Dagblaðið - 29.10.1976, Blaðsíða 18

Voru allir svo fullir, að þeir
stóðu varla á löppunum!
Ragnar Th. Sigurðsson segir frá
hljómleikum Thin Lizzy í Gautaborg
Poppfréttaritari Dagblaðsins
í Svíþjóð, Ragnar Th. Sigurðs-
son, var staddur á tónleikum
brezku hljómsveitarinnar
THIN LIZZY í Konserthuset í
Gaulaborg á dögunum. Frásögn
hans af þessum hljómleikum
fer hér á eftir.
,,Thin Lizzy birtist á sviðinu í
heljarmiklum sprengingum
með tilheyrandi eldglæringum
og þurrisreyk. Ljósa ,,show“
hljómsveitarinnar reikaði um
allt sviðið. Fyrsta lagið, sem
flutt var, er frægasta lag hljóm-
sveitarinnar, The Boys Are
Back In Town. í byrjun var allt
í lagi með tónlistina og áheyr-
endur skemmtu sér hið bezta.
Þegar á leið bréyttist músikin í
óskiljanlegan hávaða og voru
flestir sammála mér J því að
hún hefði verið hundleiðinleg
og óskiljanleg.
Það bezta við þessa hljóm-
leika Thin Lizzy var sviðsfram-
koma félaganna. Þar bar aðal-
maðurinn, Phil Lvnott bassa-
leikari af. Hann hélt oft á tíðum
bassanum eins og vélbyssu á
meðan hann lék og var að öðru
leyti hinn líflegasti.
En er leið á hljómleikana
urðu spilararnir æ fyllri og
fyllri. Svo kom í lokin að þeir
áttu í megnustu erfiðleikum að
standa í lappirnar. Phil Lynott
datt tvisvar á hnén og í seinna
skiptið gat hann varla staðið á
fætur aftur. Eftir um 40
mínútna dvöl i hljómleikasaln-
um var ég búinn að fá nóg af
hamagangi og hávaða og fór i
bíó til að bjarga kvöldinu. Og
ég get ekki sagt annað en að
THIN LIZZY: í fyrstu lék hljómsveitin mjög skiljanlega tónlist en
er leið á hljómleikana breyttist tónlistin í óskiljanlegan hávaða.
Sviðsframkoma PHIL LYNOTTS var góð í byrjun, en þegar á leið
gerðist hann svo drukkinn, að hann átti i erfiðleikum með að standa
upp, þegar hann datt á sviðinu. DB-mynd: Ragnar Th. Sigurðsson.
myndin „One Flew Over The
Cuckoo’s Nest“ hafi bjargað því
sem bjargað varð.“
Síðan þessir hljómleikar
voru haldnir hefur það gerzt í
Bretlandi að Thin Lizzy hefur
verið kosin bjartasta von
Englendinga af lesendum
blaðsins Melody Maker. Lag
hljómsveitarinnar, The Boys
Are Baek In Town, lenti i öðru
sæti yfir vinsælustu lög ársins
og Phil Lynnott hafnaði í sjötta
sæti yfir vinsælustu bassa-
leikarana.
Frásögn Ragnars Th. af
hljómleikum þessarar björtu
vonar Bretans bendir ekki til
þess að neitt tiltakanlega
merkilegt sé þarna á ferðinni.
— Þó kann svo að vera að Thin
Lizzy hafi tekið Svíþjóð fyrir
einhverja sveit þar sem hægt
væri að bera á borð hvað sem
væri. „Þar sem enginn þekkir
mann þar er gott að vera...“
—RThS/AT—
ÁSGEIR
TÖMASSON
ÓMAR
VALDIMARSSON
Jakob Magnússon er nú aö leggja síð-
ustu hönd ó hljóðblöndun sólóplötu sinnar,
sem hann hafur unnið að undanfarið. Aö
sögn Steinars Berg útgafanda er ennfromur
væntanleg ny hljómplata meö Spilverki
þjóðanna og ó hún að koma ó markað fyrír
jólin. Mun hún vera allfróbrugðin þeim plöt-
um sem Spilverkið hefur óöur sent fró sér.
HVAR ER ÞESSIBASSINHHJRKOMINN?
Tómas Tómasson Stuðmaður með bassann góða skómmu áður en
hann hvarf úr samkomuhúsinu í Stykkishólmi. DB-mynd: APJ.
Tómas Stuðmaður Tómasson
er hnugginn og hefur látið á sjá
að undanförnu. Hann kom inn
á ritstjórnarskrifstofur DB i
fyrrakvöld og kvartaði sáran.
„Bassanum 'mínum hefur
verið stolið," sagði hann. „Við
vorum á lokaspretti Stuð-
mannaferðarinnar í Stykkis-
hólmi á föstudagskvöldið 15.
októ'ber þegar ég sá bassann
síðast. Við fórum til Reykjavík-
ur um nóttina að dansleik lokn-
um og þá kom fyrst í ljós að
bassinn minn hafði orðið
eftir."
Sunnudaginn 17. okt. höfðu
Stuðmenn samband við sam-
komuhússtjórann í Stykkis-
hólmi og kannaðist hann strax
við að hljóðfærið hefði orðið
eftir.hann hefði sjálfur séð það
um morguninn. Varð að sam-.
komulagi að bassinn yrði
sendur flugleiðis til Reykjavík-
ur næsta mánudag. Hann hefur
þó ekki sézt enn og kom í ljós
við eftirgrennslan að þegar til
átti að taka fannst hljóðfærið
ekki í húsinu.
„Þetta er ómetanlegur bassi,
nánast antik-hljóðfæri,“ sagði
Stuðmaðurinn hnuggni í fyrra-
kvöld. „Hann er af gerðinni
Fender Precision og númerið
er skráð á bakið: 61991. Hann
er auðþekkjanlegur á því að
það er brotið lítillega upp úr
hálsinum á milli þriðja og
fjórða bands.“
Tómas hefur heitið því að
taka gleði sína á ný þegar bass-
inn er kominn til skila. Ef þjóf
urinn hefur hug á að skila
hljóðfærinu getur hann haft
samband við DB — eða Tómas,
eða lögregluna, eða samkomu-
húsið i Hólminum — og gert
það þannig.
— OV.
Fyrstu tónleikar Jazzvakningar á
þessum vetrí verða á mánudaginn
Klúbburinn Jazzvakning
gengst fyrir jazzkvöldi í Veitinga-
húsinu i Glæsibæ næstkomandi
mánudagskvöld. Þar koma fram
nokkrir kunnir jazzleikarar ásamt
öðrum sem hafa orðið þekktari
fyrir rokktónlist en jazz.
Meðal annarra má nefna þá
Guðmund Steingrímsson og Karl
Möller auk þeirra Birgis Hrafns-
sonar, Pálma Gunnarssonar og
jafnvel leikur Þorsteinn Magnús-
son gítarleikari með, ef hann
verður búinn að ná sér eftir
sjúkráhússlegu. Einnig kemur
fram fólk frá Menntaskólanum
við Tjörnina og syngur jözzuð
þjóðlög. — Jazzkvöldið hefst
klukkan níu, kl. 21.
Aðalfundur Jazzvakningar var
haldinn um síðustu helgi. Þar
gerði fráfarandi stjórn klúbbsins
grein fyrir störfum sínum og ný
stjórn var kosin. Ilana skipa
eftirtaldir: Jónatan Garðarsson
formaður, Vilhjálmur Kjartans-
son varaformaður, Linda Walker
ritari, Steingrímur Guðmundsson
gjaldkeri, Guðmundur R. Guð-
mundsson meðstjórnandi og til
vara voru kosnir þeir Ilermann
Þórðarson og Guðmundur Stein-
grímsson.
Jazzvakning efndi til fimm
skemmtana siðastliðinn vetur.
Klúbburinn er aðeins eins árs
gamall og var stofnaður í Hafnar-
firði á síðasta ári. I samtali við
einn stjórnarmanna kom í Ijós að
misskilnings hefur gætt hjá mörg-
um varðandi Jazzvakningu og
hefur fólkið haldið að hann héti
Jazzklúbbur Hafnarfjarðar, sem
er alrangt.
Á aðalfundinum var ákveðið að
efna til jazzkvölds fyrsta mánu-
dag hvers mánaðar í vetur. Þá
hefur jafnframt komið til greina
að efna til plötukynningarkvölds
og almennra tónlistarskemmtana
ef lítið verður um slíka starfsemi
í vetur. — AT
A þriðjudagskvöldið var „jam-
session" í kjallara Albert Hall við
Bolholt og komu þar fram ýmsir
mætir menn, eins og til dæmis
þeir Karl Möller og Birgir
Hrafnsson, sem þiggur þarna
reyk hjá Karli. Þeir koma báðir
fram á jazzkvöldi Jazzvakningar á
mánudagskvöldið, enda meðal
þeirra reykvísku hljóðfæraleik-
ara, sem sýnt hafa niestan áliuga
á frjálsri tóulist.
DB-mvnd: Arni Páll.