Helgarpósturinn - 23.04.1997, Blaðsíða 2
2
MIÐVIKUDAGUR 23. APRÍL1997
tm
Jón Baldvin verdur geiKHien'n í Washington
Davíð og Halldór losa sig við fimasta keppinautinn
Jón Baldvin Hannibalsson,
alþingismaður og fv. utan-
ríkisráðherra, hættir í haust
sem þingmaður Alþýðuflokks-
ins og verður skipaður sendi-
herra íslands í Bandaríkjunum.
Helgarpósturinn hefur traustar
heimildir fyrir þessari frétt í
ríkisstjórn íslands. í fyrstu
stóð ekki til að Jón Baldvin
færi til Washington, en hann
mun ekki hafa léð máls á öðru
en að gegna sendiherraemb-
ætti í Bandaríkjunum. Þá hefur
HP heimildir um að erlendur
þjóðarleiðtogi hafi staðfest á
ráðstefnu erlendis að Jón Bald-
vin færi vestur til Washington.
Það fylgdi sögunni að hann
hefði heimildir fyrir þessari
frétt á æðstu stöðum á Islandi.
Lausafregnir hafa verið á
kreiki um langa hríð þess efnis
að í haust taki Jón Baldvin við
embætti sendiherra íslands í
Bandaríkjunum. Enn neita þar
til bærir menn að staðfesta
þessa fregn opinberlega, en
ónafngreindir heimildamenn
Helgarpðstsins segja það full-
víst að Halldór Ásgrímsson ut-
anríkisráðherra skipi fv. for-
mann Alþýðuflokksins sendi-
herra íslands í Washington.
Leiðtogar stjórnarflokkanna,
Davíð Oddsson og Halldór Ás-
grímsson, tóku þessa ákvörð-
un í sameiningu og eru sagðir
telja þessa ráðstöfun hyggi-
lega á ýmsa lund.
Einar Benediktsson sendi-
herra í Washington er vænt-
anlegur heim í sumar og fljót-
lega upp úr því er búist við að
Jón Baldvin fari vestur.
Meginástæða þess að ekki
hefur verið greint formlega frá
þessu mun helgast annars veg-
ar af þeim afleiðingum sem
brotthvarf Jóns Baldvins mun
hafa í Alþýðuflokknum og hins
vegar þarf utanríkisráðherra
að afla ákvörðun sinni skiln-
ings innan utanríkisráðuneyt-
isins, en þar mun vera nokkur
órói vegna þessa máls og ann-
arra.
Akkur að Jóni Baldvini í
utanríkisþjónustunni
Það var alsiða, einkum fyrr á
árum, að verðlauna gamla
stjórnmálamenn með því að
skipa þá sendiherra, en síð-
ustu ár er ekki nema eitt dæmi
eða tvö um slíkt. Þá var verið
að leysa pólitískt vandamál.
Rökin fyrir skipan Jóns Bald-
vins Hannibalssonar í fiagg-
embætti utanríkisþjónustunn-
Alþýðufiokkurínn mun sakna Jóns
Baldvins Hannibalssonar þegar
hann hættir á þingi og verður
sendiherra.
ar á erlendri grund eru önnur.
Þau eru sögð eiga rætur í þeim
sið sem Jón Baldvin var frum-
kvöðull að í tíð sinni sem utan-
ríkisráðherra. Hann fólst í því
að setja hæfileikamenn í sendi-
herraembætti án þess að þeir
hefðu gengið hina hefðbundnu
skyldubraut embættaflakks
ævidiplómata eða heyrðu til
svokölluðum „réttum“ flokk-
um.
Halldór Ásgrímsson álítur
það geta orðið styrk fyrir ís-
land að skipa Jón Baldvin,
mann sem gegnt hafi embætti
utanríkisráðherra með sóma
og þannig að eftir honum var
tekið á erlendri grund.
Á hinn bóginn er einnig rætt
um að framsóknarmenn, en
einkum þó sjálfstæðismenn,
sjái sér akk í þessum ráðahag,
þar sem stjórnarflokkarnir
báðir vængstýfi með þessu
fimasta fjandmann sinn í pólit-
íkinni.
Ekki er fráleitt að draga þá
ályktun eftir samtöl HP við all-
marga krata að kratar viti
minna um væntanlega þróun
mála en forystumenn stjórnar-
flokkanna. Allir höfðu þeir
heyrt frásögur af sendiherra-
tign Jóns Baldvins, en meira
kváðust fæstir vita. Þó er öll-
um þingmönnum krata og fleiri
valdamönnum í flokknum ljóst
að Jón Baldvin hverfur af þingi
í haust. Jón Baldvin hefur gert
félögum sínum í flokknum það
ljóst. Við tekur Ásta B. Þor-
steinsdóttir varaþingmaður.
Hvernig sem mál veltast eru
það alþýðuflokksmenn sem
hafa mestar áhyggjur af brott-
hvarfi Jóns Baldvins. Þar ræð-
ur mestu pólitísk snerpa og
innsæi gamla formannsins, að
mati viðmælenda HP í Alþýðu-
flokknum og utan, sem segja
að í þingflokki krata sé enginn
þingmaður eða þingkona sem
komist með tærnar þar sem
Jón Baldvin er með hælana.
Kratar sjá eftír Jóni —
bjargaði flokksstjórn frá
hneyksli!
Á liðnum vetri hefur Jón
Baldvin Hannibalsson ekki haft
sig sérlega í frammi og sinnt
ýmsum áhugamálum sínum,
s.s. sjónvarpsþáttagerð fyrir
Stöð 2. Þó hafa verið undan-
tekningar frá því, t.d. vegna
frumvarps ríkisstjórnarinnar
um lífeyrissjóðina. Forsagan
að sérstökum afskiptum Jóns
Baldvins er ekki beinlínis upp-
örvandi fyrir Sighvat Björg-
vinsson, nýjan formann flokks-
ins.
Eigi fyrir alls löngu var hald-
inn flokksstjórnarfundur, þar
sem Magnús Norðdahl, for-
maður flokksstjórnar, gerði
grein fyrir frumvarpinu og
skýrði. Sem þingmaður var Jón
Baldvin búinn að lesa þennan
texta og þóttist heyra falskan
tón í málflutningi Magnúsar.
Fór hann í pontu og leiðrétti
málflutninginn í bak og fyrir. Á
fundinum kom að því að
flokksstjórnarformaðurinn við-
urkenndi að hann hefði ekki
haft tíma til að lesa frumvarpið
nægilega vel áður en hann kom
á fundinn!
Áður en Jón Baldvin bað um
orðið hafði enginn óskað eftir
því að gera athugasemdir og
segja menn sem sátu fundinn
að þetta mál hefði sloppið í
gegnum flokksstjórn án at-
hugasemdar um brotthvarf frá
samtryggingu þjóðarinnar í átt
að mesta fjármagnstilflutningi
frá fátækum til ríkra, sem um
gæti í sögu þjóðarinnar!
Við eðlilegar kringumstæður
fengi svona formaður fiokks-
stjórnar, næstæðsti embættis-
maður flokksins, að fjúka í
hvelli — að minnsta kosti að
fjúka.
„í ljósi þessa má segja að Jón
Baldvin sé ómissandi fyrir Al-
þýðuflokkinn, þótt nóg sé af
hæfileikafólki í flokknum,"
sagði stólpakrati við Helgar-
póstinn.
Jón Ólafsson
kærir
til
Sam-
keppnis1
stofaunar
Jón Ólafsson, stjórnarformaður Stöðvar 2, kærír til Samkeppn-
isstofnunar texta í dreifibréfi HP þar sem ítök Jóns í fjölmiðl-
um eru gerð að umtalsefni.
Stjórnarformaður Stöðvar
2, Jón Ólafsson, hefur
kært Helgarpóstinn til Sam-
keppnisstofnunar vegna
dreifibréfs HP þar sem ítök
Jóns í fjölmiðlum landsins
koma við sögu.
í dreifibréfi HP er m.a. fjall-
að um valdasamþjöppun á
fjölmiðlamarkaði og hvaða
áhrif hún hefur á fréttaflutn-
ing. „í haust sögðu fjölmiðlar
frá uppsögn Elínar Hirst,
fréttastjóra Stöðvar 2, en HP
fór dýpra og sagði frá því sem
fram fór á bakvið tjöldin.
Núna þegar Jón Ólafsson,
stjórnarformaður Stöðvar 2,
er kominn með ítök í flestum
fjölmiðlum landsins er ekki
við því að búast að kafað
verði í máiefni fjölmiðlarisans
standi HP ekki vaktina," segir
í dreifibréfinu.
Sigurður G. Guðjónsson,
stjórnarmaður Stöðvar 2 og
lögfræðingur, kærir seinni
setninguna í tilvitnuninni í
bréfi til Samkeppnisstofnunar
fyrir hönd Jóns Ólafssonar.
„ Jón Ólafsson telur að með
tilvitnuðum orðum sé það
fullyrt að hann stýri því í
krafti eignahlutar sín [sic] í
Fjölmiðlun hf. hvað birtist í
fréttum þeirra miðla, sem
Fjölmiðlun hf. á og rekur eða
á hlutdeild í,“ skrifar Sigurður
og vitnar til tveggja greina í
samkeppnislögum er taka til
góðra viðskiptahátta og ófull-
nægjandi eða villandi upplýs-
inga í auglýsingum.
Jón Ólafsson hefur viður-
kennt að hafa skipt sér af
fréttaflutningi Stöðvar 2. í eft-
irmálum af uppsögn Elínar
Hirst á Stöð 2 sendi Jón frá
sér yfirlýsingu þar sem hann
kvaðst hafa sagt við Elínu að
frétt um meint vanhæfi Pét-
urs Kr. Hafstein hefði verið
„tilefnislaus, ósmekkleg og út
í hött“.
Elín sagði aðra sögu af við-
skiptum þeirra. „Þann fyrsta
október síðastliðinn [1996]
sagði Jón Ólafsson orðrétt
við mig þegar ég innti hann
eftir ástæðum þess að hann
vildi skipta um fréttastjóra;
að honum líkaði ekki minn
stíll sem fréttastjóri, þar sem
ég hugsaði ekki nóg um hags-
muni fyrirtækisins. Hann
nefndi dæmi um tvær fréttir
sem hefðu kostað Stöð 2 tugi
milljóna króna í auglýsinga-
tekjur...“ sagði í yfirlýsingu
Elínar.
Sameignars j óð-
irmeð hærri
áiiöxtunen
séreignasjóðir
Lífeyrissjóðir verkalýðsfé-
laganna, SAL-sjóðirnir, skil-
uðu hærri ávöxtun en sér-
eignasjóðirnir, samkvæmt
skýrslu bankaeftirlits Seðla-
bankans.
Lífeyrissjóðir verkalýðs-
hreyfingarinnar eru sameign-
arsjóðir með skylduaðild en
séreignasjóðirnir auglýsa sína
þjónustu á markaði. Ávöxtun
lífeyrissjóðanna hefur áhrif á
greiðslugetu þeirra. Meðal
þeirra sjónarmiða sem komið
hafa fram í umræðunni um
breytingar á lögum um lífeyris-
sjóði er að aukin samkeppni
þeirra á milli sé sjóðsfélögum
til hagsbóta.
í skýrslu bankaeftirlits Seðla-
bankans um starfsemi lífeyris-
sjóða fyrir árið 1995 kemur
fram að SAL-sjóðirnir skiluðu
6,95 prósentum í hreinni raun-
ávöxtun en séreignasjóðirnir
6,43 prósentum. SAL-sjóðirnir
eru 24 en séreignasjóðirnir 12.
Séu allir sameignarsjóðir taldir
saman er hrein raunávöxtun
þeirra ívið betri en séreigna-
sjóðanna eða 6,58 prósent.
.ukkupottur HP
Hér tekur Klara Arnarsdóttir við þriggja
mánaða korti í Aerobic Sport úr hendi
Berglindar Óskar Einarsdóttur. Tilkynnt
verður um vinningshafa þessa mánaðar í
næsta tölublaði HP.