Dagblaðið - 06.10.1981, Blaðsíða 9

DAGBLAÐIÐ. ÞRIÐJUDAGUR 6. OKTÓBER 1981.
I
Erlent
Erlent
Erient
Erlent
I
Alþjóölega bílasýningin í Frankfurt:
Tölvur og sjálfvirkni í
fararskjótum framtíöar
— spameytni, umhxerfisxemd og þœgindi eru nú slagoröin
Þeð er óhætt að Uta sJg dreyma um einn sMkan. Jeaúer XJ. 4L? Btre.
Alþjóðlega bifreiðasýningin í Frank-
furt, IAA, þykir merkileg uppákoma
og markverð kynning á nýjungum fjór-
hjólamenningarinnar.
17. sept. sl. voru hlið 49. sýningar-
innar opnuð, og í 11 daga skyldi a.m.k.
góð 1 millj. gesta skondra þar í gegn —
varfærnisleg áætlun, sem þó stóðst.
Ekki var byrjunin heldur slök; fyrri
laugardaginn voru 290 þúsund gestír á
staðnum — en þá var jú heldur þröngt
á þingi í sýningarsölunum.
AUs voru 199.152 fermetrar tíl um-
ráða, sem um 1500 aðilar frá 33 löndum
nýttu tíl hins ýtrasta til að kynna sínar
vörur, en áhugi almennings beindist þó
sérlega að sölunum, sem innihéldu nýj-
ustu uppákomurnar.
Tölvuvæðing
bflanna
Ekki skortí heldur slagorð sýningar-
aðilanna; t.d. „grannar gangvélar”,
„áratugur dísilolíunnar”, „framhjóla-
drifið í fararbroddi”, „tæknivæðing
með stjórntölvu”, „farartæki framtíð-
arinnar” o.s.frv.
Fylgitækjunum var fylgt úr hlaði
með „sjálfhugsandi útvarpsviðtæk-
inu”, og aðdáendur eldri árganga
fengu sinn skerf við ásýnd „bjórvagna-
og brúðhjónabíla”.
Sem sagt, eitthvað fyrir alla, og að
sjálfsögðu var hægt að „leggja” börn-
unum á meðan eiginmaðurinn teymdi
frúna um sýningarsvæðið (eða öfugt).
Samnefnarar slagorða sýningarinnar;
„sparneytni”, „umhverfisvernd”,
„þægindi” voru rösklega viðruð í
tölum stjórnmálastírnanna, sem mættu
í fleirtölu á staðnum og héldu hverja
ræðuna annarri snjallari, en helzta at-
hyglin áskotnaðist forseta sambands-
lýðveldisins, C.Carstens, sem áminnti
alla ökumenn um aukna öryggiskennd í
umferðinni og sagði m.a. að það tíl-
heyrði ekki persónulegu frjálsræði að
aka svo hratt sem hugann girnti.
Þýzkir spyrna
Ekki skorti heldur útgáfur margvis-
legustu upplýsingarita; ein könnunin
upplýsti t.d. að þrátt fyrir allan orku-
sparnaðaráróður spyrna þýzkir frekar
en að spara; frá 1972 hefur bensín-
eyðslan aimennt aukizt úr 10.2 1/100 km
í 10,7 1/100 km núorðið (nú jæja —
þeir hafa jú vegina).
Fjölmiðlakynningin var að sjálf-
sögðu á útopnuðu allan tímann svo
nærri lá að neytendur alls þessa hugs-
uðu orðið fjórhjóla þegar yfir lauk.
Fólksbifreiðaframleiðendur nutu
sjálfsagt helztu athyglinnar og bar þar
líklegast einna hæst Opel og VW, að
öllum öðrum ólöstuðum, t.d. ýmsum
japönskum.
Opel-verksmiðjurnar kynntu nýja
Ascona bílinn. Reyndar átti „fæðing-
in” sér stað 1973, svo meðgöngutíminn
hefur verið um 7 ár. Það hefur þó lukk-
azt bærilega, nýjungar eru allt frá bíl-
lyklinum til bólstrunar bílsætanna.
Glansnúmer VW nefndist Santana
og á þeim bæ eru það huggulegheitin
sem sitja í fyrrirúmi fyrir ökumann sem
og farþega — og í raun virðast þægindi
„fínu” bílanna núorðið vera öllum að-
gengileg.
Kostnaðarsömustu sýningargripirnir
voru sjálfsagt framtíðarhugsjónirriar,
en samtals voru 4 slíkar á staðnum, og
svo ásýndin yrði augljósari voru grip-
irnir meira og minna sundurskornir.
FJölmenni ver mikið á sýningunni, sérstaklege fyrste daginn, en þi komu
alis 290 þúsund gestir.
DB-myndir Hens Sætren—FrenkfurL
Heizta ethyglin beindist sem vænta méttí aO fóiksbiium og bar Opel og Voikswegen einna hæst Opelverk-
smiOjurnar kynntu Opel Ascona og þóttiþerhafe lukkazt bærilega.
Austin Metro,
ein heizta von
Breta. Innviðir
bilsins koma
vel i ijós.
Léttmálmar
Neista tilraunastarfseminnar tendr-
aði þýzka rannsóknarráðuneytið 1978
og þar með voru og kvaðirnar tilskyld-
ar, til úthlutunar opinbers fjárstyrks;
T.d. skyldu farartækin rúma minnst 4
pers., nýtanlegt burðarþol a.m.k. 400
kg, hámarkshraði minnst 140 km/klst„
Range Roverinn var án vafa skítugasti billinn á alþjóðlegu biiasýningunni, enda var gripurinn kominn óþveg-
inn alla leið úr Sahara-ralli.
og spyrna úr kyrrstöðu í 100 km/klst.
ekki undir 13 sek. — auk ýmissa for-
skrifta um eldsneytiseyðslu, hávaða,
útblástur o.s.frv.
Árangur hugstreitu verkfræðinga
Audi, Daimler Benz, VW og samstarfs-
nefndar tæikniháskólanema bar aug-
ljós merki framfara tæknivæðingarinn-
ar — tölvur og sjálfvirkni ráða nær öllu
í fararskjótum framtíðarinnar. Sam-
eiginlegt einkenni allra sýnanna var þó
aukin nýting léttmálma í margvísleg-
ustu vélar-, grindar-, og byggingar-
hluta, þægilegheit ökuþórs og farþega,
að ógleymdum fjölmörgum öryggis-
atriðum.
Orkusparnaður
Orkusparnaður var skrifaður með
stórum staf og helzt til umræðu, t.d.
aukatækið tii eldsneytíssparnaðar í
„hlutlausum”, stjórntölvan, sem
breytir „cylinder” styrkleika vélarinn-
ar þegar á þarf að halda (t.d. úr 8 í 4),
útvarpsviðtækið „sjálf-þenkjandi”
(ágætt í löndum með fleiri senda), að
ógleymdri áætlunartölvunni, sem
gefur til kynna stöðu og/eða frávik í
akstrinum (svona svipað og flug-áæll-
unar-framkvæmdir).
Að sjálfsögðu var umgjörð sýningar-
munanna oft í glysgjarnara lagi, t.d.
flutti Rolls Royce inn sína eigin „James
& Henry” — húsþjóna (rétt til að lyfta
virðuleikablænum lítið eitt), gegn
glansmynd annarra sýndi Range Rover
aurugasta áhaldið — „rallí-jeppa”
innfluttan beina (og óþvegna) leið frá
Sahara — fagrar stúlkur voru i
kippum en dýpstu draumórana vakti
þó Daimler Benz með „karate”, þar
var m.a. video innbyggt og drykkjar-
áhöldin (fyrir farþegana) öll gulli
slegin.
Margar nýjunganna munu birtast á
markaðnum innan tíðar, aðrar bíða
síns tíma, og undir lok sýningarinnar
gætti ákveðinnar bjartsýni meðal
fiestra forsvarsmanna bifreiðaiðnaðar-
ins — framtíð bílsins væri nú alls ekki
svo dökkleit þrátt fyrir allt.
-Hans Sætran, Frankfurt.