Dagblaðið - 08.06.1977, Blaðsíða 15
DAGBLAÐIÐ. MIÐVIKUDAGUR 8. JUNl 1977
15
Baðfatatízka sumarsins
Hér er ofurlítið sýnishorn af baðfatatízku sumarsins. Greinilegt er að sund-
bolirnir eru komnir aftur í tízku
þótt bikinibaðfðtin haldi líkavelli.
AMY ER UPPTEKIN HNATA
Það er áreiðanlega frekar
óvenjulegt að níu ára hnátur
hafi ekki tíma til þess að svara
þeim bréfum sem þeim berast.
Amy litla Carter forsetadóttir
er ein af þeim.
Hún þarf að læra heima, lesa
bækur, ganga úti með hundinn
sinn og loks þarf hún oft að
vera viðstödd alls kyns hátíð-
legar athafnir, vegna þess að
hún er forsetadóttir.
Því hefur verið gripið til þess
ráðs að gefa út póstkort með
mynd af Amy litlu. Á bakhlið-
inni hefur Amy skrifað dálítinn
texta svohljóðandi:
„Þakka þér fyrir áð skrifa
mér. Það er ljómandi gaman að
búa í Hvíta húsinu. Mér þykir
gaman að eiga þig að vini. Amy
Carter.“
Amy hefur sjálf samið
textann á kortinu. Vikulega eru
tvö þúsund af þessum kortum
send út. Á hvert kort fer 9
senta frímerki, þannig að
kostnaðurinn við frímerkja-
kaupin eru 180 dollarar á viku
(um 36 þús. kr.).
Grunur leikur á að það séu
ekki aðeins börn sem skrifa
Amy. Safnarar eiginhandar-
undirskrifta eru fjölmennir í
Bandaríkjunum og svífast
einskis.
A.Bj.
A framniið póstkortslns er mynd af Amy sjálfri. Hún hefur sjálf
samið textann sem prentaður er á bakhliðina.