Frjáls verslun - 01.11.1959, Síða 18
Buenos Aires er stærsta borgin á suðurhveli jarðar. Þessi mikla
breiðgata heitir „Avenida 9 de Julio" og er kennd við daginn,
þegar Argentína hlaut sjálfstæði, 9. júlí 1816. Hvíta súlan var
reist árið 1936 á 400 ára afmæli borgarinnar
f stað villtu hjarðanna kom nú skipuleg naut-
griparæktun (nú eru urn 45 millj. nautgripa í land-
inu) og ýmiss konar kornrækt, einkum varð hveiti-
rækt og maísrækt almenn. Sauðfé er álíka margt
og nautgripirnir, en því er frekar beitt á hrjóstrugra
land, svo sem í Patagóníu. Og landbúnaðurinn
varð fjölbreyttari. Nú er, einkum í vesturhéruðun-
um, mikið ræktað af vínvið, sykurreyr, ávöxtum
og grænmeti. Hafa miklar áveitur víða aukið rækt-
unarmöguleikana.
Iðnaður var lengi mjög lítill í Argentínu, og var
þá helzt um að ræða nokkra vinnslu á landbúnaðar-
afurðum. Það er ekki fyrr en á árum heimsstyrjald-
arinnar síðari, að alvarlega var farið að hugsa um
iðnvæðingu.
Iðnaður er nú orðinn verulegur í landinu, en þó
eru enn fluttar inn flestar tegundir iðnaðarvarn-
ings. Töluverð skilyrði eru til iðnvæðingar, svo sem
nokkurt magn af ýmsum hráefnum og stór inn-
lendur markaður, og olía og vatnsorka geta full-
nægt orkuþörf að nokkru leyti. En samt er landið
fyrst og fremst vel fallið til landbúnaðar, og hefur
ákafinn í að byggja upp iðnað með háum verndar-
tollum og öðrum ráðum reynzt þjóðinni að ýmsu
leyti dýr. Enda mun metnaður og jafnvel hern-
aðarsjónarmið stjórnarvaldanna hafa ýtt töluvert
undir iðnvæðinguna. 1 þessu sambandi má minna
á, að skammt er síðan Peron, einræðisherra, réð
lögum og lofurn í Argentínu.
Enda þótt bylting hafi átt sér stað á flestum
sviðum þjóðlífsins í Argentínu síðustu áratugina,
setur héraðaskiptingin enn rnark sitt á menningar-
líf og atvinnuháttu. Aðalhéruðin eru 7 að tölu og
verður nú hverju þeirra lýst nokkuð.
Pampa
Héraðið liggur í hálfhring, með um 550 km radíus,
umhverfis höfuðborgina Buenos Aires. Þar eru 88
hundraðshlutar af ræktuðu landi í Argentínu, %
hlutar af iðnaðinum og % hlutar af íbúafjöldanum.
Landið má heita marflátt, svo langt sem augað
eygir. Upphaflega var þar allt grasi vaxið, en nú
ber hvað mest á hveitiökrunum í suðri og maís-
ökrunum í norðri, þar sem veturnir eru mildari!
Maísbændurnir hafa nrikla svína- og alifuglarækt.
Meðalhitinn í Buenos Aires er 23°C í janúar og
9°C í júlí. Árleg meðalúrkoma á sléttunni er frá
500 og upp í 1000 mm (900 mm í Reykjavík).
Frá Buenos Aires og upp með Paraná-ánni norð-
ur fyrir borgina Rosario er byggðin þéttust. Þarna
eru kjötpökkunarstöðvar, kornmyllur, ullarverk-
smiðjur, skipasmíðastöðvar, málmbræðslur, efna-
verksmiðjur, pappírsgerðir og margt annað.
Vegirnir í ijöliunum eru ekki alls staðar upp ó marga fiska.
þótt þeir séu merktir á kortum
18
FRJÁLS VERZLUN