Dagblaðið - 27.02.1979, Blaðsíða 24

„MARGIR DRAGA SIGÍHLÍOG
REYNA AÐ VERA VINSÆUR”
— segir Tómas Árnason f jármálaráðherra eftir að ályktun meirihluta
miðstjórnar ASÍ liggur fyrir
„Ályktun Alþýðusambandsins er
heldur neikvæð í mörgum greinum.
Málið verður rætt á ríkisstjórnar-
fundi í dag og frumvarp forsætisráð-
herra lagt fram fljótlega á Alþingi.
Auðvitað er alltaf svolítið heitt í kol-
unum, er menn standa frammi fyrir
því að gera ráðstafanir til varnar gegn
verðbólgu. Menn sjá þá ekki vinsælar
leiðir og margir hafa ekki meiri kjark
en svo, að þeir draga sig í hlé og
reyna að vera vinsælir,” sagði Tómas
Árnason fjármálaráðherra t morgun
um samþykkt miðstjórnar ASÍ í gær.
„Það voru sérbókanir á miðstjóm-
arfundinum, en ég er ekki sann-
færður um, að um málefnaleg-
an klofning sé að ræða,” sagði
Eðvarð Sigurðsson alþingismaður
(AB), einn miðstjórnarmanna, í
morgun. „Hann kvaðst ekki telja, að
verkalýðshreyftngin gengi sundruð til
leiks.” Karl Steinar Guðnason al-
þingismaður (A) einn miðstjórnar-
manna kvaðst hafa gert ýmsar at-
hugasemdir við uppkast að ályktun
miðstjórnar á fundi sérstakrar nefnd-
ar ASÍ, sem fjallaði um málið um
helgina. Engum hefði því átt að
koma á óvart, þótt ágreiningur yrði í
miðstjóm. í samþykkt miðstjórnar er
lýst andstöðu við verðbótaþáttinn í
frumvarpi forsætisráðherra, tillögu
um kjaramálaráð hafnað og mælt
gegn ýmissi „neglingu” á fjárfest-
ingu. 14 manns voru á miðstjórnar-
fundinum. Ályktunin var samþykkt
án mótatkvæða en 3 alþýðuflokks-
menn lýstu andstöðu við hana með
bókunum. í bókunum þeirra segir,
að þeir telji ályktunina of neikvæða
og hún taki undir afturhaldssöm
sjónarmið til dæmis í fjárfestingar-
málum. Hún bjóði heim áframhald-
andi óreiðu og 40—50% verðbólgu,
sem væri versti óvinur launafólks.
Minnihlutinn vildi, að þessarar and-
stöðu sinnar yrði^getið í fréttatilkynn-
ingu ASÍ en því var hafnað, heldur
aðeins sagt, að samþykktin hafi verið
gerð samhljóða.
-HH.
Kópavogur:
Verður hópurinn
rekinn úr Alþýðu-
bandalagsfélaginu?
Flogið hefur fyrir að smölun standi daga.
nú yfir meðal félagsmanna Alþýðu- Heyrzt hefur að reka eigi þann hóp
bandalagsins í Kópavogi. Félagsfundur manna sem fylgdi Helgu Sigurjónsdótt-
í félaginu verður annað kvöld og verð- ur, úr félaginu. Náist það ekki fram er
ur þar rætt um meirihlutasamstarfið i talið að vita eigi brotthlaupið.
Kópavogi og sviptingar undanfarinna
Eldborgin slær öll fyrri loðnuveiðimet:
Hásetahlutur
dagsins 300 þús.
Öll fyrri loðnuveiðimet voru slegin
sl. sólarhring og til viðbótar bar Eld-
borgin úr Hafnarfirði stærsta loðnu-
farm að landi til þessa er hún landaði
1454 tonnum á Seyðisfirði í gær.
Miðað við verð loðnunnar núna er þvi
aflaverðmæti skipsins úr tæplega sólar-
hrings veiðiferð a.m.k. 15 milljónir
króna og er áhöfnin aðeins um 15
menn. Það þýðir hásetahlut upp á
a.m.k. 300 þús. þann daginn og skip-
stjórahlut upp á 600 þús.
Fvrra met átti Sieurður RF.. eða að-
eins 17 tonnum lægra. Heildaraflinn sl.
sólarhring var 23,420 tonn, en eldra
met var 21,800 tonn. Á fimmta tug
báta fengu afla í gær.
Enn var veiðiveður við Ingólfshöfða
i morgun en nú þurfa margir bátanna
að sigla langt vegna takmarkaðs þróar-
rýmis um sunnan og austanvert landið.
Loðnunefnd var kunnugt um einn bát
á vestursvæðinu i morgun, Hafrúnu,
sem fékk þar 300 tonn og fer til Bol-
ungarvíkur.
-GS.
Mynd: Sjómannablaðið Vikingur.
Slysstaöurinn í Suðurhólum. Mennirnir voru með mótahlerana uppi á
plötuþaki lengst til vinstri. Hlerinn sem maðurinn varð undir er eins og sá sem
lögreglumaðurinn stendur við.
DB-mynd Sveinn Þormóðsson.
steypumóti og beið
| Talið að vindhviða haf i
MCll IO fellt mótahlerann á manninn
í gær klukkan 13.38 varð dauða-
slys í byggingarvinnu i Breiðholti.
Byggingarmenn voru þar að vinna á
plötu yfir þriðju hæð blokkar við
Suðurhóla. Var verið að fjarlægja af
plötunni þunga stálmótahlera er
vindhviða felldi annan slíkan hlera,
sem verið var að hreinsa á einn
mannanna er uppi var. Slasaðist
hann svo alvarlega að hann lézt
skömmu eftir að komið var með
hann í Borgarspítalann.
Mennirnir sem á þakinu unnu
höfðu aðstoð stórs krana við að fjar-
lægja mótahlerana af þakplötunni.
Var einn hlerinn í kranakróknum og
telja rannsóknarlögreglumenn slysið
hafa átt sér stað með þeim hætti, að
þegar kraninn lyfti hleranum upp
breyttist vindskurður milli hlerans
sem lyft var og hins sem stóð
skorðaður á plötunni. Talsverður
vindstrekkingur var eins og oft er í
Breiðholtinu.
Við vindhviðuna féll hlerinn sem
eftir var og lenti á manninum með
fyrrgreindum afleiðingum. Hlaut
hann mikil innvortis meiðsli.
Maðurinn sem lézt hét Einar
Magnússon, til heimilis að Klepps-
vegi 98. Hann var nýlega orðinn 29
ára. -ASt.
Suðurnes:________________
RAFVEITUSTJÓRARNIR
DÆMDIR í FANGELSI
—fyrir f járdrátt
Guðmundur
gerði jafntefli
við heims-
meistarann
íslenzku stórmeistararnir
Friðrik Ólafsson og Guðmundur
Sigurjónsson taka nú þátt í
geysisterku skákmóti í Múnchen.
Til marks um styrkleika mótsins
nægir að benda á, að af 16
keppendum eru 13 stórmeistarar.
Guðmundur gerði jafntefli við
heimsmeistarann Karpov í 1. um-
ferð en tapaði fyrir fyrrverandi
heimsmeistara Spassky í 2.
umferð. Friðrik gerði jafntefli í
báðum sínum skákum, fyrst við
þýzka stórmeistarann Húbner og
síðan landa hans Rafl Lau.
Spassky er nú efstur á mótinu
með 2 vinninga.
-GAJ-
Á föstudaginn var kveðinn upp
dómur í bæjarþingi Keflavíkur yfir
rafveitustjórum Njarðvíkur og Grinda-
víkur, sem ákærðir voru á fyrra ári
fyrir fjárdrátt og brot í opinberu starfi.
Báðir voru fundnir sekir. Rafveitu-
stjórinn í Grindavík, Helgi H. Hjartar-
son, var dæmdur í 4 mánaða fangelsi
og rafveitustjórinn í Njarðvík, Jóhann
Lindal Jóhannsson, var dæmdur i
þriggja mánaða fangelsi, skilorðs-
bundið í fimm ár. Þeim var og gert að
greiða allan málskostnað, samtals um
hálfa milljón.
Sannað þótti, að rafveitustjórarnir
hefðu útbúið reikninga hvor á annars
rafvietu og látið andvirðið renna í eigin
vasa. Þannig komst Jóhann Lindal
Jóhannsson yfir 260.337 krónur með
þessum hætti og Helgi H. Hjartarson
yfir 599.487 krónur, auk þess sem hann
seldi Rafveitu Grindavíkur tvær luktir
fyrir samtals 65 þúsund krónur og
stakk andvirðinu i eigin vasa. Brot
þeirra varða við 247. grein alm.
hegningarlaga, sbr. 138 grein hgl. Báðir
starfa enn við rafveitur heimabæja
sinna —og Jóhann i fullu starfi raf-
veitustjóra.
Dóminn kvað upp Sigurður Hallur
Stefánsson, héraðsdómari.
ÓV.
frfálst, nháð dagblað
ÞRIDJUDAGUR 27. FF.BR. 1979.
Meðvitund-
arlaus 3ja
sólarhring-
mn i roð
— eftir alvarlegt
vélhjólaslys á
Fáskrúðsfirði
Tuttugu og fjögurra ára gamall
maður, Sigurbjörn Vignisson frá Fá-
skrúðsfirði, liggur enn meðvitundar-
laus í gjörgæzludeild Borgarspítalans
eftir slys er hann varð fyrir klukkan
rúmlega tólf á hádegi sl. laugardag.
Slysið varð á móts við hús nr. 2 við
Hafnargötu á Fáskrúðsfirði.
Það var ungur piltur á vélhjóli sem
lenti á hinum slasaða um leið og hann
fór skyndilega og óvænt út á götuna.
Er talið að hinn slasaði hafi ætlað að
gefa öðrum vélhjólamanni, sem á móti
kom, stöðvunarmerki en ekki vitað af
eða tekið eftir þeim vélhjólamanni sem
á eftir honum kom og lenti aftan á
honuni.
Fljótt staðfestist að hinn slasaði var
höfuðkúpubrotinn auk þess að vera
meira meiddur. Var þegar haldið með
hann í sjúkrabíl í átt til Egilsstaða, en
þar sem litla sjúkraflugvélin var til taks
var haldið með hinn slasaða beint
suður til Reykjavíkur.
Hann er enn meðvitundarlaus, sem
fyrr segir.
-ASt.
Fríhafnar-
málið í
frekari
rannsókn
Ríkissaksóknari hefur óskað eftir þvi
við lögreglustjórann á Keflavíkurflug-
velli að hann rannsaki ítarlegar en áður
hið svonefnda Fríhafnarmál á Kefla-
víkurflugvelli.
Á síðastliðnu ári þótti ástæða til þess
að rannsaka rekstur Fríhafnarverzlun-
arinnar á Keflavíkurflugvelli. Rann-
sóknina önnuðust: einn maður frá
rikisendurskoðun, annar frá fjármála-
ráðuneyti og hinn þriðji frá varnar-
máladeild utanríkisráðuneytis.
Ekki þótti ástæða til þess að kynna
einstök atriði rannsóknarinnar. Var þó
einn rannsóknarmannanna ráðinn til
þess að vera fjármálalegur rekstrar-
stjóri fyrirtækisins.
Rannsóknin leiddi meðal annars i
ljós talsverða rýrnun á vörulager Fri-
hafnarinnar. Ákvað utanríkisráðherra
frekari rannsókn og var lögreglustjór-
anum á Keflavíkurflugvelli falið að
annast hana.
Sú rannsókn var send ríkissaksókn-
ara. Taldi hann nauðsyn bera til frekari
rannsóknar, sem fyrr segir.
Meðal annars er talið, að verð á viss-
um vörutegundum hefði verið hækkað
til þess að leyna rýrnun á lager. Ýmis
önnur atriði þótti jafnframt ástæða til
að kanna frekar.
BS.
ty Kaupio ^
,5 TÖLVUR
I* OGTÖLVl
BAIMKASTRÆTI8