Dagblaðið - 22.09.1976, Blaðsíða 8

DACiBLAÐIÐ. MIÐVIKUDAGUR 22. SEPTEMBER 1976.
s
Nógir veðréttir verða lausir
— verr gengur að fó lónin
Þótt veðurguðirnir hafi
Ieikið blítt við Norðlendinga í
sumar virðast þeir hafa haft
hinn mesta ímugust á Sunn-
lendingum. Það hefur þó ekki
aftrað húsbyggjendum hér frá
því að mæta galvaskir við hið
eilífa „hobbí" þjóðarinnar að
byggja yfir sig.
Við lögðum leið okkar upp í
Breiðholt og röbbuðum við
nokkra, sem eru orðnir fimir að
að nota hamar og sög, hafi þeir
ekki kunnað þá list áður. Þeir
lögregluþjónarnir Einar
Bjarnason og Sverrii Guð-
mundsson eru að byggja sitt
einbýlishúsið hvor eftir sömu
teikningu. Má vart á milli sjá
hvor hefur betur enda miða
báðir við að vera búnir að gera
fokhelt fyrir októberlok. Að
öðrum kosti fá þeir ekki hús-
næðismálalán, sem þeir reikna
fastlega með.
Spara milljónir með þvi að
vinna sjálfur.
„Það má heita aö ég hafi
eingöngu unnið þetta sjálfur,
utan þriggja dagsverka sem
mér voru gefin. Þrjátíu þúsund
kr. hef ég borgað í vinnulaun
fyrir utan rafmagnsvinnu,"
sagði Einar. Þeir félagarnir
byrjuðu á byggingunum í maí i
vor.
Einar og Sverrir fóru geyst
af stað og unnu 15-16 tíma á
dag. Verkið vannst þó ekki eins
vel og þeir bjuggust við með
þessum langa vinnutíma, svo að
þeir styttu hann til muna.
Öllum frístundum er varið í
þetta og vitanlega sumarleyfis-
timanum líka. Þegar . þeir
félagar tala um að þeir hafi
aðallega unnið þetta sjalfir
telja þeir með að konur þeirra
hafi lagt hönd á plóginn, enda
Kári Guðbrandsson hjá Fasteignamiðstöðinni naglhreinsar og finnst bankakerfið lokað þegar til lána
til húsbvggjenda kemur.
maður og kona eitt. Börnin
gerðu líka sitt, en Einar á sjö
börn og Sverrir fjögur.
„Ég gæti trúað að við höfum
sparað talsvert á þriðju milljón
með þessu,“ sagði Einar en
Sverrir varð kíminn á svip og
sagðist aldrei vera sammála
neinum töium. Hann tók
hraustlega í nefið og bauð
okkur líka.
Við spurðum um lánamálin.
Einar sagði að sér hefði gengið
þokkalega við að fá vixla og fá
þeim framlengt. Það gekk hins
vcgar ekki eins vel hjá honum
fyrir nokkrum árum, þegar
hann byggði þá. Þá gekk svo
illa að fá lán að hann sá sér
ekki annað fært en selja.
Fyrst vorður að komast i ráð-
herrastólinn — þá eru engin
vandræði með lán.
„Eg hef kannað möguleika á
víxillánum," sagði Sverrir.
Hann gat að vísu fengiö 150
þús. kr. til þriggja mánaða. „En
þeir voru harðir á greiðslu."
Sverrir er með vaxtaaukalán og
þar fyrir utan var fjölskyldan
búin að koma sér upp
sparilántökurétti, áður en
byrjaö var á byggingunni.
Sverrir sagði að engin vand-
ræði væru hjá sér, væri hann
ráðherra. Við yrðum bara að
kjósa hann sem slíkan fyrst.
Næst varð á vegi okkar hinn
landsfrægi leikfimi- og skíða-
maður með fleiru, Valdimar
Örnólfsson. Synirnir þrír voru
að naglhreinsa og Valdimar að
athuga sinn gang við
bygginguna. Húsið er búið að
vera í byggingu í 1 'A ár og
vonast Valdimar til þess að geta
gert það fokhelt fyrir veturinn.
Hann á fastlega von á
húsnæðismálaláni. Flestar hans
frístundir hafa farið í hús-
bygginguna. Valdimar sagði að
þeir sem selt hefðu sér efni
hefðu. verið sérstaklega
þægilegir í sambandi við Iána-
viðskipti. Hann væri nú búinn
að selja íbúð sína til þess að ná
endum saman í peningamálum.
Hana hafði hann keypt fyrir
um 13 árum tilbúna undir
tréverk. Valdimar sagðist ekki
hafa viljað standa í neinum
byggingarframkvæmdum
meðan börnin voru lítil, meðal
annars vegna þess að það hefði
slæm áhrif á þau að skipta um
skóla.
Menn í ábyrgðarstöðu eiga aé
hafa kost á góðum lánum.
Viðvíkjandi meiri lánum og
hvort hann gæti jafnvel fengið
stórlán eins og utan-
ríkisráðherra sagði hann að sér
fyndist spurningin ekki
viðeigandi. Sér fyndist að menn
sem væru í ábyrgðarstöðu ættu
að eiga kost á góðum lánum.
Kári Guðbrandsson, fast-
eignasali frá Fasteignamið-
stöðinni, var einn í sínu húsi
við að naglhreinsa. Það sem
hann hefur gert í sínu húsi
ásamt tveim börnum sínum og
konu er . aðallega handlang,
rifrildi og naglhreinsun. „Það
má segja að þetta hafi verið
mitt tómstundagaman í sumar,“
sagði hann. Kári stefnir að því
að gera húsið fokhelt fyrir
haustið en hann byrjaði á því
snemma í vor.
Það gengur illa með lána-
viðskiptin hjá honum en hann á
raðhús sem hann á eftir að
selja. „Bankakerfið er gjörsam-
lega lokað," sagði Kári og
sagðist verða með nóga veðrétti
lausa þegar húsið yrði tilbúið
„Eg myndi þiggja þó ekki væri
nema tvær milljónir kr. á hag-
stæðum kjörum,“ sagði hann og
bætti við að hann væri því
miður ekki í sömu aðstöðu og
ráðherra með að fá lán. -EVI.
Yaldimar Örnólfsson hefur verið önnum kafinn ásamt konu sinni og þrem sonum
við að naglhreinsa og fleira vegna húsb.vggingarinnar. Við sjáum hér Valdimar
ásamt sonunum Örnólfi, Kristjáni og Jónasi.
Þeir keppast við að gera húsin fokheld fyrir októberlok þeir Einar Bjarnason og
Sverrir Guðmundsson. DB-m.vndir Arni Páll.
Húsbyggjendur og lónamálin:
—
Jarðskjálfti á Kröflusvœðinu:
Sá stœrstí
síðan í febrúar
Mœldist 3,3 stig á Richter
Menn vöknuðu upp við
vondan draum á Kröflusvæðinu
í fyrrinótt, iarðskjálftakipp, og
sagði Leifur Hannesson, fram-
kvæmdastjóri verktakans Mið-
fells við Kröflu, sem var vak-
andi að þessi kippur hefði verið
svipaður að styrkleika og
kippirnir sem hefðu verið á
svæðinu á hálftíma- til klukku-
tima fresti i febrúar. Einnig
viiknuðu menn í Reykjahliðar-
hverfi og einn og einn maður
vaknaði á Húsavík.
—
Páll Einarsson jarðeðlis-
fræðingur sagði að þetta væri
nú engin stökkbreyting frá því
sem verið hefði, þó að þetta
væri stæsti kippurinn. sem
mælzt hefði síðan í febrúar, eða
3,3 stig á Richter. Alltaf iiðru
hverju kæmu jarðskjálfta-
kippir sem mældust um 3 stig.
Ilann taldi að jarðskjálftinn
hefði átt upptök sin í sunnan-
verðu Hlíðarfjalli. Skjálftatiðni
vex áfram á Kriiflusvæðinu.
EVI/JBP
Slátrið verður selt
í verzlunum líka
Hvert slátur kostar 850 kr. í ár
„Jú, hér er mikið um að vera.
Hingað kemur fólk úr
sveitunum í kring og
húsmæður í Borgarnesi vinna
mikið hér,“ sagði Guðrún
Andrésdóttir í sláturhúsi
Kaupfélags Borgfirðinga i gær.
Slátrun verður svipuð þar og
i fyrra, eða 84 þús. fjár. Á Sel-
fossi fengunt við að vita að
slátrun yrði líka svipuð þar og
i fyrra, eða um 42 þús. fjár. og
á Sauðárkróki verur talan
einnig svipuð og í fvrra, um 65
þús. fjár.
Slálur með sviðnum og
söguðum haus, hreinsuðum
vömbum og 1 kg. af mör kostar
I ár 850 kr„ en kostaði í fyrra
700 kr.
Vigfús Tómasson hjá Slátur-
félagi Suðurlands sagði að þeir
stefndu nú að þvi að selja 5
slátur í einni pakkningu og
bjóst hann við að hvert slátur
kostaði þá um 100 kr. meira.
Slátursala byrjar sennilega á
fimmtudag. og ætlunin er að
selja í Sláturfélagsbúðunum.
„Við erum heldur óhressir yfir
því hvað slátursala hefur
dregizt saman," sagði Vigfús og
bætti við að þegar hann hefði
fyrst verið við slátursöluna
hefðu 60-70 þús. slátur selst á
Stór-Reykjavikursvæðinu en
aðeins um 40 þús. undanfarin
ár. A þessum tíma hefði fólks-
fjöldinn allt að tífaldazt.
Vigfús sagði að i öskjunni
utan um slátrið væri að finna
upplýsingar um sláturgerð.
suðutima, blöndun og annað.
-EVI.