Helgarpósturinn - 26.09.1996, Blaðsíða 4

4
FIMMTUDAGUR 26. SEPTEMBER1996
\
Mikill titringur hefur veriö meðal yfirmanna Stöövar 2 undanfarna mánuöi vegna heimildaþáttagerðar
Sigursteins Mássonar um Geirfinnsmálið - meö þeim afleiðingum að honum hefur nú verið sagt upp störfum.
Elín Hirst, fréttastjóri stöðvarinnar, taldi hann ekki geta sinnt starfi sínu af nægu kappi. Þessu vísar Sigursteinn
alfarið á bug og telur að maðkur sé í mysunni...
„Þáttur Elínar Hirst
einkennilegur“
Það var engin skýring eða
fyrirvari gefinn á brott-
rekstrinum í uppsagnarbréfi.
Ég veit hins vegar að forsvars-
mönnum fyrirtækisins mislík-
aði greinilega að ég samdi við
RÚV en ekki þá um gerð
tveggja heimildaþátta sem ég
var að vinna að um Geirfinns-
málið. Menn verða síðan að
ráða í það hvort uppsögnin
hafi verið ákvörðun Elínar
Hirst fréttastjóra eða ein-
hverra annarra í fyrirtækinu,“
sagði Sigursteinn Másson
fréttamaður í samtali við HP.
Honum var sagt upp störfum á
fréttastofu stöðvarinnar síð-
astliðinn þriðjudag.
Eins og komið hefur fram í
fjölmiðlum hefur Sigursteinn
Másson, fréttamaður á Stöð 2
til margra ára, unnið að gerð
tveggja þátta heimildamyndar
um svonefnt Geirfinns- og
Guðmundarmál; sakamál sem
vakti gríðarlega athygli á átt-
unda áratugnum og mikill styr
hefur staðið um æ síðan. Sigur-
steinn hóf undirbúning að gerð
myndarinnar síðastliðinn vet-
ur og hefur verið í launalausu
leyfi undanfarna mánuði við
undirbúning hennar, en hann
kemur ekki fram í þáttunum
sjálfur.
Við upphaf verksins leitaði
hann til dagskrárstjóra Stöðv-
ar 2, Páls Baldvins Baldvins-
sonar, um styrk. Þann stuðn-
ing hlaut Sigursteinn ekki en
Páll taldi sig vanhæfan um að
taka ákvörðun um málið vegna
þess að hann er tengdasonur
Hallvarðs Einvarðssonar rík-
issaksóknara, sem kom mjög
við sögu Geirfinnsmálsins á
sínum tíma. Engu að síður var
áhugi innan fyrirtækisins á
verkefninu og átti það að koma
í hlut manna eins og Magnúsar
Kristjánssonar markaðsstjóra
að ná samningum af hálfu Fjöl-
miðlunar hf., en fyrirtækið rek-
ur útvarpsstöðina Bylgjuna og
sjónvarpsstöðvarnar tvær,
Sýn og Stöð 2.
Páll Baldvin gat ekki
samið vegna tengsla
við Hallvarð
Einvarðsson
Á vormánuðum fékk Sigur-
steinn fjármagn hjá Menning-
arsjóði íslenskra útvarps-
stöðva, eina milijón króna, til
að ljúka gerð heimildamyndar-
innar. Sigursteinn, sem hafði
að öðru leyti unnið að gerð
þáttanna af eigin rammleik,
taldi sig ekki skuldbundinn
Stöð 2 og leitaði eftir tilboðum
frá báðum sjónvarpsstöðvun-
um. Samkvæmt heimildum
blaðsins var hins vegar ekki
vilji af hálfu Páls Baldvins til að
sýna þættina á Stöð 2 og vildu
forsvarsmenn fyrirtækisins
þess í stað sýna þá á sjón-
varpsstöðinni Sýn. Slíkt kom
hins vegar aldrei til greina af
hálfu Sigursteins, sem vildi að
þættirnir yrðu frumsýndir ann-
aðhvort á RÚV eða á Stöð 2. Af
þeim sökum sigldu samninga-
viðræður forsvarsmanna
Stöðvar 2 og Sigursteins fljót-
lega í strand. Hann náði aftur á
móti samningum við RÚV, sem
tók að sér meðframleiðslu á
þáttunum.
Að sögn Sigursteins ríkti al-
menn óánægja með samnings-
slitin meðal ýmissa forsvars-
manna fyrirtækisins, sem
héldu því fram að hann hefði
haldið samningum sínum við
RÚV leyndum. „Að lokum var
svo komið að ég fór fram á
fund með Jóni Olafssyni síð-
astliðinn mánudag. Á fundin-
um bar Jón það upp á mig —
og hafði það eftir Magnúsi og
Hreggviði — að ég hefði hald-
ið samningaviðræðum mínum
við RÚV leyndum. Fyrst svo
var komið sá ég ekki annan
kost í stöðunni en að kalla þá
Magnús og Hreggvið inn á
fundinn. Þessi fundur stóð í
um klukkutíma og urðu þar
nokkuð snarpar umræður en
lauk að því er virtist í bróð-
erni.“
Daginn eftir, þegar Sigur-
steinn kom til vinnu, fór hann
á fund Elínar Hirst sem afhenti
honum uppsagnarbréf án frek-
ari skýringa að hans sögn. „Á
þeim fundi játaði Elín hins veg-
ar fyrir mér að forsvarsmenn
fyrirtækisins hefðu verið
óánægðir með að ég væri í við-
ræðum við RÚV og þjónaði
þarafleiðandi tveimur herrum.
Þessir svokölluðu forsvars-
menn fyrirtækisins hafa greini-
lega talað tungum tveim í
þessu máli, því á sama tíma
vændu þeir mig um óheilindi í
samningaviðræðunum. Þá
finnst mér þáttur Elínar ein-
kennilegur, því hún hafði fram
til þessa stutt mig í þessu máli
og ekki gert neinar athuga-
semdir við störf mín. Ég vil þó
taka fram að ég ber engan kala
til hennar þrátt fyrir það sem á
undan er gengið.“
Sigursteinn segist hafa við-
haft fullkomna hreinskilni
gagnvart forsvarsmönnum
beggja sjónvarpsstöðvanna og
hann hafi alðrei leynt neinum
viðræðum. Þá hafi hann, um
leið og samningar náðust við
RÚV um meðframleiðslu á
þáttunum, lagt fram bréf til for-
svarsmanna Fjölmiðlunar hf.
þar sem hann lýsti ástæðum
þess að samningum var slitið.
Ég get ekki séð aðra ástæðu
fyrir uppsögninni en þá að for-
svarsmönnum fyrirtækisins
líkaði ekki að ég ynni fyrir
RÚV. Þess eru fjölmörg dæmi
að fréttamenn starfi að ein-
stökum verkefnum bæði á eig-
in vegum eða á öðrum fjölmiðl-
um. Það var heldur ekkert sem
bannaði mér það samkvæmt
starfssamningi að vinna að af-
mörkuðum verkefnum fyrir
annan miðil.“
Aðspurður hvað tæki við
sagði Sigursteinn að hann
mundi halda sínu striki og
klára gerð heimildaþáttanna
tveggja með þeim hætti að
hann og aðrir sem að verkinu
stæðu gætu verið stoltir af. „í
bili hugsa ég ekki lengra en
það,“ sagði Sigursteinn Más-
son.
Blaðið reyndi að ná tali af
Magnúsi Kristjánssyni dag-
skrárstjóra, en hann vildi ekki
tjá sig neitt um málið.
Elín Hirst jafn
valdamikil og
Valtýr Björn!
Fyrir skömmu voru gerðar
skipulagsbreytingar innan
Stöðvarinnar þar sem frétta-
stofa og íþróttadeild voru
færðar undir dagskrárstjórann
Pál Baldvin. Samkvæmt heim-
ildum blaðsins gætir talsverðr-
ar óánægju meðal starfsmanna
með breytingarnar, sem þeir
telja að hafi fært fréttastofuna
neðar í valdapýramída fyrir-
tækisins svo Elín Hirst frétta-
stjóri sé nú ekki valdameiri en
Valtýr Björn Valtýsson, yfir-
maður íþróttadeildar. Heim-
ildamaður blaðsins sagði að
Sigursteinn nyti stuðnings
fréttamanna, en mál þetta væri
enn eitt dæmið um afstöðu for-
svarsmanna fyrirtækisins til
þeirra. Starfsfólk lifði í ótta um
starfsöryggi sitt og þrátt fyrir
fögur orð forsvarsmanna um
að starfsfólkið væri það mikil-
vægasta í fyrirtækinu hafði
annað komið á daginn.
-gþ
Elín: „Það er alltaf mjög erfitt og sárt að segja upp starfsfólki."
,/Jgjörlega mín ákvörðun“
„Sigursteinn bað um fund með mér á
þriðjudaginn, þar sem ég afhenti honum
uppsagnarbréfið. Ég hafði reyndar hugsað
mér að tilkynna honum þessi tíðindi í lok
mánaðarins, þegar hann kæmi aftur úr
launalausu leyfi, en vildi ekki draga málið á
langinn. Uppsögn Sigursteins er algjörlega
mín ákvörðun þrátt fyrir að það hafi verið
reynt að setja málið í annað samhengi. Með-
al annars hefur verið talað um að uppsögn-
in sé til komin vegna samstarfs hans við
RÚV. Slíku fer fjarri. Starf fréttamanns krefst
einfaldlega mikillar atorku og ég gat hrein-
lega ekki látið Sigurstein sinna því um leið
og þetta stóra verkefni hans átti hug hans
allan..Ég gat þarafleiðandi ekki látið annað
starfsfólk bæta við sig verkefnum á meðan.“
Elín sagði að
hún hefði í sumar-
byrjun boðað Sig-
urstein á sinn
fund vegna þess
að henni fannst
hann áhugalaus og frumkvæðislaus í starfi.
„Ég taldi þá að sennilega væri hann einfald-
lega upptekinn af þessu verkefni, en þá var
það á byrjunarstigi. Og nú, þegar það er
komið á fullt, má fastlega búast við að hann
geti ekki sinnt starfi sínu á fréttastofunni
sem skyldi. Það er alltaf mjög erfitt og sárt
að segja upp starfsfólki, ekki síst þegar sam-
starfsmaður til margra ára á í hlut,“ sagði
Elín Hirst, fréttastjóri Stöðvar 2.