Frjáls verslun - 01.03.1972, Side 27
Rannsóknarstofnun fiskiðnaðarins:
Fjölþætt tilraunastarf með
vinnslu fiskmetis
Kryddsíldarstappa á túbum frá Sigló — Grásleppa,
loðna og grálúða í dósum
Hjá Rannsóknarstofnun
fiskiðnaðarins er unnið að
margvíslegum athugunum
og tilraunum með niður-
soðnar sjávarafurðir. For-
stöðumaður þeirrar deildar,
sem þau mál annast, er Páll
Pétursson, niðursuðu- og
efnatæknifræðingur.
Páll skýrði FV frá því
á dögunum, að um þessar
mundir væru tilraunir með
þorskhrogn í kavíar að
komast á lokastig, en slík
framleiðsla hefur ekki ver-
ið stunduð á íslandi. Hins
vegar vantaði nú tilfinnan-
lega samvinnu við mark-
aðsaðila um að kanna, hvort
varan væri seljanleg. Til-
raunir með þorskhrognin
hafa verið gerðar sérstak-
lega fyrir Niðursuðuverk-
smiðju K. Jónssonar & Co.
á Akureyri, en sem stend-
ur eru Norðmenn og Svíar
allsráðandi í framleiðslu-
greininni, og má víða í
verzlunum hérlendis sjá
alúminíumtúbur með út-
lendum kavíar, sem unninn
er úr íslenzkum þorsk-
hrognum.
KRYDDSÍLDARSTAPPA
í TÚBUM
Seinni hluta síðasta árs
voru svo gerðar tilraunir
með kryddsíldarpöstu fyrir
Siglóverksmiðjuna. Stuðlar
sú framleiðsla að betri nýt-
ingu hráefnis, því að í
stöppuna má nota krydd-
síld, sem ekki þykir henta
í gaffalbita. Pastan er sett
á túbur og er vonast til, að
markaður opnist fyrir þessa
nýjung í niðurlagningariðn-
aðinum íslenzka, bæði í
Sovétríkjunum og í Dan-
mörku.
NIÐURSOÐIN GRÁ-
SLEPPA
Þá hefur Páll einbeitt sér
að því, að gera fiskholdið úr
grásleppunni að girnilegum
dósamat, en 15-20% af
henni er nýtanlegur fiskur.
Gellur og kinnar hafa líka
verið soðnar niður í til-
raunaskyni í eigin sósum
og kryddsósum.
Þá má ekki gleyma loðn-
unni. Hún hefur verið soð-
in niður með kryddsósu,
misjafnlega verkuð, og
einnig kaldreykt með soja-
baunaolíu. Erfitt hefur þó
verið að fá góða loðnu til
niðursuðu, því að veiðar
hér og meðferð fisksins öll
miðast við mjölframleiðslu.
Grálúða hefur verið
reykt sem ofanálegg og sölt-
uð grálúðuflök hafa verið
lituð eins og sjólax. Hefur
hún þótt bragðbetri en ufs-
inn, sem nú er almennt not-
aður í sjólaxinn.
SMAKKARAR
KVADDIR TIL
Hjá Rannsóknarstofnun-
inni hefur matreiðslumaður
starfað með Páli að þessum
tilraunum, og auk þess hef-
ur verið kvaddur til hópur
smakkara, þegar þess hef-
ur þurft. Telur Páll, að
skynsamlegast sé, að út-
flutningsaðilar sendi sýni
til athugunar í þeim lönd-
um, sem varan á að selj-
ast til, og þarlendir menn
verði látnir dæma um hana
og senda skýrslu til baka.
Þetta hefði verið gert með
kryddsíldarpöstuna og ýms-
ar nytsamlegar ráðlegging-
ar fengizt að utan.
UTANRÍKISÞJÓNUSTAN
ÞARF AÐ VERA VIRKARI
Páll Pétursson sagði það
skoðun sína, að utanríkis-
þjónustan íslenzka ætti að
gera miklu meira af því en
nú er að fylgjast með því,
hvaða niðursoðnar sjávar-
afurðir eru á mörkuðum úti
í heimi og senda sýnishorn
til Rannsóknarstofnunar
fiskiðnaðarins, því að nauð-
synlegt væri að fylgjast
þannig með og læra af út-
lendingum. Hefur verið far-
ið formlega fram á þetta,
en árangur orðið lítill,
nema hvað núverandi ráðu-
neytisstjóri í utanríkisráðu-
neytinu, Pétur Thorsteins-
son, sendi sýnishorn heim,
þegar hann var sendiherra
í Washington.
REGLUGERÐ ENDUR-
SKOÐUÐ
Að undanförnu hefur
Páll Pétursson ásamt Gísla
Hermannssyni unnið að
endurskoðun á reglugerð
frá 1958 um niðursuðu og
eftirlit með verksmiðjum.
Verður mun ríkara tillit
tekið til hreinlætis og holl-
ustuhátta, eftirlits með hrá-
efni, litarefna og umbúða
í endurskoðaðri reglugerð.
Ennfremur hefur verið um
það fjallað, hvernig eftirliti
með útflutningi skuli hátt-
að, en það er með þeim
hætti í dag, að send eru
sýni frá verksmiðjunum af
framleiðslu hvers dags og
þau rannsökuð á tilrauna-
stofu hjá Rannsóknarstofn-
uninni, áður en útflutnings-
vottorð eru veitt. Verður
nú miðað við að koma á
betra kerfi í þessum efnum
með því að ráða sérstaka
eftirlitsmenn með verk-
smiðjunum eða fram-
kvæma það í samvinnu við
fiskmatið.
FV 3 1972
27