Frjáls verslun - 01.03.1992, Blaðsíða 53

5-6 FYRIRTÆKI
RÁÐA MARKAÐNUM
- SEGIR ÞORVALDDR JACOBSEN HJÁ
HPÁÍSLANDIHF.
„í dag er staðan sú að 5-6 stærstu
fyrirtækin ráða öllum tölvumark-
aðnum og ég held að þau eigi eftir að
halda þeirri sterku stöðu. Líklegt
má teljast að þessi fyrirtæki muni
styrkja stöðu sína með yfirtöku á
einhverjum hinna smáu sem eiga í
sífellt erfiðari samkeppni,“ sagði
Þorvaldur Jacobsen hjá HP á íslandi
hf.
„Hewlett Packard hefur ávallt verið í
fararbroddi með að tileinka sér nýjungar í
tækni hverju sinni. Þær miðast við að
mæta hörðustu kröfum markaðarins, auka
rekstraröryggi tölvukerfa og leiða þannig
til aukinnar hagræðingar," sagði Þorvald-
ur ennfremur.
„í apríl förum við af stað með ný nám-
skeið í sambandi við UNIX, kerfisstjóm-
un, tölvunet og rekstur tölvukerfa. Við
erum að kynna nýtt þjónustustig þar sem
boðið verður upp á vaktþjónustu allan sól-
Þorvaldur Jacobsen.
arhringinn fyrir stærri viðskiptavini auk
ráðgjafar við skipulagningu tölvukerfa eða
við endurbætur á núverandi kerfum. Við
leggjum áherslu á allt sviðið frá einmenn-
ingstölvum til stórtölva sem henta
stærstu fyrirtækjum."
Þorvaldur sagði að nýlega hefðu verið
kynntar tvær nýjar grafískar vinnustöðv-
ar, HP 9000/705 og HP 9000/710. Þetta
væri viðbót við þær stöðvar sem kynntar
vom sl. sumar en þær vom valdar
„Product of the Year“ af Byte tímaritinu.
Samhliða þessu hefði verið kynnt ný út-
gáfa af HP-UX Unix stýrikerfinu.
„Áfram er hægt að telja upp: HP Open
View, sem gerir notandanum kleift að
fylgjast með ástandi tölvunetsins, diska-
fylki frá HP, þar sem lögð er ofuráhersla á
gagnaöryggi, og hina einstæðu HP 95LX
sem er fullbúin PC vél sem passar í brjóst-
vasann!,“ sagði Þorvaldur að lokum.
Eggert Claessen.
SAMRUNA ER EKKIL0KIÐ
- SEGIR EGGERT CLAESSEN HJÁ TÖLVUMIÐLUN HF.
„Það er enginn vafi á því að miklar
sviptingar eru framundan á íslensk-
um tölvumarkaði og að um frekari
samruna verði að ræða á næstunni.
Stofnun Nýherja hf. vera aðeins
byrjunin á því sem koma skal. Fyrir
utan vélbúnaðarfyrirtækin þá er
hugsanlegur samruni hugbúnaðar-
fyrirtækjanna ennþá óskrifað blað
og spennandi að fylgjast með fram-
vindu mála á þeim vettvangi,“ sagði
Eggert Claessen, hjá Tölvumiðlun
hf., í samtali við Frjálsa verslun.
Varðandi fjárfestingar í tölvubúnaði
taldi Eggert að þeim væri hvergi nærri
lokið. „Á þetta má h'ta með tvennum
hætti. Mér finnst að stjómendur fyrir-
tækja hafi lært mikið á þeim stutta tíma
sem tölvubyltingin hefur staðið yfir. Ef
talað er um offjárfestingu finnst mér frek-
ar að það hafi mistekist að nota tækin en
að það hafi verið óþarfi að fjárfesta í þeim.
Með breyttri tækni mun fjárfestingum
verða haldið áfram því þær snúast uin það
hvort íslensk fyrirtæki og íslenskt þjóðfé-
lag ætli að vera samkeppnisfær eða ekki.
Við megum ekki gleyma menntunargildinu
sem felst í aukinni tölvunotkun og þeirri
staðreynd að ef við ætlum að halda lífs-
kjömm okkar með öðrum hætti en erlend-
um lántökum, verðum við að auka útflutn-
ing á þekkingu. Tölvan gegnir þar afar
mikilvægu hlutverki."
Eggert Claessen minnti á nýjungar sem
fyrirtækið býður upp á. „Tölvumiðlun hf.
hefur undanfarin tvö ár verið að þróa afar
fullkomið launakerfi fyrir íslenskar að-
stæður. Launakerfi þetta hefur fengið
nafnið H-laun og kemur á almennan mark-
að í haust. Það er þegar í notkun hjá 26
sjúkrahúsum og 36 sveitarfélögum um
land ailt. Kerfið er þess vegna fullreynt og
notendur sammála um að hér sé stigið nýtt
framfaraskref í launavinnslu."
53