Helgarpósturinn - 28.11.1994, Page 4

4
MORGUNPOSTURINN FRÉTTIR
MÁNUDAGUR 28. NÓVEMBER 1994
Rússnesk kosning í öll embætti í aðalstjórn Framsóknarflokksins á flokksþingi í gær
Kristín Á. Guðmundsdóttir
„Ekki er Ijóst hvort hjálpsamur
einstaklingur eða óprúttinn aðili
bjóði öldruðum þessa þjónustu."
Kristín Á. Guð-
mundsdóttir,
formaður Sjúkra-
liðafélagsins
Bottinn
er hjá
rfltinu
Samninganefnd ríkisins hafnaði
launakröfum sjúkraliða á fundi
sáttasemjara í gær. Ekki hefur þó
slitnað upp úr samningaviðræðum
en næsti fundur er boðaður klukk-
an 9.30 í dag.
Kristín Á. Guðmundsdóttir,
formaður Sjúkraliðafélagsins, segir
ríkið ekki hafa nægan samnings-
vilja. „Við fórum fram á 5.500
króna fastar greiðslur upp allan
launastigann. Það er um níu pró-
senta hækkun á lægstu launin. Fólk
raðast mismunandi í launaílokka
og samninganefndin vill meina að
ef allt er tekið saman þá þýði þetta
um 20 prósenta launahækkun. Þeir
telja að við förum fram á of mikið,
en ég veit ekki á hvaða forsendum
þeir vilja halda áfram samninga-
fundum. Það skýrist vonandi á
morgun. Boltinn er því hjá þeim.
Við getum ekki endalaust komið
fram með skýrari kröfur án þess að
þeir leggi neitt á borðið,“ segir
Kristín í samtali við MORGUNP-
ÓSTINN.
I fréttum hefur komið fram að
einkaaðili, rúmlega tvítugur piltur,
bjóði þjónustu fyrir aldraða. „Við
lítum þetta verkfallsbrot mjög al-
varlegum augum. Mun alvarlegra
er þó að ekki er ljóst hvort um sé að
ræða hjálpsaman einstakling eða
óprúttinn aðila. Ég álít að heil-
brigðisráðherra og landlæknir verði
að skoða þetta mál nánar," segir
Kristín.
-HM
Halldór fékk 97,1 prósenft
atkvæða í formanns
Það var ekki ýkja mikil spenna í
loftinu á flokksþingi Framsóknar-
manna þegar kosið var um fjórar
æðstu stöðurnar innan flokksins.
Halldór Ásgrímsson hlaut 97,1
prósent allra greiddra atkvæða í
formannskjörinu, eða 467 atkvæði
af 481. Á tímabili leit reyndar út fyr-
ir að nokkur spenna gæti myndast
við kosningu varaformanns, þar
sem Ingibjörg Pálmadóttir íhug-
aði að fara fram á móti Guðmundi
Bjarnasyni. Á endanum ákvað
Ingibjörg þó að láta Guðmundi
varaformannsembættið eftir bar-
áttulaust og hlaut Guðmundur tæp
84 prósent greiddra atkvæða í kjöri
til þess embættis. Ingibjörg fékk
samt rúmlega 12 prósent atkvæð-
anna, þrátt fyrir að hafa lýst yfir
stuðningi sínum við Guðmund.
Töluvert var þrýst á Ingibjörgu um
að bjóða sig fram í varaformanns-
embættið, en hún hætti ekki á að
stefna einingu flokksmanna í voða
og lét sér því nægja ritarastöðuna.
Hún fékk örugga kosningu í það
embætti, 81,3 prósent greiddra at-
kvæða. Unnur Stefánsdóttir var
kjörin gjaldkeri, en hún hyggur á
framboð á Reykjanesi í vor.
Mikið fjölmenni var á þinginu og
var mikil áhersla lögð á þann ein-
hug þinggesta, sem fram kom í
kosningunum. Þó mun nokkurrar
óánægju gæta meðal Framsóknar-
kvenna, sem vildu sjá Ingibjörgu í
Ný aðalstjórn Framsóknarflokksins, frá vinstri: Unnur Stefánsdóttir, gjaldkeri, Ingibjörg Pálmadóttir ritari,
Guðmundur Bjarnason varaformaður og Halldór Ásgrímsson formaður.
embætti varaformannsins. Fannst
þeim hlutur kvenna á þessu þingi
nokkuð rýr, þrátt fyrir að þær Ingi-
björg og Unnur myndi helming að-
alstjórnarinnar og að fimm af níu
fulltrúum í miðstjórn flokksins séu
konur. Halldór vék að þessu atriði í
lokaræðu sinni á þinginu, og vísaði
öllum fullyrðingum um kvenfjand-
semi Framsóknarmanna á bug.
Ásta Ragnheiður ekki
á staðnum
Það vakti rnikla athygli, að á
sama tíma og Ásta Ragnheiður
Jóhannesdóttir hlaut góða kosn-
ingu í miðstjórn Framsóknar-
flokksins, sat hún á kynningarfundi
Þjóðvakans, hinnar nýju stjórn-
málahreyfingar Jóhönnu Sigurð-
ardóttur. Einungis þrír hlutu fleiri
atkvæði en hún í kosningunum til
miðstjórnar flokksins, þau Siv
Friðleifsdóttir, Haukur Halldórs-
son og Drífa Sigfúsdóttir. Eins og
fram kemur annars staðar hér í
blaðinu, hefur Ásta Ragnheiður þó
enn ekki sagt endanlega skilið við
Framsóknarflokkinn.
I stjórnmálaályktun þingsins var
aðaláhersla lögð á atvinnumál.
Framsóknarflokkurinn vill auka
fjárfestingar í atvinnulífinu og er í
ályktuninni meðal annars mælst til
þess að lífeyrissjóðirnir leggi allt að
10 prósentum af ráðstöfunarfé sínu
sem áhættufé í atvinnulífið. Einnig
er lagt til, að Byggðastofnun verði
breytt í atvinnuþróunarstofnun og
að ríkissjóður leggi að minnsta
kosti einn milljarð króna á ári til at-
vinnuþróunar. Með þessu móti
onnu
telja Framsóknarmenn unnt að
auka hagvöxt hér á landi um 2,5-3
prósent á ári.
Þá segir í ályktuninni, að ekki
megi auka útgjöld ríkissjóðs á
næstu árum frá því sem nú er, en
breyta forgangsröðun verkefna
þannig að meira fé verði varið til
atvinnuskapandi verkefna. Þá skuli
einnig stefnt að því að gera fjárlög
til fjögurra ára í senn. Skuldastaða
heimilanna er einnig gerð að um-
talsefni í ályktuninni og farið fram
á að ríkisvaldið hafi forystu um
gerð kjarasamninga. Að lokum
hafnar Framsóknarflokkurinn al-
farið aðild íslands að Evrópusam-
bandinu.
-æöj
Ingibjörg Pálmadóttir og Unnur Stefánsdóttir takast í hendur að loknum kosningum, ánægðar með sinn
hlut.
■ Rokna gróði af Kvennalistanum ■ Kraftakarlar kneyfa ölfyrir keppni
Diskótekari fellir Björk ■ Vopnaeigandi á Eystra-Núpi en sómafólk á Vestra-Núpi
að kom Kvennalis
takonum þægi-
lega á óvart þeg-
ar í ljós kom að
rekstur listans
er ákaflega
gróðavæn-
legt fyrir-
tæki. Á
starfsár-
inu frá
1. októb-
er 1993 til loka september síðastliðins
voru tekjur umfram göld rúmar fjór-
ar milljónir króna. Tekjurnar námu
rúmum þrettán milljónum en gjöld-
in tæpum níu þegar allt er talið. Það
sjónarmið var á lofti á landsfundin-
um að hinar hagsýnu húsmæður
hefðu jafnvel haldið of fast um
budduna og nær væri að verja meira
fé til kynningarstarfa. Þær hagsýn-
ustu bentu hins veg-
ar á að varasjóður-
inn kæmisérvelí
kosningabarátt-
unni framundan...
ICraftakarlarnir,
sem tóku þátt í mót-
inu Sterkasti maður
jarðar í Reykjavík um
helgina, vöktu nokkra athygli gesta
veitingahússins Pizza ‘67 á laugar-
dagskvöldið. Ekki endilega fyrir
tröllslcga burði eða mikið át. Fremur
fyrir það hversu afslappaðir þeir
virtust. Það er nefhilega ekki algengt
að sjá íþróttamenn sötra bjór kvöld-
ið fýrir keppni, sem þeir leyfðu sér
þó feimnislaust. Það skal þó tekið
fram að alls ekki var að sjá að þeir
væru drukknir...
Stórstjörnur létu
mikið á sér bera í
Berlin eftir af-
hendingu MTV-
tónlistarverð-
launanna, segir í
nýlegri frétt
norska dagblaðsins
VG. Þar segir sögum af
Biörk okkar, ásamt
vinkonu sinni, Naomi
Campell fyrirsætu. Björk hélt upp á
afmæli sitt þetta kvöld á diskóteki
Hilton-hótelsins. Þær stöllur voru
ósáttar við lagaval dikótekarans svo
Björk ákvað að gerast diskótekari í
hans stað. Kunningi diskótekarans
varð hins vegar leiður á frekjunni í
stjörnunum svo hann stjakaði við
Björk með þeim aflciðingum að hún
féll kylliflöt í gólfið. f fréttinni er tek-
ið ffam að Björk hafi vcrið lítið sofin
g þvi hafi ekki þurft meira
tU aðfellahana...
I frétt blaðsins á
fimmtudaginn var fjallað
um þegar fíkniefnalögregl-
an gerði töluvert vopnasafn
upptækt hjá Herði Gunnari Ingólfs-
SYNI, betur þekktum undir nafninu
Höddi feiti. Hann hefur í rúmt ár
haft á leigu býlið Eystri-Núp í Hvols-
hreppi, í nágrenni HvolsvaÚar. í
greininni var sagt að hann byggi á
býlinu Núpi. Hið rétta er að bæimir
eru tveir. Hörður hefur haft hjallann
að Eystra-Núpi á leigu en á Vestra-
Núpi býr mikið sómafólk. Það hefur
orðið fýrir nokkrum óþægindum og
upphringingum og er þvi rétt að
biðjast velvirðingar á að ekki var
greint á milli bæjanna tveggja...
Ágættað
taka ekki
of stór
skref
segir Ingibjörg Pálmadóttir sem gaf ekki
kost á sér í varaformannsembættið þrátt
fyrirmikinn þrýsting en varkjörinn ritari.
„Ég veit út á hvað þetta starf
gengur og það leggst ekkert illa í
mig,“ sagði Ingibjörg Pálmadóttir,
nýkjörinn ritari Framsóknarflokks-
ins. „Ritari er tengiliður stjórnar-
innar við flokksstarfið í landinu og
þetta er mikil vinna.“ Ingibjörg
sagði vissulega hafa verið þrýst á sig
um að bjóða sig fram í varafor-
mannsembættið, og það jafnt af
körlum sem konum. „Ég væri ekki
sannsögul, ef ég segði að þessi þrýst-
ingur um að gefa kost á mér, sem ég
varð fýrir hér, hafi ekki kitlað mig.
Það var töluvert stór hópur sem
Halldór Ásgrímsson
Stór
skref
íjafh-
rettisátt
Halldór Ásgrímsson kvaðst
mjög ánægður með þingið og hina
nýju aðalstjóm. „Ég held að þetta sé
fjölmennasta flokksþing sem ég hef
setið síðan ég gekk til liðs við Fram-
þrýsti á mig og ég tel mig hafa haft
möguleika á að ná kjöri sem vara-
formaður. Annars hefði ég ekki
íhugað það. En mér fannst þetta
skynsamlegast í stöðunni. Mér
finnst mikið atriði að flokkurinn
komi heill út úr þessu glæsilega
þingi og að það ríki sátt hér þegar
menn ganga út. Ég mat því stöðuna
þannig, að þetta væri skynsamlegast
núna. Enda get ég líka haft áhrif á
stjórn Framsóknarflokksins sem rit-
ari. Það kemur líka dagur eftir
þennan dag og það er ágætt að taka
ekki of stór skref í einu.“ ■
Unnur Stefánsdóttir
Bætir ímynd
flokksins
„Ég er mjög ánægð með þessa
niðurstöðu,“ sagði Unnur Stef-
ánsdóttir nýkjörinn gjaldkeri
Framsóknarflokksins, en hún
stefnir einnig á annað sæti fram-
boðslista flokksins í Reykjanes-
kjördæmi. „Nú er helmingur
þessarar svokölluðu aðalstjórnar
konur. Við vorum að taía um
það stöllurnar hér áðan að fýrir
átta árum síðan vorum við ein-
mitt að ræða hvort við ættum
eftir að lifa það að konur væru
helmingur stjórnar Framsóknar-
flokksins. En nú hefur það
gerst.“ ■
sóknarflokkinn. Hér ríkir mikill ein-
hugur og þingið allt mun glæsilegra
en ég hafði nokkum tímann gert
mér vonir um.“
Halldór segist bjartsýnn á að nið-
urstöður þingsins bæti stöðu flokks-
ins í skoðanakönnunum og kom-
andi kosningum. „Síðasta könnun
Gallup var okkur hagstæðari en sú
næsta á undan og ég hef á tilfinning-
unni að við eigum eftir að bæta okk-
ar hlut á næstunni."
Halldór sagði enga ástæðu fýrir
Framsóknarkonur að vera óánægðar
með hlut Ingibjargar í kjörinu. „Rit-
arastarfið er ekki síður mikilvægt en
varaformannsstarfið. Sem dæmi má
nefna að bæði Eysteirtn Jónsson
og Steingrímur Hermannsson
vom lengi ritarar áður en þeir urðu
formenn. Mér hefur því fundist að
það hafi verið gert of lítið úr stöðu
ritarans í þessari umræðu. Það voru
íjórir karlmenn í þessari æðstu stjóm
flokksins, en núna em þar tvær kon-
ur og tveir karlar, og tvær konur sem
varamenn. Hér hafa því verið stigin
stór skref í jafnréttisátt.“ ■