Dagblaðið - 27.02.1979, Blaðsíða 8

DAGBLAÐIÐ. ÞRIÐJUDAGUR 27. FEBRÚAR 1979.
Rffl Félagsmálastofnun Reykjavíkurborgar
Vonarstræti 4 sími 25500
Húsvörður óskast í fullt starf fyrir sambýlis-
hús í Reykjavík.
Aðeins umgengnisgott og reglusamt fólk-
kemur til greina. Húsvörður annast og hefur
umsjón með ræstingum. Lítil íbúð fylgir starf-
inu.
Umsóknir er greini aldur, búsetu og fyrri störf
sendist húsnæðisfulltrúa fyrir 10. marz næst-
komandi, sem einnig gefur allar nánari upplýs-
ingarísíma 25500.
Ölfushreppur
Selvogsbraut 2 Þorlákshöfn, óskar eftir að ráða bygg-
ingarfulltrúa og umsjónarmann verklegra framkvæmda
hreppsins til starfa frá 1. april 1979.
Tæknimenntun áskilin.
Nánari uppl. veitir undirritaður. Skriflegum umsóknum
er greini frá menntun og fyrri störfum skal skila á skrif-
stofu Ölfushrepps, Selvogsbraut 2, fyrir 5. marz nk.
Sveitarstjóri ölfushrepps.
i rH
Viðskiptafræðingur
óskast til starfa hjá Hagfræðideild Reykjavíkurborgar.
Föst mánaðarlaun verða frá 1. marz 1979 á bilinu
316.200/— 338.700/- eftir menntun og starfsreynslu.
Undirritaður veitir nánari upplýsingar á skrifstofu sinni
Tjarnargötu 11, Reykjavík.
Borgarhagfræðingur
Háseti
vanur netaveiðum óskast á 250
tonna bát.
Upplýsingar í síma 94-1128.
Unglingadeild AA
FUNDIR ALLA
FIMMTUDAGA KL. 9
AÐ TJARNARGÖTU 5B.
AA-Samtökin.
Tapazt hefur nefnd
Tapazt hefur vietnam-nefnd, rauðbleik að lit með sítt
hár. Síðast þegar nefndin sást var hún feit og bústin, en
búast má við að hún sé nú orðin dáUtið horuð og niður-,
dregin. Uppáhaldsstaður nefndarinnar var áður i aust-
urbænum, helzt við Laufásveginn, nú má búast við að
nefndin, eða það sem eftir er ef henni, sé farin að læðast
um vesturbæinn (að kvöldlagi) og þá helzt við Víðimel-
inn.
Þeir snillingar sem geta gefið upplýsingar hvar nefnd
nefnd felur sig, geta sótt fundarlaun 100.00 rúblur til
Prúðu leikaranna á Túngötunni.
Efndir á desemberloforðunum:
„Næturvinna” frá
5 á föstudögum
—getur þýtt 1,3% kauphækkun
Fjörutiu stunda vinnuvikunni skal
í reynd ljúka klukkan fimm á
föstudögum og „næturvinna” taka
þá við samkvæmt stjórnarfrumvarpi,
sem lagt var fram í gær. Frumvarpið
er til komið vegna loforða ríkis-
stjómar samfara desemberað-
gerðunum.
Vinnuvikan var stytt úr 44 í 40
dagvinnutíma árið 1971. Við þessa
breytingu gerðist það, að í stað þess
að næturvinna tók áður við strax er
vinnuviku lauk klukkan tólf á laugar-
dögum gat verkafólk nú þurft að
vinna tvær stundir í eftirvinnu, það
er milli klukkan fimm og sjö á
föstudögum, þótt „vinnuvikunni”
væri þá þegar lokið. Verkalýðs-
hreyfmgin hefur svo barizt fyrir því,
að „eftirvinna” félli niður að
minnsta kosti á föstudögum. Sú
krafa kom meðal annars fram fyrir
samningana 1977. Nokkur verkalýðs-
félög hafa fengið kröfuna
samþykkta, meðal annars félögin í
Málm- og skipasmíðasambandinu,
starfsfólk álversins og starfsmenn í
ríkisverksmiðjunum. I viðræðum
ríkisstjórnarinnar við ASÍ hafa
komið fram eindregnar óskir um að
„eftirvinna” verði alveg felld niður í
áföngum, þannig að „eftirvinna” á
föstudögum falli út í ár, sem sé orðin
hrein jafnréttiskrafa, og síðan á ein-
um degi á ári hverju, þar til öU „eftir-
vinna” sé aflögð. Frumvarpið á að
vera fyrsta skrefið að því marki.
í greinargerð frumvarpsins segir,
að þessi fyrsta breyting muni koma
mismunandi niður. Sums staðar
muni hún ekki leiða til raunverulegr-
ar styttingar vinnutíma og annars
staðar ekki fyrr en að nokkrum tima
liðnum.
Þar verði því um að ræða
tekjuaukningu hjá launþegum, sem
geti við ákveðnar aðstæður svarað til
um 1,3 prósenta launahækkunar.
Fulltrúar vinnuveitenda hafi einmitt
lagt áherzlu á það atriði í viðræðum
við ríkisstjórnina um þessa
breytingu. Á meirihluta vinnustaða
muni breytingin þó strax hafa áhrif
til að stytta raunverulegan
vinnutíma.
-HH.
Ný og greinileg númer blasa við augum í mastraskóginum vestur í
Heimaey VE-1 ber nú líka skráningarnúmeriö 1213:
Engrar hjátrúar vart í
framkvæmd nýrra reglna
Heimaey VE 1 er nú einnig merkt
1213, samkvæmt nýlegum reglum um
merkingu skipa. „Þetta er gert í aðal-
lega tvennum tilgangi,” sagði Hjálmar
Bárðarson, forstjóri Siglingamála-
stofnunar ríkisins í viðtali við DB.
„Annars vegar er þetta gert af al-
mennum öryggisástæðum þar sem hin
nýja merking með tölustöfum sést úr
mun meiri fjarlægð en hin hefðbundna
skipamerking. Auk þess er þetta gert
til þess að auðvelda eftirlit landhelgis-
gæzlunnar,” sagði Hjálmar.
Auk hinnar venjulegu merkingar
„skulu ftskiskip einnig vera merkt með
skipaskrárnúmeri á báðar hliðar, á
brúarvæng, á brúarþak eða annan
stað, sem vel sést úr lofti að mati
Siglingamalastofnunar ríkisins”, segir í
reglum, sam út voru gefnar hinn 15.
september síðastliðinn.
Stærð tölustafanna er mismunandi
eftirstærðskipanna.
„Það er stundum talað um, að
sjómenn séu hjátrúarfullir. Ég get ekki
neitað því, að ég var dálítið hræddur
um, að við kynnum að hitta þetta fyrir
í sambandi við ný númtr,” sagði
Hjálmar Bárðarson. Hann bætti við:
„Satt að segja höfum við fengið eina
fyrirspurn eða tvær, en annars hefur
þetta gengið ágætlega og enginn sett
fyrir sig númerið, sem hann hefur
fengið.”
í þessu sambandi má geta þess, að
skip halda sinum nöfnum og
skráningu, þetta er aðeins viðbót, sem
gerð er af öryggis- og eftirlitsástæðum,
eins og fyrr segir.
í hinum nýju reglum bætist við eitt
skráningarumdæmi. Það er Vestur-
Skaftafellssýsla. Enginn bátur hefur
ennþá fengið skráningu þar, en fyrir
liggur ein umsókn um slíka skráningu.
-BS.
Reyðarfjörður: r
HYGGJAST LATA SMIÐA
NÝTT SKIP í PORTÚGAL
láta Snæfugl SU upp ígreiðslu
Þrir fiskverkunar- og útgerðar-
aðilar á Reyðarfírði vinna nú að því
að kaupa nýtt fiskiskip þangað, enda
brýn nauðsyn á að endurnýja
fiskiskipaflota Reyðfirðinga. Þessir
aðilar eru Kf. Héraðsbúa, Gunnar
hf.,og Snæfuglhf.
Ætlunin er að láta smíða nýtt 350
tonna skip í Portúgal ef nauðsynleg
leyfi fást. Skipasmíðastöðin þar ytra
hefur gefið vilyrði fyrir því að taka
Snæfugl, SU—20, sem er mikið
happaskip smíðað 1964, sem greiðslu
upp í andvirði skipsins.
Fiskvinnslustöðvar á Reyðarfirði,
bæði frystihús og saltfiskverkun, fá
ekki nóg hráefni og eru þvi vannýtt-
ar.
Ætlunin er að hið nýja skip verði
jafn búið til kolmunna-, spærlings-
og þorskveiða. -VÓ, Reyðarfirði.