar
hótelhaldið liggur niðri.
— Hvað gerir maður á Patró
á veturna?
„Það er ýmislegt sem hægt er
að taka sér fyrir hendur annað
en að kjafta um náungann. En
sumir virðast halda að það sé
aðal dægrastytting þeirra sem
búa á smáum stöðum. Mér
leiðist að sitja auðum höndum
og sl. þrjá vetur hef ég gengizt-
fyrir keramíknámskeiðum. Nú
þegar hafa verið haldin mörg
námskeið og eru um 7-8 konur á
hverju. Þær sömu koma aftur
og aftur. Hlutina sem þær búa
til nota þær bæði til þess að
skreyta með heima hjá sér og
svo einnig til smágjafa ekki sízt
jólagjafa. Undanfarið höfum
við aðeins unnið með fljótandi
leir og ýmsir gripir verið
steyptir í mót. Konurnar hafa
síðan pússað hlutina og málað
Þá.
Nú ætla ég að taka upp
frjálsa leirmótun. Það hefur
verið fært í tal við mig að koma
til ísafjarðar í vetur til þess að
halda námskeið þar, en það er
enn ekki fastmælum bundið.
Við leggjum einnig stund á
inniíþróttir eins og badminton.
Einnig eru ágætis skíðabrekkur
hérna rétt uppi á Kleifaheiði.
Þangað förum við oft.“
Blm DB hálf sundlaði við til-
hugsunina um skíðaferðalag
upp á Kleifaheiði. Vegurinn
var nógu ógnvekjandi í sumar-
færðinni og góða veðrinu.
Annars eru fjallvegirnir á
Vestfjörðum alveg kafli út af
fyrir sig og mér er til efs að
vegavinnumenn annars staðar í
heiminum hafi unnið annað
eins afrek og þeir sem lögðu
þessa vegi. Upp og niður þver-
hníptar fjallshlíðarnar yfir
stórgrýti og sums staðar er leik-
manni ómögulegt að koma auga
á hvernig nokkrum gat dottið í
hug að leggja veginn þar sem
hann er. Hvílíkt afrek!.
Við kvöddum þennan fagra
stað, Vatnsfjörð, fullviss þess
að Hrafna-Flóki hefði ekki
verið með réttu ráði þegar hann
gaf landinu nafnið ísland til að
fæla aðra frá því. En hann
settist einmitt að á þessum
fagra stað, Vatnsfirðinum. A.Bj.
Hjónin Heba Ölafsson og Páll Agústsson standa í sólinni fyrir
framan hótelið „sitt“. A framhlið hóteisins eru merki allra sýslna á
Vestf jörðum, sem sett voru upp í tiiefni ellefu hundruð ára afmælis
íslandsbyggéar. Páll sagði að gestir hefðu haft svo gaman af þessum
merkjum að hann hefði ákveðið að hafa þau áfram á framhliðinni.