Frjáls verslun - 01.03.1992, Blaðsíða 38

HERMILÍKÖN
- NÚTÍMA TÆKNIVIÐ ÁÆTLANAGERÐ OG SKIPULAGNINGU - SEINNIHLUTI
Greinarhöfundur,
Kristján Björn Garðars-
son, er verkfræðingur og
starfar sem iðnráðgjafi
Hugmyndin með gerð hermilíkana
er að gera tilraunir, þ.e. breyta for-
sendum og athuga afleiðingarnar. Sú
notkun hermilíkana, sem sennilega er
útbreiddust á Islandi, er á sviði áætl-
anagerðar og þá einkum ýmiskonar
fjárhagsáætlana sem gerðar eru með
svokölluðum töflureiknum (Spread-
sheets). í töflunni, sem samanstend-
ur af röðum og dálkum, eru sett upp
nöfn á tekju- og kostnaðarliðum
ásamt viðkomandi tímabilum. Síðan
er öllum tölum fyrir þessa liði komið
fyrir á sínum stað í töflunni og að
lokum er tölvan látin um alla útreikn-
inga á hinum ýmsu samböndum sem
að baki kunna að búa. Nú er hægt að
breyta einni eða fleiri tölum í töflunni
og láta tölvuna endurreikna allt til að
kanna hver áhrif hinna breyttu fors-
endna eru.
Hermilíkan af framleiðslukerfi er í
sjálfu sér svipuð hugmynd en fyrst
þarf að útlista uppbyggingu kerfisins.
Það kallast að byggja líkan af kerfinu.
Almennt eru raunveruleg kerfi allt of
flókin til að láta líkanið endurspegla
það algjörlega. Það er því vissulega
meira list en vísindi að gera hermilík-
an og listin er meðal annars sú að
tilgreina í líkaninu aðeins hin mest
áríðandi og nauðsynlegustu atriði og
sambönd.
GERÐ OG ÞRÓUN HERMILÍKANS
Áríðandi er að þróun hermilíkana
innihaldi ákveðin þrep, s.s. könnun á
samræmi líkans og raunveruleika
38