Dagblaðið - 14.02.1979, Blaðsíða 15

DAGBLAÐIÐ. MIÐVIKUDAGUR 14. FEBRÚAR 1979.
15
Sigurvegarínn í„Hvaö veiztuum tónlist?”
Dreymdi tvisvar fyrír
sigrínum
„Það kom mér svo sem ekkert á
óvart þegar ég las það í Dagblaðinu
að ég hefði unnið litsjónvarp. Mig,
var búið að dreyma fyrir þvi tvisvar
sinnum,” sagði Jenný Lind Egilsdótt-
ir. Hún bar sigur úr býtum i get-
raunaleiknum Hvað veiztu um tón-
list — Viltu eignast sjónvarp? sem
Dagblaðið og Vikan gengust fyrir
samhliða Vinsældavalinu.
Og sigurinn kom nágrönnum
Jennýjar og manns hennar, Gunnars
Ringsted, í Borgarnesi ekkert á
óvart.
„Við höfum verið ótrúlega heppin
að undanförnu,” sagði Jenný. „í
febrúar í fyrra vann Gunnar utan-
landsferð og ég aðra fyrir rúmum
tveimurárum.”
Sjónvarpstækið sem þau Jenný og
Gunnar hljóta í verðlaun er af gerð-
inni RANK. Það er japanskt að gerð
en sett saman í Englandi. Ástæðan
fyrir því er sú að skermurinn er 22ja
tommu stór. Japönum er hins vegar
ekki leyft að flytja út tæki með
stærri skermum en tuttugu tomm-
um. Því var ekki annað ráð fyrir þá
en að láta setja tækið saman í ein-
hverju öðru landi. — Umboðsfyrir-
tæki RANK sjónvarpstækja hér á
landi er verzlunin Sjónvarp og radió,
Vitastíg 3 i Reykjavík.
Þau Jenný og Gunnar tóku einnig
þátt í Vinsældavali DB og Vikunnar.
„Við völdum bæði Poker sem
hljómsveit ársins,” sagði Jenný.
„Úrslitin? Jú, ætli þau hafi ekki
orðið svipuð og maður gat búizt
við.”
Gunnar Ringsted kennir við tón-
listarskólann i Borgarnesi. Auk þess
leikur hann einnig með hljómsveit-
inni Chaplin þar á staðnum. Hann
starfaði áður með hljómsveitum,
b’æði á Akureyri og í Reykjavik,
meðal annars Roof Tops. Vinnings-
hafinn sjálfur, Jenný Lind Egils-
dóttir, er „bara” húsmóðir.
„Það vildi svo vel til að við vorum
að velta því fyrir okkur að kaupa lit-
sjónvarp, svo að sigurinn kom á hár-
réttum tíma,” sagði Jenný. „Það
eina sem ég óttast er að skilyrðin í
Borgarnesi séu ekki nógu góð til að
litirnir njóti sin jafnvel og í Reykja-
vík. En einhvern tíma hlýtur það að
batna.”
SJÖNVARPSTÆKIÐ AFHENT — Helgi Péturs, sölumaður hjá Sjónvarp og radló, lengst til hægri á myndinni, út-
skýrir leyndardóma RANK sjónvarpstækisins fyrír Jenný Lind Egilsdóttur og Gunnari Ringsted.
DB-mynd Hörður.
MEZZOFORTE FER Á
SKÓLAMARKAÐINN
Miklar mannabreytingar nýafstaðnar
öðru hvoru hefur brugðið fyrir á
siðum dagblaðanna hljómsveitar-
nafninu Mezzoforte.Engirstórir upp-
slættir eða hástemmdar lýsingar á
getu einstakra hljómsveitarmanna,
heldur aðeins stuttar tilkynningar
um að Mezzoforte leiki eða hafi
leikið á ákveðnum jazzkvöldum.
„Já, Mezzofortc hefur nú verið
starfrækt í hálft annað ár eða svo,”
sagði Friðrik Karlsson gitarleikari og
stjómandi hljómsveitarinnar í sam-
tali við DB. „Upp á síðkastið hafa
orðið nokkrar breytingar á liðsskip-
aninni og í framhaldi af þvi ætlum
við að leggja meiri áherzlu en áður á
að leika opinberlega — til dæmis á
tónlistarkvöldum framhaldsskól-
anna.”
Þrír af fimm liðsmönnum Mezzo-
forte eru nýkomnir til starfa. Þeir
eru Gunnlaugur Briem sem áður lék
með hljómsveitinni Mónakó. Björn
Thorarensen sem einnig lék með
Mónakó sér um hljómborðaleik að
hluta. Þriðji nýi maðurinn er Jóhann
Ásmundsson bassaleikari. Hann var
áður með hljómsveitinni Ópera.
Gömlu mennirnir í Mezzoforte eru
síðan Friðrik og Eyþór Gunnarsson
hljómborðsleikari, báðir kunnir fyrir
starf sitt með Tivolí um langt skeið.
Sjötti hljómlistarmaðurinn er
væntanlegur til starfa áður en langt
um líður. Sá er Guðmundur Þ. sem
áður söng með hljómsveitinni
Mónakó.
„Við höfum ákveðið að æfa upp
dansprógramm og nota þá Guðmund
með sem söngvara,” sagði Friðrik,
„en þá ætlum við ekki að leika undir
Mezzofortenafninu heldur finna eitt-
hvert nýtt. Þessi hugmynd okkar um
danshljómsveitina er hins vegar ekki
fullmótuð ennþá svo að ég get lítið
meira um hana sagt að þessu sinni.
Hins vegar þótti okkur bezt að nota
annað nafn en þegar við erum að
leika frumsamið jazzrokk á tónlistar-
kvöldum. Það er gjörólíkur hlutur.”
Og að lokum: Hvað skyldi nafnið
Mezzoforte þýða? — Friðrik leysti
auðveldlega úr þeirri gátu.
„Þetta er tónfræðimál — italska
— og merkir meðalsterkt.”
•ÁT.
Vörubflahjólbarðar
1100-20-14 Verð kr. 92.300.
1000-20-14 --- 81.370.
900-20-12 ---- 67.370,
Kínverskir hjólbarðar — einkaumboð á tslandi
REYNIR S/F
SÍMI95-4400 BLÖNDUÓSI.
Laus staða
Staða háskólamenntaðs fulltrúa í viðskipta-
ráðuneytinu er laus til umsóknar. Laun sam-
kvæmt launakerfi starfsmanna ríkisins.
Umsóknir ásamt upplýsingum um menntun
og fyrri störf sendist ráðuneytinu fyrir 10.
marz n.k.
Viðskiptaráðuneytið
8. febrúar 1979.
Fyrirlestur í kvölcf kl. 20.30
KJELL JOHANSON deildar-
stjóri Æskulýðsráðs Stokk-
hólms talar um œskulýðs-
vandamál í stórborgum.
Verið velkomin
FRIÐRIK KARLSSON — Mezzoforte leikur frumsamda jazzrokktónUst.
DB-mynd Ari.
Æskulýðsráð
Reykjavíkur
NORRÆNA
HUSIÐ