Dagblaðið - 15.03.1977, Blaðsíða 9

DAGBLAÐIÐ. ÞRIÐJUDAGUR 15. MARZ 1977.
Fimm þúsund nemendur fá
rétt til menntaskólanáms
,.Menn fara ef til vill frekar í
menntaskólanám nú vegna þess
hve óvissan er mikil með þau
réttindi sem aðrar námsleiðir
veita. Það vita allir nákvæm-
lega hvaða réttindi stúdents-
prófið veitir,“ sagði Guðni Guð-
mundsson rektor Menntaskól-
ans í Reykjavík þegar við
spurðum hann hvort hann
byggist við meiri aðsókn að
menntaskólunum en áður.
Guðni sagði að beðið væri úr-
slita könnunar sem gerð hafi
verið í 9. og 10. bekk um fram-
haldsnám nemenda. Könnunin
mun gefa nokkra vísbendingu
um það hvaða nám nemendur
velja sér eftir skylduna.
Það kemur fram í nýjasta
fréttabréfi menntamálaráðu-
neytisins að 75-80% nemenda í
9. bekk munu öðlast rétt til
náms í framhaldsskóla. Ef nem-
endur ná ekki lágmarkseink-
unn geta þeir setzt í sérstakar
deildir í framhaldsskólum til að
bæta þekkingu sína í undir-
stöðugreinum. Að því loknu
geta þeir hafið nám í fram-
haldsskólum, ef þeir hafa þá
náð tilskildum lágmarkseink-
unnum.
Nú eru 4200 nemendur í 9.
bekk. Að auki eiga rétt til fram-
haldsnáms — og þá m.a. í
menntaskólunum — nemendur
í 10. bekk. Það má því segja að
um það bil einn og hálfur ár-
gangur nemenda útskrifist í
vor og má þá ætla að tæplega
5000 manns hljóti framhalds-
einkunn og geti valið hvort
framhaldsnámið verði í
menntaskóla eða einhverjum
öðrum skóla. 1 ár voru um 2400
nemendur í mennta- og fjöl-
brautaskólum.
Guðni Guðmundsson sagói
það skoðuna sína að verið væri
að lækka inntökumarkið inn í
menntaskólana of mikið. „Hér
er um skýrt afmarkað nám að
ræða sem þarf vissan undirbún-
ing. Grunnskólinn er skemmra
á veg kominn en nemendur
voru í landsprófinu, t.d. í al-
gebru,“ sagði Guðni. Hann tók
það fram að menntaskólarnir
héldu fast við sínar kröfur um
námsárangur nemenda. Þær
héldust óbreyttar þrátt fyrir
breytingar á inntökuskilyrðun-
um.
Það er því ljóst að ef aðsókn-
in verður mikil t menntaskól-
ana næsta vetur verður það í
fyrsta bekk sem flestir nem-
endur falla á prófunum. Þar
verður „síað“ úr. Stefnan er
ekki að útskrifa fleiri stúdenta
heldur að beina nemendum inn
á fjölbreyttara svið en áður hef-
ur verið.
-KP
Lérkonungur
„Blóðidrifin
„Flagð er fagurt á að líta,“ seg-
ir Lér konungur (Rúrik Haralds-
son) við dóttur sína, Regan
(Önnu Kristínu Arngrímsdóttur)
i því að við litum inn i Þjóðleik-
húsið í gærdag. Sviðið er svart
með drungalegri birtu en það öðl-
ast líf, þar sem leikararnir lifa sig
hver af öðrum inn í persónurnar
sem þeir eiga að túlka.
„Þetta er blóðlaust núna, en
leiksýningin er blóðidrifin, af því
höfum við ekki nóg fyrr en á
generalprufunni í kvöld,“ sagði
aðstoðarleikstjórinn, Stefán Bald-
ursson, þegar við náðum í hann
rétt sem snöggvast í matarhléinu.
Hann segir okkur að æfingar hafi
tekizt vonum framar. Sýningin
myndl taka 5-6 tíma í óstyttu
formi en leikstjóranum, Hov-
hannes I Pilikin, hafi tekizt að
stytta hana niður í fjóra.
„Jafnvel statistunum leyfist
ekki að hugsa um kærustuna sína,
þeir verða að vera hluti af verk-
inu,“ segir Pilikin. Hann talar
með miklum tilþrifum. Leikhúsið
á hug hans og hann gleymir að
fara að borða.
Eins náið samband og
barns við naflastreng
Hann segir að leikararnir verði
að vera eins nánir hverjir öðrum í
þeim vprkum, sem hann leikstýr-
ír, eins og barn við naflastreng.
Rúrik, Róbert, Bessi og Laur-
ence Olivier eru dásamlegir lista-
menn en þeir sýna sjálfstæða
túlkun á hlutverkum sinum. Hér
eru allir fyrir einn, einn fyrir
alla,“ segir Pilikin.
Hann segist hafa.verið kvíðinn
í upphafi, ekki vegna leikaranna
heldur vegna tæknilegra atriða,
nú er allt að komast í lag.
„Þetta verður afar góð sýning á
Lé konungi, betri en sú sem ég
leikstýrði í Englandi. Ralp Koltai
er líka bezti leikmyndateiknari á
þessari öld.“
„Það er stórkostlegt að taka
þátt í svona leiksýningu," segja
tvær ungar leikkonur frá Selfossi,
Kristín og Sigríður. Þær eru stat-
istar í leiknum og þar með hluti
af honum.
„Þetta er afar merkileg leik-
stjórn," segir Steinunn Jóhannes-
dóttir sem leikur Cordelíu, dóttur
Lés.
Hún bætir við að eftir svona
tækifæri til þess að leika í slíku
stykki hefði hún beðið lengi.
„Þetta er frábær leikstjóri.“
Algjör toppur —
ekki bara sýning
Sveinn Einarsson leikhússtjóri
segir okkur að það hafi verið vit-
að frá upphafi að slíkt bákn sem
Lér konungur myndi verða dýrt.
Ekki væri óalgengt að frumsýn-
ingum væri frestað á verkum eins
og þessu, en dregizt hefði í eina
viku að sýna Lé konung. Aðsókn
að Þjóðleikhúsinu hefur verið
gríðarlega mikil á þessu leikári,
því nær uppselt á stóra sviðið
nema á 16 leiksýningum. Fjögur
leikrit hafa gengið sérlega vel,
Sólarferðin, Gullna hliðið, Dýrin i
Hálsaskógi og ímyndunarveikin.
Leikhúsið er þvi vel undir það
búið að taka til sýningar Shakes-
peare-leikrit, sem væri alltaf gert
öðru hverju. Þá myndi og ýmis
kostnaður skila sér aftur, eins og
ljósabúnaður og hallandi svið,
sem ekki hefði verið til áður.
„Ég vona líka að þetta verði
lærdómsríkt. Þetta er algjör topp-
ur, ekki bara sýning," sagði
Sveinn. EVI
Lér konungur (Rúrik Ilaraldsson) og Cordelía (Steinunn Jóhannesdóttir) dóttir hans í einu atriðinu
hinu blóði drifna stykki. DB-mvndir Bjarnleifur.
Erlingur Gíslason sést hér í htutverki sínu með útstungin augu.
Háseta vantar
á 75 lesta bát sem er að hefja neta-
veiðar frá Grindavík.
Uppl. í síma 92-8035 eða 92-8062 á
kvöldin.
BÍLASALAN BÍLVANGUR
Tangarhöfða 15. Sími 85810
Cortina 1300 árg. 1971
Datsun 140J árg. 1974
Mazda 616 árg. 1974
Mercury Comet ’74
Opel Olympia ’70
Peugeot 304 ’72
Taunus 17 m ’71
Toyota Corolla '74 og ’72
Volvo 144 de luxe ’74 sjálf-
skiptur
sölu
Volvo 144 de luxe ’71
Ilatsun 1200 árg. ’73, falleg-
ur bill.
Escort árg. ’75
Mazda 818 árg. 1974
Morris Clubman ’74
Opel Commander ’70
Skoda Pardus ’74
Taunus 17 m ’72, skipti
Volkswagen 1303 ’73
Jeppar:
Bronco '74 8 cyl.
Will.vs '65, fallegur bíll
Bronco '70 8 cyl.
Mazda 929 ’75
Mazda 616 '76
Sendibílar:
Henschel Hanomac 314-4
tonn, góður bíll.
Ford dísil 910 ’71
Benz 406 '68
Vantar:
Mazda 929 station
Volvo 244, '76
Glœsilegur sýningarsalur. Gott útisvœði.
Bílar í salnum auglýstir sérstaklega.