Ársrit Ræktunarfélags Norðurlands - 01.01.1931, Blaðsíða 13

Ræktunarfélagið og
búnaðarsamböndin.
Á síðasta aðalfundi Ræktunarfélags Norðurlands
voru samþyktar, eftir tillögum stjórnarinnar, nokkrar
breytingar á lögum félagsins. Breytingar þessar
standa í sambandi við þá skipun, er á síðastliðnum ár-
um hefur orðið á búnaðarsambandsstarfseminni í
Norðlendingafjórðungi, og þar sem þær hafa allveru-
leg áhrif á starfsvið og starfshætti félagsins, er ástæða
til að fara hér um þær nokkurum orðum og gera lítils-
háttar grein fyrir hlutverki og afstöðu félagsins í
framtíðinni til hinnar sambandsbundnu búnaðarfélags-
starfsemi fjórðungsins.
Ræktunarfélag Norðurlands er upprunalega stofnað
sem einstaklingafélag til þess að vinna ákveðin störf í
þágu landbúnaðarins, sem voru allskonar tilraunir á
jarðræktarsviðinu og fræðsla og leiðbeiningar í sam-
bandi við þær. Þó að starfsvið þess sé alt Norðurland
er það als eigi hugsað sem sambandsfélag og það er
rás viðburðanna og knýjandi þörf, sem verður þess
valdandi, að það er gert að búnaðarsambandi fyrir
Norðlendingafjórðung árið 1910. Það er ástæðulaust
að rekja tildrögin til þessarar breytingar hér og skal
ég láta nægja að benda á, að stofnun sambands fyrir
Norðlendingafjórðung var einn liður í því búnaðar-