Frjáls verslun - 01.03.1992, Page 65

Aukin samvinna íslenskra fyrirtækja ætti að styrkja þau í samkeppninni út
á við.
lagsins mun leysa úr læðingi krafta
aukinnar samkeppni. Þetta á ekki
aðeins við um aukna samkeppni milli
fyrirtækja heldur ekki síður á milli
þjóða um bætt lífskjör þegnanna.
Starfsskilyrði íslenskra fyrirtækja
munu óhjákvæmilega breytast á
næstu misserum og tilkoma Evr-
ópska efnahagssvæðisins gerir meiri
kröfur um samkeppnishæfni en
nokkru sinni fyrr.“
Kristján Jóhannsson formaður
stjórnar verkefnisins Fyrirtækjanet
sagði í samtali við Frjálsa verslun að
ítalir væru ákaflega framarlega á
þessu sviði og hefði velgengni ítalskra
fyrirtækja í héraðinu Emilia Romagna
leitt til þess að margar vestrænar
þjóðir hefðu valið þessa aðferð til að
örva eigið atvinnulíf. Til dæmis hefðu
Danir mikla trú á þeirri aðferðarfræði
sem lægi til grundvallar fyrirtækja-
netum. Þeir hefðu hrundið af stað
mörgum slíkum verkefnum og eitt
þeirra snerist um að auka samstarf
fyrirtækja við útflutning og hefðu
stjórnvöld veitt sem svarar 900 millj-
ónum íslenskra króna til þessa. Þá
nefndi hann og danskt netverkefni um
samstarf nokkurra fyrirtækja í ferða-
þjónustu og annað er sneri að um-
hverfismálum. Kristján sagði að
verkefnið Fyrirtækjanet hér á landi
mætti rekja til komu Niels Chr. Niel-
sen, framkvæmdastjóra þróunar-
deildar dönsku Tæknistofnunarinnar,
en hann kynnti dönsku fyrirtækjanet-
in á Hótel Sögu árið 1989.
Kristján sagði að undirbúningi að
þátttöku fyrirtækja í verkefninu nú
mætti skipta í þrjá verkþætti. í fyrsta
þætti færi fram skilgreining sam-
starfshugmyndar og hagkvæmni-
athuganir. Á þessu stigi stæðu fjár-
mögnunaraðilar verkefnisins straum
af 75% kostnaðar. í verkþætti tvö
fælist samningsgerð og skipulagning
samstarfsins. Þar legðu fjármögnun-
araðilar til 50% af útlögðum kostnaði
við formlega samningsgerð og stofn-
un nýs fyrirtækis. í þriðja verkþætti,
sem fælist í að ýta verkefninu úr vör,
yrði framlag fjármögnunaraðila einnig
50%. Þar væri mest um að ræða
kynningarkostnað, ráðningu sameig-
inlegra starfsmanna o.fl.
í þessu verkefni geta tvö eða fleiri
fyrirtæki sótt sameiginlega um styrki
til verkefnisstjórnar til þess að standa
straum af kostnaði við athuganir og
standa að þeirri samningsgerð sem
nauðsynleg er til að koma á arðbæru
samstarfi í formi fyrirtækjaneta.
Nokkur skilyrði eru sett um aðstoð
og er sérstök grein gerð fyrir þeim í
bæklingi sem samtökin í Fyrirtækja-
neti hafa gefið út.
Þess má geta að þeir, sem fjár-
magna verkefnið Fyrirtækjanet, eru
Iðnlánasjóður, Iðnþróunarsjóður,
Byggðastofnun, Rannsóknaráð ríkis-
ins og SAMMENNT.
VERÐUM AÐ VINNA SAMAN
Magnús I. Óskarsson, forsvars-
maður fyrirtækjanna sex sem nú und-
irbúa stofnun PS matvæla, sagði á
kynningarfundi um verkefnið Fyrir-
tækjanet að hann sjálfur hefði ekki
áttað sig á því að PS matvæli væru
slíkt net fyrr en hann komst í kynni
við verkefnið sjálft. í ljós hefði komið
að undirbúningsaðilar beittu svipaðri
aðferðafræði og þar tíðkaðist.
„Okkar fyrsta verk var að gera ít-
arlega viðskiptaáætlun sem svo var
endurskoðuð reglulega. Á því stigi
könnuðum við þann markað sem við
stefndum á og komumst að þeirri nið-
urstöðu að framleiðsla og sala á mat í
almenn farrými og viðskiptafarrými
flugvéla væri keppikeflið. Eftir að
hafa hugað að tilgangi fyrirtækisins og
uppbyggingu þess var gerð markaðs-
áætlun. Á því stigi var ítarlega farið
yfir þætti eins og markaðsstefnu,
staðsetningu á markaði, vörumerki,
verðlagningu, söluaðferðir, auglýs-
ingar og kynningarstarfsemi. Vöru-
merkið „Pure Source“ var valið
vegna þess að það höfðar til hrein-
leika þess umhverfis sem hráefnið
kemur úr.“
Magnús sagði að næstu vikur
skæru úr um það hvort eignaraðilar
PS matvæla teldu sig geta hafið mark-
aðssókn fyrir alvöru. Þátttaka á al-
þjóðlegri sýningu í Berlín væri á
næstu grösum og að henni lokinni
kæmi í ljós hvort pantanir frá flugfé-
lögum verði nægar til að byggja starf-
semi fyrirtækisins á til frambúðar.
„Það má segja að til þess að svona
samvinna eins og við hyggjum á í PS
matvælum gangi verði þátttakendur
að vinna saman með gæði að leiðar-
ljósi. Skilyrði þess að dæmið gangi
upp eru m.a. þau að vörugæðin séu
alltaf þau sömu, að afhending vörunn-
ar standist fullkomlega, að fyrirtækið
hafi getu til að takast á við sveiflur í
eftirspurn og að sífelld vöruþróun sé í
gangi með það fyrir augum að bæta
framleiðsluna og auka fjölbreytni
hennar,“ sagði Magnús I. Óskarsson
hjá PS matvælum eða „Pure Source"
að lokum.
65