Frjáls verslun - 01.07.1971, Page 38

STJÓRNMÁLAFLOKKAR —
Framh. af síðu 21.
efa karakter sonar K.iartans
Olafssonar heitins. Það átti að
drepa mann.
Ekki er með öllu unnt að
kenna Tímanum um ófarir
Framsóknarflokksins. enda þótt
blaðið skorti mýkt og frjóleik
í áróðri sínum, einkum á út-
síðum blaðsins, þegar áróður-
inn var sem mestur. Vinstri
menn flokksins brugðust hon-
um að þessu sinni og aðallega
til að fá betri höggstað á ríkis-
stjórninni en einnig til að hefna
harma sinna innan flokksins.
Hvað sem þessum vangavelt-
um líður þá er augljóst af úr-
slitunum og hefur raunar alltaf
verið vitað af þeim sem hafa
viijað vita það, að kosningaúr-
slit byggjast ekki nema að
mjög takmörkuðu leyti á blaða-
kosti stjórnmálaflokka. Þetta
er reynzlan erlendis og hún á
eftir að koma betur í ljós hér-
lendis. Það er til dæmis ekkert
samræmi milli fylgis kommún-
ista og Framsóknarmanna og
útbreiðslu málgagna þeirra. Þá
er vandséð að blaðakostur Sam-
taka frjálslyndra hafi skipt
nokkru minnsta máli í kosn-
ingabaráttunni. Frambjóðendur
samtakanna unnu aðallega á
framboðsfundum og persónuleg-
um samböndum. Þá er einnig
vandséð að sjónvarpið hafi haft
úrslitaáhrif í þessari kosninga-
baráttu. Einn maður vann þó
stöðugt á í sjónvarpinu og ger-
ir enn. Það er Jóhann Hafstein,
sem varð öruggari og léttari
eftir því sem nær dró kosning-
um og kannske beztur eftir
þær.
Sú þróun til vinstri, sem
kom í ljós í þessum kosningum,
kann að vera varanleg og þó
því aðeins að vinstri flokkarnir
nái að mynda ríkisstjórn með
skaplegum hætti og hafi úthald
til að vinna saman langleiðina
út eitt kjörtímabil. Vinstri
menn hafa nú fengið langþráð
tækifæri og það ber vott um
hreina flónsku, ef flokkum
þeirra tekst ekki að koma sam-
an stjórn. Auðvitað er ekki víst
að Hannibal Valdimarsson sjái
sér hag í myndun slíkrar stjórn-
ar. En fari svo að slík stjórnar-
myndun takist ekki virðist alv-
eg eðlilegt að efnt verði til
nýrra kosninga, fremur en að
forsetinn beiti sér fyrir mynd-
un minnihlutastjórnar eða ut-
anþingsstjórnar. Það getur alls
ekki verið eðlilegt hlutverk né
hagur Sjálfstæðisflokksins að
beita sér fyrir myndun nýrrar
stjórnar án undangenginna
kosninga.
FATNAÐUR —
Framh. af síðu 33.
grein fyrir því hve barna liggur
mikil vinna að baki. En burt
séð frá mínum málum, þá teldi
ég langeðlilegast að í framtíð-
inni settu hönnuðir ekki upp
hátt verð þegar þeir skiluðu
verki sínu heldur fengju þeir
ákveðnar prósentur af seldri
vöru. Yrði bað til þess að hönn-
uðurinn legði meira áherzlu á
að skapa fallega og seljanlega
vöru og framleiðandinn fengi
meira fyrir snúð sinn. Ef þessu
fyrirkomuiagi yrði komið á
hlytu framleiðendurnir að not-
færa sér þjónustu hönnuðanna,
þar sem þeir fengju auðseldari
vöru en ella. og bar með traust-
ari grundvöll í fataiðnaðinum.
FV: Þar sem Fanný hefur
fengizt mjög mikið við föt
spurðum við hana að lokum
hvaða álit hún hefði á tízkunni
í dag og klæðaburði ungra
stúlkna hér.
FJ: Mér finnst tízkan í dag
djörf og mjög skemmtileg.
Stúlkurnar geta klætt sig í
kjól af ömmu sinni og verið
klæddar samkvæmt tízkunni,
þær geta verið í stuttbuxum,
pokabuxum, síðbuxum, hnébux-
um og sem sagt öllu sem nöfn-
um tjáir að nefna cg verið samt
sem áður í fullu samræmi við
tízkuna. Hvað klæðnaði ís-
lenzkra kvenna viðkemur, hef
ég það helzt að segja að mér
finnst þær yngri ekki hugsa
nógu mikið um það að klæða
sig í samstæð föt. Þær kaupa
blússu, sem þeim þykir falleg,
jafnvel bó þær eigi ekkert sem
fer vel við hana. Þetta er lýtir
á klæðnaði þessa aldursstigs,
sem minna verður vart við hjá
þeim eldri.
30
FV 7 1971