Dagblaðið - 19.06.1979, Blaðsíða 5

DAGBLAÐIÐ. ÞRIÐJUDAGUR 19. JÚNÍ 1979.
Er stjómskipan lands-
ins stórlega raskað?

Skiptar skoðanir
um sjónvarpsræðu
Sigurðar L/ndal
Dagblaðið birti í gær fræga og
umdeilda sjónvarpsræðu Sigurðar
Líndals lagaprófessors um verkföll,
kjarasamninga og völd verkalýðs-
hreyfingar.
Þar segir m.a. að veigamiklar á-
kvarðanir i efnahagsmálum séu
tengdar gerð kjarasamninga, svo sem
í húsnæðismálum, skattamálum, líf-
eyrismálum, dagvistunarmálum og
vaxta- og verðlagsmálum.
Afleiðingin sé sú að stjórnskipan
landsins sé stórlega raskað. Stjórn-
málin séu með þessu flutt frá
Alþingi og öðrum löglegum hand-
höfum þjóðfélagsvalds til hagsmuna-
aðila vinnumarkaðarins.
„Og til hvers er þá verið að kjósa
til Alþingis og mynda ríkisstjómir úr
því að aðiljar vinnumarkaðarins ráða
hinum veigamestu þáttum stjórn-
málanna til lykta? Og það án þess að
bera neina ábyrgð og án þess að
nokkur trygging sé fyrir tilhlýðilegri
málsmeðferð, svo sem því að á-
kvarðanir séu teknar lýðræðislega,"
segir Sigurður Líndal i grein sinni.
DB sneri sér til þeirra Ólafs
Ragnars Grímssonar, alþingismanns
og prófessors í stjórnmálafræðum,
og Sigurðar Gizurarsonar sýslu-
manns, en þeir eiga báðir sæti í
stjórnarskrárnefnd og spurði þá álits
á þessum ummælum í ræðu Sigurðar
Líndals. -GM.
íhaldssamir lögfræð
ingar berjast gegn
lýðræðisþróun
—segir Ólafur Ragnar Grímsson
„Kenningar Sigurðar Líndal um
áhrif verkfalla á verðbólgu og efna-
hagslíf eru í senn þröngsýnar og
einhæfur áróður fyrir hagsmunum
atvinnurekenda,” sagði Ólafur
Ragnar Grímsson.
„Það hefur borið á því á síðustu
árum að íhaldssamir lögfræðingar
hafa með tilvitnunum í stjórn-
skipunarkenningar frá 18du og 19du
öld verið að berjast gegn þeirri
lýðræðisþróun, sem einkennt hefur
Vesturlönd á síðustu áratugum. Sú
lýðræðisþróun er fólgin í því að í
kjölfar almenns kosningaréttar komi
aukið vald margvíslegra samtaka
fólksins, fyrst stjómmálaflokka,
síðan hagsmunasamtaka og annarra
fjöldasamtaka og loks aukið vald
fólks á vinnustöðum.
Þótt þessi þróun hafi eins og flest
annað í mannlegu samfélagi ein-
hverja galla, horfir hún samt i heild
sinni til tvímælalausra framfara,”
sagði Ólafur Ragnar ennfremur.
„Eins og áður segir hafa ýmsir
íhaldssamir lögfræðingar, oft af
gömlum yfirstéttaættum, tekið upp
baráttu gegn þessu aukna valdi
fólksins og fyrr í vetur flutti hinn
íhaldssami lögfræðingur Þór
Vilhjálmsson, nokkur áróðurserindi í
þessa veru. Það hefur hins vegar
komið mér á óvart að Sigurður
Líndal gerist nú lærisveinn Þórs Vil-
hjálmssonar. Ég hélt að hann ætlaði
sér stærri hlut,” sagði Ólafur Ragnar
Grimsson að lokum.
-GM.
Stéttaþing gæti
leyst vandann
—segir Sigurður Gizurarson
,,Ég er sammála Sigurði Líndal
um að verkalýðshreyfingin hefur vald
en ekki ábyrgð,” sagði Sigurður
Gizurarson. En önnur öfl en verka-
lýðshreyfingin hefðu einnig haft áhrif
í þá átt að breyta þriskiptingu ríkis-
valdsins í löggjafar-, dóms- og fram-
kvæmdavald, þ.á m. bankavaldið.
Það yrði að taka inn i myndina.
Sigurður Gizurarson kvað verka-
lýðshreyfinguna hafa gífurlegt vald
og vandinn væri sá hvernig unnt væri
að gera hana ábyrgari. Sjálfur kvaðst
hann hafa varpað fram þeirri hug-
mynd í stjórnarskárnefnd að kosið
yrði sérstaklega í gegnum fjölda-
hreyfingar til efri deildar Alþingis.
Þar yrði nokkurs konar stéttaþing,
fulltrúar verkalýðshreyfingar, sam-
vinnuhreyfingar o. fl. aðila. Neðri
deild, sem yrði þjóðkjörin, gæti hins
vegar borið efri deild atkvæðum.
Hugmynd þessa kvað Sigurður vera
franska, ættaða frá Mendes-France.
Sigurður Gizurarson kvaðst ekki
vilja taka svo sterkt til orða að stjórn-
skipan landsins væri stórlega raskað
vegna þess að veigamiklar á-
kvarðanir í efnahagsmálum væru
tengdar gerð kjarasamninga. En það
væri aftur á móti rétt að stjóm-
skipanin breyttist vegna þessa.
-GM.
V
Norðmenn vilja
dreifa olíu-
gróðanum
ef olía eða gas f innst út af Norður-Noregi
Bjartmar Gjerde, norski olíu- og
orkumálaráðherrann, varpaði fram
gagnmerkri spumingu á fundi nor-
rænna ráðherra á Húsavik 14. júni sl.
Spurði ráðherrann hvernig hagnýta
mætti hugsanlegar olíuauðlindir sem
fyndust norðan Tromsö og vestur af
Hammerfest í þágu þeirra íbúa er nyrzt
á norðurhveli búa, hinum svonefndu
,,norðurkollu”-löndum. Vildi Gjerde
nota auðæfin er þarna kynnu að finn-
ast til að auka atvinnutækifæri íbú-
anna á þessu norðlæga svæði.
Hvatti norski olíufurstinn til þess
að könnun yrði gerð á því hvaða
möguleikar væru til samvinnu milli
allra á „Norðurkolli” ef til þess kæmi
að olía eða gas fyndist þarna út af
Norður-Noregi.
-BH.
í POLLABUXUM Á PATRÓ X
Það rigndi dálítið hressilega þegar
blaðamaður DB var á ferð á Patreks-
firði í liðinni viku. En krakkarnir á
gæzluvellinum létu slíka smámuni ekki
á sig fá. Þeir mættu í tilheyrandi polla-
buxum og úlpum og drógu húfurnar
niður undir augu.
Rólurnar gengu fram og aftur og
vegasöltin upp og niður. Sum brugðu
sér inn og fengu sér mjólk og bita, en
önnur létu sér nægja að borða sandinn.
Myndavélin vakti forvitni
krakkanna og allir voru tilbúnir að sitja
eða standa fyrir á mynd. Þó voru ýmsir
orðnir lúnir enda áliðið dags og pabbar
og mömmur að tínast á „gæzló” að
sækja ungviðið.
Fóstrurnar á gæzluvellinum eru
tvær, þær Sigríður Guðmundsdóttir og
Dröfn Árnadóttir, og sögðu þær að nú
væru 30—40 börn.á gæzluvellinum en
þegar mest er er fjöldi barnanna um 80.
Hægt er að taka við öllum börnum á
Patreksfirði á völlinn, þ.e. þeim
börnum, sem eru áaldrinum 2—6 ára.
-JH.
I.auslegar teikningar af ráðstefnuhóteli eða námskeiðahúsi i Munaðarnesi voru lagðar fram á þingi BSRB. Teikningar
unnu Þorvaldur Kristmundsson arkitekt og Magnús Guðmundsson.
Þing BSRB felldi tillögu um
120 milljóna
ráðstefnuhótel
„Þingið tók önnur verkefni fram
yfir,” sagði Kristján Thorlacius, for-
maður BSRB, í samtali við DB þegar
hann var spurður um tillögu stjórnar
sambandsins um að ráðizt yrði í
byggingu ráðstefnuhótels eða nám-
skeiðahúss í Munaðarnesi. Tillaga
þessi var felld á nýafstöðnu þingi
BSRB.
„Annars var þessi tillaga ekki
síður lögð fram til kynningar, eins og
stjórnmálamennirnir segja á
Alþingi,” bætti Kristján Tþoriacius
við. Hann kvað það vera hugmynd
stjórnarinnar að koma upp i
Munaðarnesi vísi að félagsmálaskóla.
BSRB stendur fyrir fjölmörgum
félagsmálanámskeiðum árið um
kring og ætlunin var að efla það starf
með nýrri byggingu í Munaðarnesi.
„Það stóð til að byggja þetta hús
í áföngum. En miðað við byggingar-
verð íbúðarhúsa í Reykjavík um þess-
ar mundir hefði heildarkostnaður
orðið um 120 milljónir,” sagði
Kristján ennfremur.
Að lokum sagði formaður BSRB
að enda þótt tillaga um byggingu
námskeiðahúss í Munaðarnesi hefði
verið felld þá hefði þingið samþykkt
að halda áfram byggingu orlofshúsa
og fól stjórninni að útvega land undir
þær framkvæmdir. -GM.