Dagblaðið - 08.06.1979, Blaðsíða 9
DAGBLAÐIÐ. FÖSTUDAGUR 8. JÚNÍ 1979.
9
Bandarískur vísindamaður:
Engar sannanir
fyrir að pillan
valdi blóðtappa
Allar þær rannsóknir og
kannanir, sem fram hafa farið á
liættu af blóðtappa af völdum
getnaðarvarnarpillunnar hafa ekki
við nein rök að styðjast. Þetta er
niðurstaða þekkts bandarísks
vísindamanns á þessu sviði, Alvan R.
Feinstein læknaprófessors, sem ný-
verið bar vitni fyrir sænskum rétti.
Þar er nú rekið mál eitt sem
fjallar um ásakanir kvennaum gagns
leysi pillunar. Reka þær það gegn
bandarísku lyfjafyrirtæki. Einnig er
fyrirtækið sakað um að getnaðar-
varnarpillan sé sýkjandi eða þannig
að hún hafði meðal annars valdið
dauða þeirra kvenna, sem hennar
neyta. Málaferlin fjalla um tveggja
barna móður í Svíþjóð, sem lézt eftir
að hafa neytt pillunnar um langt
skeið.
Svipað mál er í uppsiglingu í Dan-
mörku en þar ætla nokkrar konur að
höfða mál gegn lyfjafyrirtækjum
vegna þess að þær telja sig hafa feng-
ið blóðtappa af neyzlu pillunnar.
Málsvarar kvennanna sænsku
segja að álit hins bandaríska
prófessors verði að skoðast í því Ijósi,
að hann sé vitni lyfjaframleiðanda
og því séu orð hans léttvæg frá
vísindalegu sjónarhorni. Ekki er
búizt við dómsniðurstöðum í bráð
þar sem báðir aðilar reka málsvörn
og sókn af kappi og virðist ekki
skorta skotskilfur til gagnasöfnunar.
Carterforseti:
RÓDESÍUKOSNINGAR
EKKINÓGU GÓÐAR
— Bandaríkin viðurkenna þvíekki hina nýju ríkisstjórn
svartra og hvítra í bráð
Jimmy Carter forseti Bandaríkj-
anna hefur lýst yfir því að ekki verði
af viðurkenningu ríkisstjórnar hans á
hinni nýju stjórn hvítra og svartra i
Ródesíu eða Zimbabwe Ródesíu eins
og þetta Afríkuríki er nefnt nú.
Sagði Carter að þingkosningarnar
sem fóru fram í ríkinu fyrir nokkru
og voru fyrstu kosningarnar þar sem
svartir höfðu umtalsverð áhrif, hafi
ekki verið nægilega frjálslegar né
fullnægjandi.
Þetta þýðir í raun að Bandaríkin
munu ekki aflétta algjöru viðskipta-
banni, sem verið hefur á Ródesíu nú
um langt skeið. Jimmy Carter var
allskorinorður í ræðu sinni og sagði
meðal annars, að kosningarnar hefðu
verið haldnar undir eftirliti hvítra
íbúa Ródesíu eingöngu. Einnig hefðu
þær verið haldnar í anda stjórnar-
skrár, sem sett hefði verið og sam-
þykkt af hvitum íbúum landsins án
íhlutunar svartra.
Fullvíst er að þessi yfirlýsing
Bandaríkjaforseta mun fá misjafnar
viðtökur þingmanna þar í landi.
Sterk hreyfing er meðal þeirra um að
viðurkenna hina nýju stjórn í
Zimbabwe Ródesíu þar sem
kosningarnar þar hafi verið eins full-
komnar og með nokkurri sanngirni
verði krafizt.
Fólk áhugalaust
um Evrópukosningar
Þeir kjósendur sem ómökuðu sig á
kjörstað í þeim fjórum rikjum Efna-
hagsbandalagsins sem létu kosningar til
hins nýendurskipulagða Evrópuþings
fara fram í gær mega bíða úrslitanna
um sinn. Kosið var í Bretlandi, Dan-
mörku, írlandi og Hollandi. Ekki
verður hafin talning atkvæða fyrr en
kjörstöðum verður lokað að fullu en
það verður á Ítalíu á sunnudaginn
kemur. Þann dag munu kosningar fara
fram í Vestur-Þýzkalandi, Frakklandi,
Ítalíu, Belgíu og Luxemburg.
Áhugi á þessum fyrstu beinu
kosningum til þings Efnahagsbanda-
lagsins eða þar sem kjósendur fá að
velja sé sína fulltrúa þar í beinum
kosningum var að sögn ekki mikill. í
Bretlandi og Danmörku var kosninga-
þátttakan innan við 50%, sem verður
að telja laklegt i samanburði við til
dæmis þátttökuna í nýafstöðnum þing-
kosningum í Bretlandi, þegar þrir af
hverjum fjórum kosningabærum
Bretum tóku þátt í þeirri ákvörðun að
skella Callaghan forsætisráðherra
Verkamannafiokksins úr valdastóli og
setja frú Margréti Thatcher fyrsta
kvenna í Evrópu í þann sess.
Líbýa:
VILJfl SKIPTA Á
OLÍU 00 KORNI
Fulltrúar rikisstjórna Bandaríkj-
anna og Líbýu eru að semja um það
sín á milli hvort ekki sé ráðlegt að
skiptast á korni og olíu. Kemur þetta
fram í tilkynningu bandarísku land-
búnaðarsamtakanna i morgun.
Fulltrúar þeirrar stofnunar vilja þó
leggja sérstaka áherzlu á að þarna sé
ekki um bein vöruskipti á milli að
ræða eða að Bandaríkin séu á neinn
hátt að ota sér bakdyramegin inn á
heimsmarkaðinn á olíuvörum. Þarna
sé aðeins um að ræða almennar
viðræður þar sem kannað verði til
hlítar hvort ekki megi fullnægja olíu-
þörf bandarisks landbúnaðar með
því að flytja nokkrar af hans
háþróuðu framleiðsluvörum til
Líbýu, sem er eitt mesta olíuland
heimsins.
Bandarisku landbúnaðarsamtökin
eru samvinnufélag framleiðenda
landbúnaðarafurða, ein þau stærstu
þar í landi. Fulltrúar þeirra munu
hyggja á Líbýuferð siðar á þessu
sumri til að fylgja kornsöluhugmynd-
um sínum eftir. Bandarískur land-
búnaður á í stöðugum söluerfiðleik-
um en hann er einn sá tæknivæddasti
í heimi. Forráðamenn hans hafa
mjög tekið undir hugmyndir um
kornsölu til nágrannalandsins
Mexíkó í skiptum fyrir olíu og
jarðgas.
Á síðustu
stundu
— Þetta var verra en stórbruni,
sagði slökkviliðsmaðurinn i
Kaupmannahöfn eftir að hann
var búinn að tala um fyrir manni
cinum í tuttugu mínútur.
Aðstæður voru erfiðar þar sem
maðurinn stóð á brún húss eins i
tuttugu og fimm metra hæð og
hugleiddi að stökkva fram af. Þar
hefði ekkert beðið hans nema
dauðinn en slökkviliðsmaðurinn
stóð rétt hjá honum og reyndi aö
fá hann ofan af ætlan sinni.
— Ég reyndi að halda aftur af
honum og leiða athygli hans að
einhverju öðru, sagði slökkviliðs-
maðurinn. Ég var þess fullviss að
ef mér tækist aðeins að ná taki á
honum mundi mér takast að
halda honum uppi þó hann
reyndi að stökkva. — Það tókst
og á myndunum hér að ofan sést
bezt hvernig málin þróuðust og
lauk með því að maður steyptist
inn fyrir þakbrúnina.