Ársrit Ræktunarfélags Norðurlands - 01.01.1988, Qupperneq 87

og hey af kúahögum sett í rúllubagga og plastpoka. Nægði
það til hluta gjafar fram til jóla. Þurrhey í hlöðu var mest
allt vel verkað en meltanleiki á heyi af mýratúni og af
bökkum var frekar lágur (lítið af þessu heyi með undir 2.0
kg/FE). Astæða þessa var sú að spretta var snemma á ferð-
inni en síðan kom óþurrkakafli í lok júní og byrjun júlí sem
tafði heyskap röska viku, grös hinsvegar í þessum túnum
aðallega snarrót og önnur innlend grös sem illa þoldu þessa
seinkun á slætti. Taða af heimatúni ofan vegar bæði fyrri
og seinni sláttur var aftur á móti mjög góð (1.5-1.6 kg/FE)
og var því heyi mismunað í nýbærur. Voru afurðir kúa mjög
góðar. Uppgjör nú á miðju ári sýnir að þá eru 36.4 árskýr
með meðalnyt 4.793 kg og með fóðurbætisnotkun á 778 kg.
A liðnu vori var maí heldur kaldur og þurr, hlýtt var aftur
á móti í júní en þurrt og vindasamt. Heyskapur hófst 20.
júní á heimatúni ofan vegar. Þá var spretta frekar lítil en
vegna þess gróðurfars sem í túnunum er var ákveðið að slá
svo snemma. Sláttur gekk annars þokkalega, þó velktist hey
nokkuð á Suðurengi. Uppskera í fyrra slætti var frekar lítil
en háarspretta góð og mikill hluti túnsins heyjaður aftur.
Eru því næg hey handa búfé á komandi vetri.
Hirðing minka í sóttkvíarbúi og hrúta hjá Sauðfjársæð-
ingastöðinni var svo sem nauðsyn er til.
í september urðu nokkur skifti á starfsfólki. Steindór
Guðmundsson, Guðmundur Geirsson og Steinunn Hauks-
dóttir ráðskona fóru öll í skóla á haustdögum og hættu í
byrjun september. Jón Davíð Georgsson sem séð hafði um
minkinn hætti einnig í september. í stað þessara voru ráðin
Kristján Jónsson og Líney Diðriksdóttir. Fengu þau neðri
hæð Eggertshúss til afnota. Sem fyrr var Stefán Magnússon
bústjóri og Sverrir Gunnlaugsson sá um fjósið. Auk þess er
hér ritar var Bjarni Guðleifsson í hálfu starfi við tilraunir.
Síðastliðið sumar unnu Ásgeir Hauksson og Þórarinn Péturs-
son við heyskap o.fl. Ingibjörg Þorsteinsdóttir hefur séð um
mötuneyti frá því í byrjun júní. Allt er þetta ágæta fólk að
hætta á þessum dögum. Ollu samstarfsfólki flyt ég þakkir
fyrir góða samvinnu og vel unnin störffyrir stöðina.
89