Dagblaðið - 24.07.1979, Qupperneq 8

8
PAGB^JÐI^ÞRIDJUDAGU^^Úm^.
Uggvænlegar horfur vegna kulda á hálendinu:
Allt bendir til rafmagns-
skömmtunar f vetur
Lendir í fyrstu lotu á stóriðjunni, en síðar á almenningi í Reykjavík og um allt land
„Útlitið í vatnsmálum hjá Lands-
virkjun er mjög slæmt,” sagði
Eiríkur Briem, framkvæmdastjóri
Landsvirkjunar, i viðtali við DB. ,,Ef
veturinn verður mildur þá er þetta i
lagi, en ef hann verður harður eins
og sá síðasti er það augljósl að
skammta þarf rafmagn.”
Eiríkur kvað hugsanlega skömmt-
un ekki lenda á almenningi í fyrstu,
heldur á stóriðjunni, þ.e. álverk-
smiðjunni, Áburðarverksmiðjunni
og járnblendiverksmiðjunni. En
hann kvað skömmtun hjá þessum
fyrirtækjum ekki geta orðið nema
takmarkaða. Þurfi enn frekar að
skammta rafmagn, þá lendir
skömmtunin á almenningi, nema að
framleitt verði rafmagn með olíu.
„Ég vil ekki vera með neinar hrak-
spár,” sagði Eiríkur, „en ég vil þó
aðvara þjóðina um að þetta skömmt-
unarástand kann að skapast eins og
nú horftr.”
Þórisvatn er aðalmiðlun raforku-
framleiðslu landsmanna. Þar er nú,
að sögn Eiríks, vatnsborð metra
lægra en var í fyrra og þá fylltist
vatnið ekki eins og æskilegt er.
„Ástæðan fyrir þessu er kuldinn,”
sagði Eiríkur. „Það bráðnar ekki úr
jöklunum, okkar forðabúri, þó sólin
skíni. Sé ekið um Sprengisand nú í
glampandi sól um hádegisbil sést ekki
vatn í hjólförum vegarins. Þetta er
þriðja kuldaárið í röð og slík röð
kuldaára segir nú mjög til sin í Þóris-
vatni.”
Eiríkur kvað að því stefnt að hluti
Hrauneyjafossvirkjunar komist í
gagnið haustið 1981. Frestun fram-
kvæmda þar frá 1979 til 1980 gerði
Landsvirkjun mjög erfitt fyrir.
Sagði Eiríkur Briem að það kæmi
fyrst og fremst fram í þvi að fram-
kvæmdirnar urðu allar á svipuðum
tíma. í sjálfu sér væri áætlunin varð-
andi virkjunina óbreytt en hún væri
miklu þrengri en upphaflega stóð til.
-ASt.
/s i hitanum
Lánið leikur við Reykvíkinga dag eýtir dag hvað veðurfarið
snertir. Sólin skín, björt og hlý og óðum kemur dekkri litur á borg-
arbörnin. Fátt er betra í hitanum en að fá sér ís til kœlingar.
DB-mynd Bjarnleifur.
Munið frímerkjasöfnun
Geðverndar j
Innlend og erlend frímerki. Gjama umslögin heil,|
einnig vólstímpluð umslög.
Pósthótf 1308 efla skrifstofa fól. Hafnarstræti 5,j
simi 13468. j
Hinn nýi fslenzki bátur, sem Mótun hf. i Hafnarfirði hefur sérhannað fyrir íslenzkar aðstæður. Bátunnn er væntanlegur
til heimahafnar í næstu viku.
NYRISLENZKUR
BÁTUR SJÓSETTUR
DB-mynd: Árni Páll.
í síðustu viku var sjósettur nýr
bátur í Hafnarfirði, sem er að öllu
leyti hannaður hér á landi og með
íslenzkar aðstæður í huga.
Það er fyrirtækið Mótun hf. í
Hafnarftrði sem framleiðir bátinn, en
fyrirtækið hefur áður verið þekkt
fyrir að framleiða trillur með
færeysku lagi. Hafa yfir 100 slíkar
trillur selzt hér á landi, sem er ís-
landsmet að sögn Regins Gríms-
sonar, t'ramkvæmdastjóra fyrir-
tækisins.
Nýi báturinn sem ber nafnið
Gustur ÞH77 er 5,5 tonn og 27 fet.
Við smíði bátsins var sérstaklega
leitazt við að skapa góðan bát sem
iKMtlaði vel fyrir minni útgerð og
þolir veðrabrigði og hafsveiflur.
Að sögn Regins er skrokkur báts-
ins þykkari en gengur og gerist og
eins eru allar raflagnir sterkari. Var
báturinn hannaður að öllu leyti eftir
ströngustu reglum Siglingamála-
stofnunar ríkisins og hafa þegar verið
pantaðir 15 slíkir bátar.
í bátinn er hægt að hafa vélar allt
frá 35 hestöflum upp í 70 hestöfl.
Það er Jón Hannesson á Húsavík sem
er eigandi Gusts og hefur hann
hugsað sér að nota bátinn við linu og
handfæraveiðar.
Þess má að lokum geta að Mótun
hf. smíðaði hraðbátinn Láru, sem
þátt tók í sjóralli DB og Snarfara.
-ELA
Borgarspítalinn:
Háls-, nef- og eyrnadeild
fékk 4,7 milljónir fyrir
46,6 milljón króna vinnu
—160 milljón króna halli á sjúkrastof nunum
Reykjavíkurborgar
Rekstur sjúkrastofnana Reykja-
víkurborgar breyttist lítið á árinu
1978 þó að umtalsverð aukning í
fjölda innlagðra sjúklinga hafi orðið
svo og mjög aukin aðsókn að göngu-
deildum spítalanna. Umsvif göngu-
deildarþjónustu vex hröðum
skrefum, án þess að séð sé fyrir fjár-
hagsgrundvelli þeirrar þjónustu og
verða daggjöld því að bera þann
kostnað á sama tíma og býsnazt er
yfir hækkun þeirra.
Frá þessu segir í nýútkominni
skýrslu Borgarspítalans. Þar segir í
skýrslu framkvæmdastjóra að til
marks um fáránleika þessara mála
hafi Háls-, nef- og eyrnadeild spítal-
ans fengið greiddar 4,7 milljónir kr.
fyrir veitta göngudeildarþjónustu á
árinu 1978, en samkvæmt gildandi
gjaldskrám hefði sama þjónusta
verið greidd með 46,6 milljónum
króna á lækningastofum sér-
fræðinga.
Heildarrekstrarkostnaður sjúkra-
stofnana borgarinnar varð
4.572.987.000 krónur samanborið
við 2.665.173.000 kr. árið 1977.
Hækkun rekstrarkostnaðar milli ára
er því 72%. Rekstrarhalli á árinu
1978 varð 160.601.000 krónur eða
3,5% af heildarveltu. -ASt.