Ársrit Ræktunarfélags Norðurlands - 01.01.1988, Page 116

Studdi hann útgáfu ársritsins og taldi hann að þar væri vettvangur
fyrir niðurstöður frá Tilraunastöðinni.
Umræðum var nú frestað og fyrir tekið erindi Ævars Hjartarsonar
um bændabókhald. Byrjaði Ævarr á þvi að þakka Framleiðnisjóði
fyrir veittan stuðning við endurmenntun sína. Gerði hann síðan grein
fyrir þróun í bændabókhaldi og stöðu þess í dag. Ræddi hann fyrst
hver ætti að vinna þetta bókhald og hverjir ættu að sinna því. Frekari
úrvinnsla úr þessum reikningum, framlegðarreikningur verður næsta
skref á eftir skattframtali, þetta og frekari notkun eru þættir sem eftir
er að þróa. Par má nefna áætlanagerð og samanburð ýmiskonar. Með
tilkomu virðisaukaskatts eykst verulega þörf fyrir bókhald og séu bún-
aðarsamböndin ekki í stakk búin til að sinna þessu missa þau þessi
mál úr sínum höndum og þar með möguleikum á aða ná inn rekstrar-
tölum um landbúnað.
í þessu sambandi nefndi Ævarr möguleika á að þróa einfalt forrit
til að reikna virðisaukaskatt fyrir bændur og gæti það orðið fyrsta
skrefið að fullkomnu bókhaldi hjá sumum. Þá ræddi hann nokkuð
um einkatölvur hjá bændum og möguleika þeirra til að nota siík tæki.
Hagþjónustu landbúnaðarins er ætlað að stuðla að bókhaldi meðal
bænda og þróa bókhaldsforrit og því er nauðsynlegt að hafa samstarf
við stjórn hennar í þessum málum áður en hún tekur að fullu til
starfa. í lögum þessarar stofnunar eru ýmis ákvæði um bókhaldsmál
bænda og skyldur búnaðarsambanda í þeim efnum.
Ævarr taldir þörf á að koma á rabbfundi um bændabókhaldið hér
á Norðurlandi til að finna hvaða mál er brýnast að leysa. Búnaðar-
samböndin hafa möguleika á að efla starfsemi sína með bókhaldsþjón-
ustu en þá verða þau að veita jafn góða eða betri þjónustu en aðrir
veita. Þetta má jafnvel vinna í samvinnu við aðila út um sveitir.
Framhald umræðna: Pétur Helgason ræddi um þörf bændabókhalds
með tilkomu virðisaukaskatts. Brýnt væri að halda þessu innan búnað-
arsambandanna. Hann taldi Ræktunarfélagið vettvang til að leysa
ýmis mál sameiginlega þegar kreppir að.
Þá tók til máls Jón Bjarnason skólastjóri og fjallaði um möguleika
á að fara með námskeið skólans út í héruð og einnig möguleika á
að afla fjár til að greiða afleysingaþjónustu fyrir bændur sem sækja
námskeið á vegum skólans. Einnig ræddi hann samskipti Bænda-
skólans og samtaka bænda og taldi þau mjög af hinu góða.
Jóhannes Sigvaldason ræddi nokkuð um heyverkun og svaraði fyrir-
spurnum sem til hans var beint meðal annars um Tilraunastöðina
á Möðruvöllum. Þá kom hann inn á bændabókhald og taldi þar þurfa
snögg viðbrögð nú af hálfu búnaðarsambanda.
Brynjólfur Sæmundson þakkaði fyrir að fá að sitja fundinn og bar
honum kveðju frá formanni Búnaðarsambands Strandamanna. Taldi
hann fund sem þennan jarðbundnari og nær málefnum bænda en
stórfundi í Reykjavík.
118