Dagblaðið - 19.06.1979, Blaðsíða 9

DAGBLAÐIÐ. ÞRIÐJUDAGUR 19. JÚNÍ1979.
9
Sementsverksmiðja ríkisins Akranesi:
BIRGDIR HRANNAST UPP
— gífurlegt atvinnuleysi íbyggingariðnaði framundan ef ekki rætist úr fljótlega
,,Ef ekki tekst að byrja strax á
grunni þeirra húsa sem eiga að komast
undir þak fyrir frost þá er ljóst að at-
vinnuleysi verður hjá byggingar-
iðnaðarmönnum ailan næsta vetur,”
sagði Friðrik Jónsson, útgerðarstjóri
hjá Sementsverksmiðjunni á Akranesi,
í samtali við Dagblaðið.
„Við erum með á borðinu beiðni
fyrir 5 þúsund tonnum af sementi sem
bíða eftir afgreiðslu. Við erum búnir að
leita eftir undanþágu bæði fyrir
Freyfaxa fyrir sekkjasement og
Skeiðfaxa fyrir laust sement til Reykja-
víkur og ísafjarðar. Undirtektirnar
hafa verið dræmar. Páll Hermanns-
son blaðafltr. FFSÍ lýsi því yfir að þeir
leituðust við að stöðva ekki atvinnulíf í
landinu. Ég benti honum á að það er
atvinnuleysi í byggingariðnaðinum alls
staðar á landinu. Aðalsöluaðilinn á
Akureyri, KEA, er búinn að vera
sementslaus í þrjár vikur. Farmanna-
sambandið hefur verið látið vita af
þessu en þeir hafa ekki séð sér fært að
veita jtessar undanþágur,” sagði
Friðrik.
Hann bætti því við að í Sements-
verksmiðjunni væri stöðugt unnið við
sementsframleiðsluna og væri sement
flutt fyrir Hvalfjörð á sjö tankbílum
og auk þess hefði verksmiðjan tekið
nokkra vörubíla á leigu. Þetta hefði
auðvitað mikinn kostnað í för með sér
og það hlyti að koma inn i sements-
verðið. Þrátt fyrir það hafa miklar
birgðir af sementi nú safnazt í sements-
verksmiðjunni og sagði Friðrik að þar
sem umbeðnar undanþágur hefðu ekki
fengizt hefði orðið að setja hluta af
birgðunum undir bert loft.
-GAJ-
Frá Sementsverksmiðjunni. Þar hafa
birgðir hrannazt upp að undanförnu og
er hluti þeirra geymdur utandyra, eins
og sjá má.
DB-mynd Árni Páll.
Breytt innheimtufyrirkomulag
hjá Hitaveitu Suðurnesja
Loksins umtalsvert
lát á umferðarslysum
— Tölur um slys mun hagstæðari en í fyrra
Loksins í maí varð nokkurt lát á um-
ferðarslysum, svo orð sé á gerandi. Á
öllu landinu urðu í mánuðinum 475
umferðarslys. Eitt þeirra var dauða-
slys og er talan sú sama og í maí í fyrra.
Slys með meiðslum urðu í mai í ár 32 en
voru 54 í maí í fyrra. 442 slys leiddu í
maí nú aðeins til eignatjóns en voru 483
í maí í fyrra. Kemur þetta fram í
skráningu Umferðarráðs.
í maí i ár slösuðust 43 í umferðinni
en voru 76 í fyrra. Af þeim hlutu nú 28
meiriháttar meiðsli móti 32 í fyrra.
Minniháttar meiðsli hlutu 15 nú en 44 í
maí í fyrra.
Ef litið er á tölurnar fyrir 5 fyrstu
mánuði ársins kemur i ljós umtalsverð
fækkun slysa frá því á sama tímabili
1978. Dauðaslysin eru nú 3 á móti 5 i
fyrra. Slys með meiðslum eru 147 'í ár
en voru 171 í fyrra. öll fækkun slysanna
er í þéttbýli. Þar hafa 116 slasazt í ár en
voru 142 í fyrra. í dreifbýli eru tölúr
um slasaða jafnar bæði árin, eða 34
slasaðir.
Fjöldi slasaðra í ár er 199 á móti 258
í fyrra. Af þeim hafa 108 orðið fyrir
minniháttar slysum, en voru 156 í
fyrra. 91 hefur í ár orðið fyrir meiri-
háttar slysum, en voru 102 í fyrra. 82
hafa verið lagðir á sjúkrahús á 5 fyrstu
mánuðum ársins í ár en voru 101 í
fyrra.
-ASt.
„Við hættum við þetta nýja
innheimtufyrirkomulag þegar ljóst var
hversu mikilli óánægju það olli,” sagði
Albert Sanders, bæjarstjóri í Njarðvík
og stjórnarformaður Hitaveitu Suður-
nesja, í samtali við DB. Var sá háttur
hafður á innheimtu fyrir heita vatnið
að sendur var reikningur til hvers not-
anda, t.a.m. tveir reikningar í tvíbýlis-
hús, þó svo að einn hemill væri þar á
vatninu. Vildi eins og gengur og gerist
brenna við að einhverjir borguðu ekki
‘svo loka varð fyrir hemilinn og bitnaði
það þá jafnt á þeim sem þegar höfðu
greitt.
Var þá tekinn upp sá háttur að
hætta að senda inn marga reikninga og
þess í stað sendur inn einn reikningur,
eins og tíðkast í fjölbýlishúsum i
Reykjavík, og íbúarnir látnir sjá um
greiðslu á þessum eina reikningi. Olli
þetta mikilli óánægju meðal notenda
hitaveitunnar, svo á föstudaginn var,
15. júní, var ákveðið í stjórn Hitaveitu
Suðurnesja að snúa aftur til gamla
fyrirkomulagsins, með smábreytingu
þó. Verða eins og áður sendir inn
reikningar á hverja og eina íbúð. En
komi til lokunar verður áður send inn
lokunartilkynning og öllum þeim er
loka á hjá tilkynnt um af hverra
völdum það er. Geta þeir þá e.t.v. gert
ráðstafanir áður en til lokunar kemur,
greitt reikninginn sjálfir, eða gengið á
viðkomandi trassa.
-BH.
Munið frímerkjasöfnun
Geðverndar
ó innlendum og erlendum frímerkjum. Gjarna
umslögin heil, einnig vélstimpluð umslög.
Pósthólf 1308 efla skrrfstofa félagsins Hafnar-
ÍMEovBMMnéeua NstANosi strasti 5, sfmi 13468.
Rúta frá Guðmundi Jónassyni föst í
aurbleytu á leið i Húsafell.
DB-mynd Árni Páll.
Vegleysur á Vesturlandi:
Matarvagn
Þjóðverjanna
sat fastur
Á yfirreið sinni um Vesturland og
Snæfellsnes í vikunni komust DB-menn
að því að ástand vega er víða mjög bág-
borið. Víða var ástandið slæmt sökum
aurbleytu en þar sem vegir voru þurrir
var ástandið oft litlu skárra. Sem
dæmi má nefna að DB-menn keyrðu
fram á rútu frá Guðmundi Jónassyni
þar sem hún var föst í aurbleytu við
Skorradal. Rúta þessi var nokkurs
konar eldhúsvagn fyrir þýzka
ferðamenn sem voru á leið í Húsafell.
Varð bílstjóri rútunnar að snúa henni
við eftir að honum hafði tekizt að losa
hana úr aurbleytunni. Vonandi hefur
slæmt ástand vegarins þó ekki orðið
þess valdandi að hinir þýzku ferða-
menn hafi svelt í Húsafelli.
TÖSKUR
FYRIR ÖLL TÆKIFÆRI
Ennfremur nýjar sendingar af
kjólum, mussum, blússum og
diskó-settum (buxur og kjóll).

mMm
Vorum að fá mikið úrval af alls
konar töskum og diskóveskjum úr
satíni og striga.
20 tegundir og margir litir.
POSTSENDUM
Melíssa
Laugavegi 66
Sími12815
-GAJ-