Dagblaðið - 22.09.1976, Blaðsíða 7
DAGBLAÐIÐ. MIÐVIKUDAGUR 22. SEPTEMBER 1976..
7
Erlendar
fréttir
ÓMAR
VALDIMARSSON
REUTER
Lét lífið á
járnbrautar-
stöð íLondon
— þar sem œstir
fótboltaáhugamenn
tuskuðust
Átján ára gamall unglingur
lét lífið á járnbrautarstöð í
London í gærkvöld, er honum
var fleygt út úr kyrrstæðri lest
og hann skall niður á járn-
brautarteina við hliðina.
Atvikið átti sér þannig stað að
áhengendur knattspyrnulið-
anna West Ham United og
Millvall börðust í lestinni og I
hita bardagans var piltinum
fleygt út.
Lögreglan í London sagði að
unglingurinn hafi látizt sam-
stundis er hann skall á teinun-
um.
Kissinger i Afríku:
BfÐfÐ SVARS SMITHS
— Nyerere bjartsýnn að vanda
Frá fundi fimm Afríkuleiðtoga í Dar Es Salaam. Frá vinstri eru Kaunda forseti Sambíu, Neto forseti Angola, Nyerere
forseti Tanzaníu, Khama forseti Namibíu og Machel forseti Mosambik.
Henry Kissinger, utanríkis-
ráðherra Bandaríkjanna, hefur
í dag þriggja daga bið til að sjá
hvort tillögur hans um friðsam-
lega lausn mála í Ródesíu falli í
góðan jarðveg hjá Ian Smith,
forsætisráðherra Ródesíu, og
stjórn hans.
Kissinger kom til Kinshasa í
Zambíu í gær frá Dar Es
Salaam í Tanzaníu, þar sem
hann átti fund með Julius
Nyerere, forseta. Efiir fundinn
sagði Tanzaníuförseti, að hann
teldi að Smith og ráðherrar
hans myndu fallast á tillögur
Kissingers, sem byggðar eru á
brezkum hugmyndum um
meirihlutastjórn blökkumanna
i Ródesíu innan tveggja ára.
Nyerere forseti varaði þó við
því, að Smith væri enn til alls
líklegur og svo kynni að fara,
að hann féllist ekki á
tillögurnar og skilmála þeirra.
Samstarfsmenn Kissingers
voru ekki eins bjartsýnir og á-
kveönir og Tanzanluforseti.
Fréttamönnum var gert ljóst,
að ef Smith hafnaði tillög.unum,
þá væru tilraunir Bandáríkja-
stjórnar til einskis.
Bandarísku embættis-
mennirnir sögðu einnig að það
væri ekki alls kostar rétt hjá
Nyerere forseta þegar hann
segði að Smith kynni að fallast
á tillögur sem ættu rætur sínar
að rekja til James Callaghans,
forsætisráðherra Breta, úr
utanríkisráðherratíð hans.
Bandaríkjamennirnir hafa rert
einhverjar smávægilegar breyt-
ingar á tillögum Callaghans og
vilja þvi eigna sér þær.
Nyerere forseti Tanzaniu er
greinilega bjartsýnastur þeirra
Afríkuleiðtoga, sem
Kissinger hefur rætt við.
Hreinskilni hans er sögð fara
nokkuð í taugarnar á banda-
ríska utanríkisráðherranum,
sem telur sig ekki hafa
tryggingu fyrir því að t.d. Neto
Angolaforseti og Machel
forseti Mózambík muni fallast á
þessar sáttatillögur frekar en
aðrir; þeir muni jafnvel helzt
vilja hefja stórfelldan hernað á
hendur Smith og stjórn hans,
enda hafi ródesíski forsætis-
ráðherrann fyrir löngu
fyrirgert rétti sínum til
samningaviðræðna.
Ríkisstjórn Ródesíu kom
saman til þriggja klst. langs
fundar í gær til að ræða tillögur
Kissingers og mun halda annan
fund í dag. •
Þannig litur það út, landið, sem Eiias Sarkis tekur við á morgun.
Sarkis sver forseta-
eið sinn á morgun
Kjörinn forseti Líbanon, Elias
Sarkis, sver embættiseið sinn á
morgun í borg, sem Sýrlendingar
hafa tryggileg'" á valdi sínu. Það
þykir benda til þess að vinstri-
menn í landinu, sem flestir eru
múhameðstrúar, muni ekki láta
sjá sig við athöfnina.
Kamel Al-Assad, forseti
libanska þingsins, tilkynnti 1 gær
að Sarkis myndi taka við embætti
i borginni Shtoura í Bekaadaln-
um um 40 km vestur af Beirút.
Bardagar hafa aukizt undan-
farna daga á aðalvígstöðvunum
fjórum — Í-Beirút, fjöllunum
austur- og suðaustur af borginni
og I hafnarborginni Tripoli í
norðurhluta landsins. Shtoura er
í um fimmtán km fjarlægð frá
næstu víglínu.
Á fundi. vinstriflokkanna I
Beirút var því lýst yfir, að
embættistökuathöfnin væri
stjórnarskrárbrot. Kamal
Junblatt, leiðtogi sameinuðu
vinstriaflanna í landinu sem
stjórna vesturhluta Beirút og
syðri hluta strandlengjunnar,
sagði: „Staðurinn er á herteknu
svæði og þangað get ég ekki
farið.“
Sýrlenzki herinn, sem fyrr á
þessu ári hóf íhlutun í borgara-
stríðinu í Líbanon, ræður um 600
hundraðshlutum líbansks lands-
svæðis.
Hægrimenn koma saman til
fundar í dag til að ræða fyrir-
hugaða embættistöku I Shtoura.
Leiðtogi eins stærsta stjórnmála-
flokks hægri manns, Frjálslynda
þjóðarflokksins, Camille
Chamoun, sem jafnframt er vara-
forsætisráðherra, hefur sagt að
samkvæmt stjórnarskránni verði
embættistaka forsetans að fara
fram i Beirút.
Byltingartilraun
að hvetja
til verkfalla
Öryggissveitir stjórnarinnar
i Eþíópíu hafa fengið skýr
fyrirmæli um að meðhöndla
skuli hvern þann sem reyni að
hvetja til verkfalla meðal
verkamanna í landinu sem
argasta valdaræningja. í til-
kynningu ríkisstjórnarinnar,
þar sem hart var deilt á hinn
ólöglega byltingarflokk
eþíópísku þjóðarinnar, sagði að
hér eftir yrði tekið „ákveðnum
og föstum tökum á hverjum
þeim, sem hefði byltingaráform
í huga.“
Allir einstaklingar eða hópar
sem hvetja til vinnustöðvunar
um stuttan eða langan tíma,
eiga því nú á hættu að verða
skotnir án dóms og laga, ef þeir
verða staðnir að verki við að-
gerðir sínar. — Heimildir í
höfuðborginni, Addis Ababa,
hermdu að yfir hundrað manns
hefðu verið teknir fastir og
væru enn í haldi síðan ofsóknir
stjórnvalda yfir byltingarflokki
eþíópisku þjóðarinnar hófust í
þessum mánuði.