Ársrit Ræktunarfélags Norðurlands - 01.01.1988, Page 109

heppilegar einingar. Leiðbeiningarsvæðin mega ekki vera of stór og
við uppbyggingu þessarar starfsemi verður að tryggja nálægð hennar
við bændurna. Hin síðari ár hefur landbúnaðurinn meira og meira
verið að færast í þá átt að vera stjórnað með opinberum tilskipunum
og verður því að aðlaga sig þeim aðstæðum. Ljóst er að skoða verður
íjármögnunarhliðina með það í huga hvers hið opinbera krefst með
fjárframlögum sínum. Spurning hvort það eru ekki þau verkefni sem
hér er talað um að ýta til hliðar. Eðlilegt er, að ákveðin verkefni
séu greidd af notendum, og má segja að mest öl! þjónusta Ræktunarfé-
lagsins í dag falli undir það.
Fleiri tóku ekki til máls undir þessum lið og var tillögunum vísað
til nefnda, laganefnd fjallaði um tölulið 2, en allsherjarnefnd að öðru
leyti.
8. Afgreiðsla nefndarálita. Gunnar Sæmundsson gerði grein fyrir áliti
allsherjarnefndar.
„Aðalfundur Ræktunarfélags Norðurlands 1988 ályktar eftirfarandi
um leiðbeiningarþjónustu og starfsemi á vegum Ræktunarfélagsins:
1. Svæðaskipting verði með svipuðu sniði og nú er en með aukinni
samvinnu á milli búnaðarsambandssvæða.
2. Tekin verði upp sérstök áhersluverkefni og byrjað verði á
bændabókhaldi. Þá verði farið að huga að túnkortagerð.
3. Stjórn Ræktunarfélagsins hefji nú þegar viðræður við stjórn-
endur Bændaskólans á Hólum og Búvísindadeildina á Hvanneyri
um aukið samstarf og samvinnu við leiðbeiningaþjónustu og nám-
skeiðahald fyrir bændur og leiðbeinendur.
4. Stjórn Ræktunarfélagsins hefji viðræður fyrir hönd búnaðar-
sambandanna við hinar ýmsu stofnanir t.d. Framleiðsluráð, Fram-
leiðnisjóð, Stofnlánadeild landbúnaðarins og landbúnaðarráðuneyd
um störf sem unnin eru hjá búnaðarsamböndunum fyrir þessa að-
ila. Þar yrði gerð krafa um sanngjarnar greiðslur fyrir þessa vinnu“.
Samþykkt samhljóða.
Ragnar Bjarnason gerði þá grein fyrir störfum laganefndar:
„Aðalfundur Ræktunarfélags Norðurlands samþykkir eftirfarandi
breytingu á lögum félagsins. 6. gr verður svohljóðandi:
Stjórn félagsins skal skipuð formönnum búnaðarsambandanna
á félagssvæðinu og skulu varaformenn sambandanna taka sæti í
forfollum þeirra. Aðalfundur kýs einn mann í stjórn til þriggja ára
og einn til vara. Þá kýs aðalfundur árlega formann úr hópi stjórnar-
manna en stjórnin skiptir að öðru leyti með sér verkum. Aðalfundur
kýs árlega tvo endurskoðendur og einn til vara“.
Samþykkt með 13 atkvæðum gegn 2.
111