Dagblaðið - 20.10.1979, Blaðsíða 15

Dagblaðið - 20.10.1979, Blaðsíða 15
DAGBLAÐID. LAUGARDAGUR 20. OKTÓBER 1979. 15 Það er erfitt að trúa því að þessi bill hafi einu sinni verið ryðhrúga og brotajárndrasl, eins glæsilegur og hann er núna. DB-mynd Ragnar. Th. itroen Type BL, Seria 11. árg. 1946 GLÆSILEGASTIOLDUNGUR LANDSINS Sumarið 1977 var ég við störf norður í Eyjafirði og eyddi þá mestum frítíma mínum á Akureyri. Þá var ég svo hepp- inn að kynnast Gúgga. Ekki höfðum við þekkzt lengi þegar hann vildi óður og uppvægur sýna mér bílinn sinn. Fórum við niður á Oddeyri þar sem bíllinn stóð úti, og satt bezt að segja þá leizt mér ekkert á gripinn. Var hann meira og minna ryðgaður, mjög dældaður og til að kóróna allt höfðu einhverjir pörupiltar brotið allar rúð- urnar í bílnum. Höfðu þeir notað við það hálfan símastaur og stóð hann í afturgiugganum og út um framglugg- ann. Gúggi var hinn bjartsýnasti og sagðist ætla að gera bílinn upp og gera hann að glæsilegasta bílnum á Akur- eyri. Mér fannst þá að Gúggi myndi gera réttast í að henda þessari ryðhrúgu og brotajárndrasli en ekki hafði ég þó orð á því til að særa hann ekki. Síðast- liðið sumar átti ég aftur leið um Akureyri og að sjálfsögðu heilsaði ég upp á Gúgga vin minn. Aftur vildi hann sýna mér bilinn og meira en það, hann ætlaði að bjóða mér í bíltúr í honum. Andlitið bókstaflega datt af mér þegar ég sá bílinn því að Gúggi hafði svo sannarlega staðið við orð sín, og gott betur en það, um að gera bílinn að þeim glæsilegasta á Akureyri. Held ég að varla finnist virðulegri eða glæsi- legri öldungur á öllu íslandi og þó að víðar væri leitað. Gúggi heitir annars Valdimar Páls- son en það eru fæstir sem kannast við hann undir því nafni. Gúggi er símsmiður að atvinnu en áhugamál hans eru bílar. Hefur hann unnið mikið fyrir Bílaklúbb Akureyrar m.a. og verið í stjórn hans. Bíll Gúgga er Citroén Typa BL sería 11 árg. 1946. Vélin í bílnum er upp- runaleg og er hún fjögurra strokka. Uppgefin hestaflatala er 16. Gírkassinn er þriggja gíra en hann er fyrir framan vélina og er bíllinn með framdrifi. Gúggi hefur reynt að byggja bílinn upp í sem upprunalegastri mynd og hefur einungis tveimur atriðum verið breytt. Rafkerfinu var breytt úr 6 volta kerfi í 12 volta kerfi og sett voru stefnuljós á bilinn. Að öðru leyti er bíllinn óbreyttur og er meira að segja upprunaleg tegund af dekkjum undir honum. Gúggi eignaðist bilinn i janúar '77 og gáfu bræðurnir Eirikur og Teitur honum bílinn. Þá stóð bíllinn hrakinn og kaldur við bæinn Brúnalaug í Eyja- firði og hefur þá sjálfsagt verið talinn ónýtur. Gúggi flutti bílinn til Akur- eyrar og kom honum þar í hús, en erfitt er að fá bílskúra og halda þeim á Akur- eyri. Þurfti Gúggi að flytja bílinn fimm sinnum milli skúra þessi tvö ár sem viðgerð bílsins tók. í septemberbyrjun hófst Gúggi handa við að vinna i bílnum af fullum krafti og var þá ekki alltaf tekið tillit til hvaða timi sóla- hrings var. 1 fyrstu var billinn allur rifinn í sundur og vinur Gúgga, Heiðar Jóhannsson, tók hlutana og sandblés þá. Síðan var bíllinn ryðbættur og það smíðað upp á nýtt sem ekki var hægt að gera við. Þegar ryðbætingum var lokið var nýupptekinni vélinni og öðru gang- verki komið fyrir í bílnum. Næst lá fyrir að fínrétta bílinn og sprauta hann. Því verki var lokið 11. maí 1979 og var eftir það unnið nótt sem nýtan dag við að fullgera bílinn svo að hægt væri að hafa hann á bilasýningu Bílaklúbbs Akureyrar 17. júní. Var Birgir Pálma- son fenginn til að klæða bílinn að innan meðrauðuplussi meðan Gúggi og vinir hans hömuðust við að ganga frá öllum smáatriðum. Föstudaginn 15. júní var farið með bílinn í skoðun og voru margir Akureyringar með hálsríg þá um kvöldið, þvi að hvar sem bíllinn birtist þurftu allir að snúa sér við og virða hann fyrir sér. Gúggi segist aldrei hefði getað lokið við bílinn fyrir sýninguna ef hann hefði ekki notð hjálpar vina sinna og sérstaklega vildi hann þakka bræðrunum Braga og Stefáni Finnbogasonum og Ragnari Skjóldal Ragnarssyni fyrir þeirra hjálp. Þá sagði Gúggi að það væri von hans að þessi bíll hvetti alla þá sem eiga gamla bíla til að hugsa vel um þá, því að í þeim lifir minningin um gamla tímann sem aldrei kemur aftur. Jóhann Kristjánsson. Við endurbyggingu bílsins hefur Gúggi lagt mikla áherzlu á að hafa allt i sinni upprunalegu inyntl. DB-mynd Ragnar Th. Brúnin á Gugga er létt þegar hann sezt undir stýri á bil sinum og ekur um götur Akureyrarbæjar, á hraða sem hæfir vel virðuleika bílsins. DB-mynd Ragnar Th. Ödýr gæðadekk- úrvals snjómynztur -mjög hagstætt verðr Super snjómynztur 155X12(600X12) B78X 14(175X14) (Volvo) 20.40C 21.200: C78X 14(695X14) 25.500 GR78X14 30.400 G60X14 33.800 BR78X 15(560X15) (600X15) 21.800 F78X 15(710X15) 22.300. FR78X15 27.600 GR78X15 31.200 HR78X 15(700X15) (Jeppa) 31.900 LR78X 15(750X15) (Jeppa) 34.500 12Xl5(BushTrack) 66.800 125Xl2meðnöglum 18.000 520XlOYokohama 13.600 Michelin 135Xl3(Fiatl27) 17.850 205 X16 Michelin (Range Rover) Flestar stærðir sólaðra hjólbarða SAMYANG 600X12 17.900 615X13 18.400 560X13 18.700 560X13 18.700 600X13 20.050 645X13 21.400 640X13 23.350 695X14 27.800 Sendum gegn póstkröfu um land allí Gúmmívinnustofan isssi

x

Dagblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið
https://timarit.is/publication/260

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.