Frjáls verslun - 01.04.1964, Blaðsíða 2

Það virðist nú fullkomlega tímabœrt, að slík-
um almennum, íslenzkum útflutningssamtök-
um verði ýtt úr vór. Vœri ekki óeðlilegt, að ým-
is hin stærri sölusamtök og önnur atvinnusam-
tök stéttanna riðu á vaðið og kæmu á fót sam-
starfsnefnd um þetta verkefni. Líklegir aðiljar
til þess að eiga sl'ikt frumkvæði gætu verið: Sölu-
samband hraðfrystihúsanna, Sölusamband ís-
lenzkra fiskframleiðenda, Skreiðarsambandið,
Sildarverksmiðjur ríkisins og aðrar síldar- og
fiskimjölsverksmiðjur, sildarútvegsnefnd, sam-
tök síldarsaltenda, niðursuðuverksmiðjurnar,
Sementsverksmiðjan, Verzlunarráð íslands, Fé-
lag isl. iðnrekenda o. fl., svo að nokkuð sé nefnt
af handahófi. Hin almennu útflutningssamtök
ættu hins vegar ekki að vera neinn lokaður
klúbbur þessara sérfélaga, heldur opin öllum,
sem áhuga hefðu á þessum málum, hagsmuna
ættu að gæta og vildu taka þátt l sameiginlegum
kostnaði þessarar stofnunar. Stofnun þessi yrði
að hafa nokkuð fjármagn til ráðstöfunar og
kostnaðurinn þá auðvitað fyrst og fremst að
berast uppi af félagsmönnum. Þó gæti það ekki
talizt óeðlilegt, að það opinbera legði sinn skerf
af mörkum úr sameiginlegum sjóði borgaranna,
svo mjög sem öll afkoma landsmanna er komin
undir velfarnaði útflutningsverzlunarinar. —
Stofnun þessi þyrfti að koma á fót miðstöð
fyrir starfsemi s'ma, og þangað yrði safnað öll-
um nauðsynlegum upplýsingum um íslenzka
útflutningsframleiðslu til miðlunar kaupendum
íslenzkra afurða. Það þyrftu þarna að vera fyrir
hendi skýrslur og tölulegar upplýsingar um út-
flutningsverzlun samkeppnisþjóða okkar sem
og vœntanlegar sölu- og verðlagshorfur á hinum
ýmsu mörkuðum fyrir tslenzkar útflutningsaf-
urðir. Þegar frá liði væri nauðsynlegt að gerðir
yrðu út af örkinni erindrekar til þess að leita
markaðsupplýsinga og kynna íslenzkar afurðir.
Síðar væri hugsanlegt að í samraði við utannkis-
þjónustuna yrði komið á fót föstum viðskipta-
fulltrúastöðum við hin stærri sendiráð. Samtök-
in þyrftu að gefa út tímarit á íslenzku, þar sem
birtar væru þær upplýsingar, sem islenzkum út-
flytjendum mættu koma að haldi, en sömuleiðis
væri nauðsynlegt að gefa út timarit á heimsmál-
unum, einu eða fleirum, til þess að kynna is-
lenzka frameiðslu. — Eðlilegt væri þá lika, að
samtök þessi hefðu forgöngu um og skipulegðu
þátttöku Islendinga í erlendum vörusýningum,
og þegar tímar liðu fram reyndu að koma hér á
laggirnar vísi að islenzkum vörusýningum. —
I þessari frumreifan svo viðamikils máls hefur
auðvitað aðeins verið tæpt á stóru dráttunum,
en ef til vill geta þessar linur þó orðið til þess
að koma mjög timabærri hugsun á framfæri, og
er þá penna ekki til ónýtis stungið niður.
t----------------------------------N
KVIKMYNDASÝNINGAR
í FLUGVÉLUM
í hinni gífurlegu hörðu baráttu sem háð
er milli flugfélaganna í heiminum er margt
reynt til þess að laða að farþega. Um nokk-
urt skeið hefur bandríska flugfélagið
TWA boðið farþegum sínum upp á kvik-
myndasýningar í flugvélum sínum. Hefur
þetta reynzt mjög vinsælt og gefið góða
raun.
Önnur flugfélög hafa nú fylgt á eftir og
á fundi IATA í Aþenu nú fyrir nokkru var
eitt aðalumræðuefnið það hvernig hægt
væri að halda þeirri þróun í skefjum að
flugfélögin færu að sjá farþegum sínum
fyrir ýmiskonar skemmtunum meðan á
flugferðinni stendur. Ennþá eru það aðeins
bandarísku flugfélögin svo og Pakistan
Airlines sem bjóða upp á þessa þjónustu,
en vafalaust verður þess ekki langt að bíða
að önnur fylgi í fótspor þeirra.
------------------—______t
2
frjáls verzlun