Dagblaðið - 19.08.1980, Blaðsíða 9

DAGBLAÐIÐ. ÞRIÐJUDAGUR 19. ÁGÚST 1980.
9
Fjársvikamál ,?sölumannanna” stöðugt umfangsmeira:
SELDU VÉLARNAR ÚR
DJÚPUVÍK Á130
MILUÓNIR KRÓNA
— Rannsóknarlögreglan lýsir eftir 65 milljónum ívíxlum *
Nokkrir menn hafa þegar gefið sig
fram vegna víxla sem Rannsóknar-
lögregla ríkisins lýsti eftir vegna
rannsóknar á viðskiptum tveggja
manna sem setið hafa í gæzluvarð-
haldi að undanförnu.
Höfðu þeir selt tveim mönnum,
Guðmundi Ársælssyni og Jóhanni Ó.
Óskarssyni, vélar úr gamalli síldar-
verksmiðju á Djúpavík i Reykjafirði
á Ströndum. Kaupverðið, kr. 130
milljónir, var greitt með víxlum sam-
þykktum og útgefnum af kaupend-
um. Voru vixilfjárhæðir einstakra
víxla yfirleitt á bilinu 400 til 800
þúsundir króna. Komu kr. 65
milljónir af þessum víxlum í hlut
hinna tveggja seljenda hvors um sig.
Sá seljenda, sem nú hefur verið lát-
inn laus, mun ekki hafa notað sína
vbda í viðskiptum og afhent þá alla í
hendur Rannsóknarlögreglunnar.
Hinn maðurinn notaði hins vegar
einhvern hluta sinna víxla og er lýst
eftir þeim í þágu rannsóknar málsins.
Hefur hann ekki gert fullnægjandi
grein fyrir viðskiptum með víxlana.
Er hann enn í gæzluvarðhaldi og er
því lýst eftir áðurgreindum víxlum af
hálfu Rannsóknarlögreglu rikisins. BS
Enn eitt staura-
slysið á Smiðjuvegi
i
Enn eitt ,,ljósastaura”-slysið varð á
Smiðjuveginum um hálfeittleytið i gær.
Þar var fólksbíl ekið á einn stauranna
sem standa í jaðri malbiks götunnar.
Fór framendi bílsins hreinlega upp eftir
staurnum og það svo langt að sumir
sjónarvotta telja að aftari höggdeyfari
hafi skollið í götuna og stöðvað frekari
uppgöngu bílsins eftir staurnum. Aðrir
sjónarvottar telja að efri hluti staurs-
ins, sem kuppaðist sundur um miðju,
hafi slegizt í afturenda bílsins.
Ökumaður var einn í bílnum og bar
hann ekki sjáanleg merki alvarlegra
meiðsla en hann hefur að einhverju
leyti misst minnið eða vankazt og var
ekki ljóst hvora leiðina hann hafði
verið að fara eftir götunni, en bíllinn
stóð þversum á götunni eftir ævintýrið.
Þó hlaut ökumaður meiðsl á fæti. Af
fyrrnefndum ástæðum var ekki unnt að
yfirheyra ökumanninn í gærdag.
- A.St.
Slysstaöurinn. Bíllinn kominn
til jarðar skemmdur bæði að
framan og aftan. Staurinn er
brotinn um miðju. Á innfelldu
myndinni hugar iögreglumaður
að fótarmeiðsli ökumanns, sem
kom vankaður út úr bílnum, en
enginn grunur er um ölvun.
- A.St.
Heimsmeistaramót unglinga:
Jón L vann í 18 leikjum
Jón L. Árnason varð fyrstur kepp-
enda til að vinna sigur í skák á heims-
meistaramóti unglinga, sem hófst í
Dortmund í Þýzkalandi á sunnudag.
Það tók Jón ekki nema 18 leiki að
knýja andstæðing sinn, Kautchy frá
Mónakó til uppgjafar.
Meðal keppenda á mótinu er sovézki
stórmeistarinn Kasparov, sem er talinn
liklegasti arftaki heimsmeistarans
Karpovs þrátt fyrir að hann sé aðeins
17 ára gamall. Kasparov er þegar í hópi
sterkustu stórmeistara heimsins, með
2595 Elo-stig, og er langsigurstrangleg-
astur á mótinu.
Þess má geta til gamans að þegar
Jón L. varð heimsmeistari sveina fyrir
rúmum þremur árum varð Kasparov að
gera sér þriðja sætið að góðu.
Kasparov vann andstæðing sinn
Cuypers frá Hollandi mjög glæsilega í
gær eftir að hafa fórnað mönnum á
báðar hendur.
Að sögn Helga Ólafssonar eru
aðstæður allar mjög góðar á mótsstað
og þrátt fyrir mikinn hita taka þeir
félagar Jón og Helgi lífinu með ískaldri
ró. Keppendur eru 58.
- GAJ
FEGINN, EN V0NA AÐ ÞAÐ
HINDRIEKKIVEIÐIFERÐINA
— sagði skartgripasalinn sem þýfið átti
„Hvað segirðu, er allt þýfið
fundið?” voru fyrstu orð Wilhelms
Norðfjörð, eiganda verzlunarinnar
að Laugavegi 5, þaðan sem skartgrip-
unum var stolið, er hann frétti af
fundi skartgripa sinúa. Lögreglan
hafði þá ekki látið hann vita.
„Auðvitað er það vel að þýfið
skuli hafa fundizt. Brúttóverðmæti
þess er milli 22 og 25 milljónir. En þó
ég sé feginn vona ég að þetta hindri
mig ekki í að fara í laxveiðiferð sem
fyrirhuguð er í dag og lengi er búið að
hlakka til,” sagði Wilhelm. -A.St.
Raf magnsleysi um
stóran hluta landsins:
Rofi ítengi-
virkisprakk
— 7-8 milljón króna
tjón Landsvirkjunar
„Ástæðan fyrir rafmagnsleys-
inu var sú að það splundraðist
130 kílóvolta rofi í tengivirki við
Geitháls. Hins vegar er óljóst
hvað olli þeim skemmdum,”
sagði Ingólfur Ágústsson,
rekstrarstjóri Landsvirkjunar, í
samtali við DB um rafmagns-
leysið, sem hrjáði stóran hluta
SV-lands i um klukkustund á
sunnudagskvöldið.
Ingólfur sagði hugsanlega skýr-
ingu á skemmdunum vera þá aö
truflanir vegna burtfalls lína frá
Sigölduvirkjun hafi rifið upp
galla í rofanum við Geitháls, en
það væri enn óljóst. Fljótlega
hefði bilunin fundizt og þá hefði
ekki tekið langan tíma að gera við
hana.
Hann sagði að rofi af þessu
tagi kostaði um 20 milljónir
króna, en ekki hefði nema þriðj-
ungur hans skemmzt þannig að
beint fjárhagstjón Landsvirkj-
unar næmi 7—8 milljónum
króna.
-ÓV
Teg 15
Litur: Svart ledur
Stærdir 36 46
Verökr 25.660 -
Free!
Joke
Teg. 10
Litur: Brunt ledtir
Stærdir 3S~ 46
Verð kr. 26.660
Pástsemfum
SjjgjgjSI rJýkorT1id
í&rW^ri)
Póstsendum
Skóverz/un
Þórðar Péturssonar
Laugavegi95, simi 13570,
og Kirkjustræti 8 v/AusturvöH, simi 14181