Frjáls verslun - 01.03.1992, Qupperneq 41

LIFEYRISSJOÐIR
ÞÁTTTAKA
LÍFEYRISSJÓÐANNA ER
FORSENDA EINKAVÆÐINGAR
- SEGIR GUÐMUNDUR H. GARÐARSSON, FRÁFARANDIFORMAÐUR
LÍFEYRISSJÓÐS VERSLUNARMANNA OG NÚVERANDISTJÓRNARMAÐUR í
SJÓÐNUM
„Ef einkavæðingaráform
stjórnvalda ganga eftir verða
hugsanlega sett á markað ríkis-
fyrirtæki fyrir tugi milljarða
króna á næstu misserum. Það er
alveg ljóst að eftirspurn eftir
þessu viðbótarframboði hluta-
bréfa verður ekki fyrir hendi
nema lífeyrissjóðirnir taki
myndarlegan þátt í kaupunum.
Aður en ákvarðanir um sölu rík-
isfyrirtækja í stórum stíl verða
teknar er óhjákvæmilegt að fá
fram afstöðu lífeyrissjóðanna til
þessara mála. Stjórnvöld verða
að gera sér fullkomna grein fyrir
því hvernig eigi að selja þau
hlutabréf sem boðin verða til
kaups. Einkavæðing verður
ekki að veruleika nema hluta-
bréfin seljist.“
Þetta sagði Guðmundur H. Garð-
arsson, stjórnarmaður í Lífeyrissjóði
verslunarmanna, þegar blaðið ræddi
við hann um málefni sjóðsins og stöðu
lífeyrissjóðanna á íslenskum fjár-
magnsmarkaði. Guðmundur hefur
verið formaður sjóðsins síðustu þrjú
árin en lét af því embætti nýlega. Hjá
Lífeyrissjóði verslunarmanna er það
fyrirkomulag á stjórnun sjóðsins að
launþegar og atvinnurekendur til-
nefna formann til skiptis, þrjú ár í
senn. Nú er röðin komin að atvinnu-
rekendum og hefur Víglundur Þor- Guðmundur H. Garðarsson: Hlutafjáreign lífeyrissjóðanna mun aukast
steinsson tekið við formennskunni. jafnt og þétt.
TEXTI: HELGI MAGNÚSSON MYNDIR: KRISTJÁN EINARSSON
41