Dagblaðið - 09.12.1976, Blaðsíða 7

DAC.BLAÐIÐ. FIMMTUDAGUR 9. DESEMBER 1976.
7
„Endurreisnarstjóm "
mynduð í Líbanon
Elias Sarkis, forseti Líbanon,
Fól í gærkvöld hagfræðingnum
Selim al-Hoss að mynda nýja
ríkisstjórn. Höfuðverkefni
hinnar nýju stjórnar verður að
standa að uppbyggingunni, sem
óhjákvæmileg er efHr nítján
mánaða borgarastyrjöld, er
krafðist að minnsta kosti
fjörutíu þúsund mannslífa.
í tilkynningu frá forseta-
höllinni, sem lesin var í
sjónvarp í Líbanon í gærkvöld.
sagði að dr. Hoss, sem er 46 ára
gamall hagfræðiprófessor, hafi
verið beðinn að mynda stjórn
„þjóðlegrar endurreisnar".
Talið er víst að í nýju
stjórninni, sem trúlega verður
skýrt frá í dag, verði eingöngu
harðir tæknikratar, sem eigi
enga aðild að þvi undarlega
stjórnmálastríði, sem hefur
hrjáð Líbanon allt síðan Frakk-
ar veittu landinu sjálfstæði
1943.
Erlendar
fréttir
•í twm' .:.
omar.... *;heIM f
VALDIMARSSON PETURSSON
1
REUTER

Carter sendir NA TO kveðjur
sínar og á fjöimarga fundi
með tilvonandi ráðherrum
Jimmy Carter, kjörinn forseti
Bandaríkjanna, hefur gert utan-
ríkismálaráðherrum NATO-
ríkjanna orð á fundi þeirra í
Brussel og ítrekað algjöran stuðn-
ing sinn við samtökin.
Mun Henry Kissinger, utan-
ríkisráðherra Bandarikjanna,
lesa upp yfirlýsingu Carters, er
hann heldur lokaræðu sína við
upphaf tveggja daga fundar varn-
armálanefndar bandalagsins.
Ráðherrarnir hafa rætt varnar-
mátt Bandalagsins, endurskoðað
afstöðu sína til þíðunnar í garð
austantjaldsríkja og rætt vanda-
málin í Mið-Austurlöndum, Suð-
ur-Afríku og önnur alþjóðleg
vandræðamál.
• Carter hefur annars átt annríkt
við að kynnast þeim mönnum,
sem hann er talinn munu skipa í
ráðherrastöður og aðrar valda-
stöður í ríkisbákninu bandaríska.
Hann átti í gær viðræður við
Harold Brown, sérfræðing i mál-
efnum Pentagon og fyrrum flug-
hersráðherra í stjórn Johnsons,
en Brown er talinn líklegur til að
verða fyrir valinu sem varnar-
málaráðherra.
Þá átti hann samtal við Michael
Blumenthal, formann Bendix-
samsteypunnar, sem talinn er
eiga að verða fjármálaráðherra.
1 kvöld mun Carter hitta þing-
manninn Barböru Jordan sem.
eins og Charles Shultze, fvrrum
fjármálastjóri Johnsons-
stjórnarinnar og Clark Clifford,
fyrrum varnarmálaráðherra, er
talin geta orðið dómsmálaráð-
herra.
Carter og Mondale á toppnum:
Með Strauss flokksformanni, og
þingmönnunum, Haskell, O’Neill,
Talmadge, Humphrey, Mansfield
og Edmund Muskie.
Spænskir jafnaðarmenn:
Taka ekki þátt í þjóðarat
kvæðagreiðslu um stjórn■
arskrána .
- Flokksþingi spænska sósial-
istaflokksins lauk í gær, með
yfirlýsingu þingfulltrúa þess
efnis, að flokkurinn myndi ekki
taka þátt í þingkosningunum í
landinu á næsta ári, nema
stjórnvöld gengju lengra í átt
að kröfum flokksins um aukið
lýðræði í landinu.
A þinginu, sem stóð í fjóra
daga, var einnig ákveðið að
sitja hjá við atkvæðagreiðslu
um endurbætur á stjórnar-
skránni sem fram á að fara í
næstu viku, og hélt flokkurinn
fast við þá kröfu sína, að stjórn-
völd leyfðu alla stjórnmála-
starfsemi i landinu, einnig
kommúnistaflokkinn.
Það vakti athygli, að flokks-
þingið vildi ekki fallast á þá
kröfu ýmissa stjórnmálasam-
taka, að eiga ekki orðastað við
ríkisstjórn, sem ekki er kjörin í
almennum kosningum, en eins
og kunnugt er, eru ílestir ráð-
herrarnir skipaðir af Franco
eða Juan Carlos konungi.
Bretland: r
NIÐURSKURÐUR FJARLAGA
— óbein skattahækkun
Brezka stjórnin kemur enn á ný
saman til fundar í dag til að ræða
fyrirhugaðar efnahagsráðstafanir
sínar. I þeim felst m.a. samdrátt-
ur í opinberum útgjöldum og trú-
lega einhverjar hækkanir
óbeinna skatta.
Ráðherrarnir munu einnig
ræða gang samningaviðræðnanna
við Alþjóða gjaldeyrissjóðinn, en
ríkisstjórnin hefur sótt um 3.9
milljarða dollara lán til sjóðsins.
Komist ráðherrarnir að sam-
komulagi um niðurskurð fjárlag-
anna og lánaskilmálana er útlit
fyrir að Denis Healey, fjármála-
ráðherra, geti flutt þinginu boð-
skap sinn I næstu viku eins og til
hefur staðið. Mikið ósamkomulag
hefur verið innan brezku stjórn-
arinnar undanfarna daga.
Starfsmenn Alþjóða gjaldeyris-
sjóðsins, undir stjórn Alans
Whittomes, sem hafa verið í
London undanfarinn mánuð,
munu að líkindum vera um kyrrt
þar til umsókn' stjórnarinnar
liggur fyrir.
SÝRLENDINGAR
OG JÓRDANIR
STOFNA TIL
RÍKJASAMBANDS
Sýrlendingar og Jórdanir,
sem römbuðu á barmi innbyrð-
isstyrjaldar fyrir sex árum, til-
kynntu í gær, að ríkin hefðu í
huga að koma á ríkjasambandi
og hefur nefnd verið kosin til
þess að vinna að undirbúningi
þessa máls.
Fyrirætlun þessi var gerð
heyrum kunn í sameiginlegri
tilkynningu sem gefin var út
eftir tveggja daga heimsókn
Sýrlandsforseta, Hafez Al-
Assad til Amman í Jórdaníu.
Mun nefndin eiga að vinna
að öllum undirbúningi ríkja-
sambandsins og skila áliti sínu
til yfirnefndar, þar sem Al-
Assad og Hussein, Jórdaníu-
konungur eiga sæti.
rostuaag
og til
6
laugardag
Austurborg
Búðargerði 10 — Smi 34945
Nú er jólasalan
i fullúm gangi
Ný jólaleikföng, eldri ódýr jólaleikföng. Gjafa- og skrautvara —
Jólakort, jólaskraut, jólakerti, skrautkerti — Komið, skoðið og
kaupið.
A USTURBORG, Búðargerði 10