Helgarpósturinn - 23.04.1997, Blaðsíða 6

6
MIÐVIKUDAGUR 23. APRÍL1997
fí3m
Samtök Filippseyinga á íslandi:
KhlhÍHg
vaklaba
■ Tvær stjórnir starfandi í sama félaginu
■ Harðar deilur um kennitölu
■ Sáttafundur á leynimyndbandi
■ Ásakanir og brigslyrði ganga á víxl
Iú eru starfandi tvær útgáfur af
„Filippínska-Íslenska Félaginu".
Félagið var stofnað í febrúar 1990 og
mun hafa talið alls um 180 meðlimi
þegar flestir voru í því. Fyrir um ári
varð klofningur í stjórn félagsins sem
leiddi til þess að nú starfa tvær
stjórnir sem hvor um sig gerir kröfu
til að teljast sú eina löglega. Brigslyrð-
in ganga á víxl og orð stendur gegn
orði.
í daglegu tali meðlimanna gengur
félagið undir nafninu FIA sem er
skammstöfun fyrir enska heitið „Filip-
ino-Icelandic Association". Deilurnar
í félaginu virðast einkum snúast um
eina persónu, Mariu Priscillu Zanor-
ia, en hún hefur búið alllengi á íslandi
og var á sínum tíma ein af stofnend-
um félagsins. Priscilla, eins og hún
mun almennt nefnd, er af andstæðing-
um sínum sökuð um að vilja reka fé-
lagið sem einkaeign sína, hafa þegið
umboðslaun af verði farseðla til Fil-
ippseyja og jafnvel rekið hjónabands-
og atvinnumiðlun og tekið gjald fyrir.
Priscilla neitar þessum ásökunum og
eitt þessara atriða varðar, umboðs-
launin, hefur hún hrakið með skrifleg-
um vottorðum.
Priscilla á prósentum?
í FIA-News, félagsblaði sem gefið er
út á íslensku og ensku, fullyrðir Alex-
ander G. Bjömsson, gjaldkeri í þeirri
stjórn sem kenna má við Ragnar Hall-
dórsson, að Priscilla hafi fengið „pró-
sentur af farmiðum til Filippseyja hjá
Ratvís árin 1990 til 1994, 4,5%, og hjá
Samvinnuferðum-Landsýn árið 1995,
2,5%“. Alexander segir ennfremur að
þetta hafi Priscilla staðfest sjálf á að-
alfundi félagsins 1995.
Priscilla brást hart við þessum full-
yrðingum og birti í blaði sínu tvö vott-
orð, annað frá Samvinnuferðum-
Landsýn, hitt frá Ratvís, þar sem
ferðaskrifstofurnar staðfesta að
Priscilla hafi ekki þegið nein umboðs-
laun. Vottorðið frá Samvinnuferðum-
Landsýn er dagsett 17. september á
síðasta ári og er svohljóðandi:
„STAÐFESTING
Það staðfestist hér með að Maria
Priscilla Zanoria, 160155-7369, Aust-
urgerði 6, 200 Kópavogi, hefur aldrei
þegið umboðsiaun frá Samvinnuferð-
um-Landsýn vegna ferða Filippsey-
inga til og frá íslandi.
Vi rðinga rfyllst,
Kristján Gunnarsson
fjármálastjóri. “
Vottorðið frá Ferðaskrifstofunni
Ratvís er nákvæmlega eins orðað að
undanteknum nöfnum og dagsetning-
um. Þar stendur reyndar aðeins
„vegna Filippseyinga" en ekki „vegna
ferða Filippseyinga“. Síðarnefnda
vottorðið er dagsett 19. september.
Krístján Gunnarsson staðfesti í
samtali við Helgarpóstinn að hafa gef-
ið þetta vottorð út. Hann sagði Prisc-
illu vissulega oft hafa vísað lands-
mönnum sínum til Samvinnuferða-
Landsýnar en afskipti hennar myndu
einkum hafa falist í að benda fólki á
að hafa samband við þann starfs-
mann sem best þekkti til þessara
mála og hann vissi ekki til að hún
hefði nokkurn tíma fengið nein um-
boðslaun fyrir það.
Sjálf sagðist Priscilla í gær vera að
íhuga að höfða mál vegna þessa róg-
burðar.
Ólöglegur aðalfundur?
Fyrir rúmu ári, jiann 30. mars 1996,
var haldinn aðalfundur í félaginu.
Strangt tekið var þessi fundur ekki
löglegur. Aðalfund á samkvæmt lög-
um félagsins að boða með fjórtán
daga fyrirvara en aðeins tólf dagar
liðu frá fundarboði til fundardags. Á
þessum fundi átti samkvæmt lögum
ekki að kjósa stjórn. Hún hafði verið
kjörin á aðalfundi árið áður og til
tveggja ára. Ragnar Halldórsson for-
maður komst ekki á aðalfundinn en
sendi þangað bréf þar sem hann sagði
af sér störfum.
Um það sem síðan hefur gerst fer
mjög tvennum sögum. Fundir voru
haldnir í herbúðum beggja aðila og
áður en varði var svo komið að í félag-
inu voru starfandi tvær stjórnir og nú
virðist klofningurinn í tvö félög orð-
inn óumflýjanlegur. Enn er þó ekki að
fullu útkljáð hvort félagið heldur
kennitölunni sem Hagstofan úthlutaði
á sínum tíma og að sjálfsögðu stendur
styr um eignir félagsins, sem reyndar
munu ekki miklar.
Afsögn dregin til baka
Eftir aðalfundinn 30. mars í fyrra
virðist til að byrja með hafa verið leit-
að sátta í félaginu. Lagt var að Ragn-
ari Halldórssyni að draga afsögn sína
til baka. Áður en lengra er haldið er
þó rétt að kynna til sögunnar þá
stjórnarmenn í FIA sem kjörnir voru
til tveggja ára á aðalfundinum 1995 og
hefðu því að öllu óbreyttu átt að sitja
til aðalfundarins 1997. Stjórnarlistinn
leit þannig út: Ragnar Jóhann Hall-
dórsson formaður, Maria Priscilla Za-
noria varaformaður, Baldvin Áma-
son ritari, Sigurður Antonsson gjald-
keri og Magnús Þór Einarsson með-
stjórnandi.
2. apríl var haldinn stjórnarfundur í
FIA. Á þann fund mættu Baldvin Árna-
son og Magnús Þór Einarsson ásamt
Ragnari Halldórssyni, sem sent hafði
boð á aðalfundinn um afsögn sína. í
fundargerð sem undirrituð er af ritara
félagsins kemur fram að Magnús Þór
Einarsson hafi sagt af sér stjórnarsetu
á þessum fundi. Síðan segir í fundar-
gerð að Ragnar Halldórsson hafi fall-
ist á að draga afsögn sína til baka.
Ragnar og félagar hans halda því fram
Mlfíft***
mmu i
stoS&ttí

4 f~ „ ' di * s,-d *'
H*.' > ,*■* f;
44 v*
Priscilla er miðdepillinn í
hatrömmum deilum í sam-
tökum Filippseyinga á ís-
landi. Henni er borið á brýn
að taka umboðslaun af far-
seðlum samlanda sinna og
að reka hjónabands- og at-
vinnumiðlun. Priscilla íhug-
ar að höfða mál vegna róg-
í sinni útgáfu af FIA-News að Magnús
Þór hafi dregið afsögn sína til baka
eftir að ljóst var að Ragnar yrði áfram
formaður en fallið hafi niður að gera
grein fyrir því í fundargerð.
í þessu blaði er birt ljósrit af fund-
argerðinni í heilu lagi með undirskrift
Baldvins. í blaði sem gefið var út af
hinum arminum, þeim sem Priscilla
veitir forstöðu, er annars vegar birt
afsagnarbréf Ragnars og hins vegar
ljósrit af fundargerðinni frá 2. apríl.
Hér hefur ljósritið hins vegar verið
klippt til þannig að nú virðist ekkert
hafa gerst á fundinum annað en það
eitt að Magnús Þór Einarsson hafi
sagt af sér.
Tvær stjórnir
Nú eru menn ekki sammála um
hversu margir hafi verið á stjórnar-
fundinum 2. apríl í fyrra. Ragnar Hall-
dórsson fullyrðir í grein í félagsblaði
síns arms að þar hafi verið mættir all-
ir stjórnarmenn, þ.e. stjórnin eins og
hún var kosin á aðalfundinum 1995.
Baldvin Árnason tekur í sama streng í
samtali við HP. Priscilla Zanoria aftek-
ur hins vegar að hafa verið viðstödd.
Á stjórnarfundinum 2. apríl var enn-
fremur ákveðið að halda framhalds-
aðalfund 22. apríl. Samkvæmt lögum
félagsins virðist þetta vera nokkuð
vafasöm ákvörðun en ekki virðist frá-
leitt að aðaltilgangurinn hafi verið að
kjósa varamenn í stjórn. Nýi aðalfund-
urinn var á endanum haldinn 25. maí
og þar voru kosnir fimm varastjórnar-
menn. Tveir þeirra færðust sjálfkrafa
upp í stjórn í stað Priscillu Zanoria og
Sigurðar Antonssonar, sem ekki
mættu lengur á fundi í þessum armi
félagsins. Nýju stjórnarmennirnir
voru Linda Perez og Alexander G.
Björnsson.
Nú víkur sögunni að Priscillu Za-
noria og stuðningsmönnum hennar. í
útgáfu þessa arms félagsins af FIA-
News er birt tilkynning, dagsett 31.
mars, daginn eftir aðalfundinn, þar
sem því er lýst yfir að afsögn Ragnars
Halldórssonar daginn áður sé sam-
þykkt og Priscilla Zanoria hafi sem
varaformaður tekið við starfi for-
manns. Undir þetta rita þrír þeirra
fimm stjórnarmanna sem kjörnir'
höfðu verið á aðalfundinum 1995, þau
Maria Priscilla Zanoria, Sigurður
Antonsson og Baldvin Árnason.
Sami maðurinn í báðum stjórn-
um
Síðasta nafnið vekur óneitanlega at-
hygli. Baldvin var framan af í báðum
stjórnum, ekki vegna þess að hann
léki tveim skjöldum í málinu heldur
virðist hann vera sá sem lengst
reyndi að halda félaginu saman og ná
sáttum.
Hinn 15. júlí sl. sumar er svo dag-
sett skjal þar sem nýir meðlimir hafa
verið teknir inn í stjórn þess arms
sem Priscilla Zanoria leiðir. í þessu
skjali eru taldir upp fimm stjórnar-
menn: Maria Priscilla Zanoria formað-
ur, Baldvin Árnason varaformaður,
Svandís Gyða Ycot, Sigurður Rafn
Antonsson og Magnús Þór Einarsson.
Við nafn Magnúsar stendur sú at-
hugasemd að hann hafi látið af störf-
um 2. apríl.
Hverjir mættu 2. aprfl?
Varðandi lögmæti eða lögleysu
þess sem á eftir fór skiptir augljóslega
verulegu máli hverjir voru á stjórnar-
fundinum 2. apríl. Um það ber stjórn-
armönnum alls ekki saman. Ragnar
Halldórsson, sem á þessum fundi dró
afsögn sína til baka, segir í blaði síns
arms að allir stjórnarmenn hafi verið
viðstaddir. í samtali við HP í gær
ítrekaði hann þetta en kvaðst þó ekki
treysta sér til að fullyrða að Sigurður
Antonsson hefði verið þar. Um nær-
veru Priscillu kvaðst hann hins vegar
alveg fullviss. Baldvin Árnason sagði í
gær að sig minnti að Priscilla hefði
verið viðstödd en hins vegar ekki Sig-
urður. Sjálf fullyrðir Priscilla hins veg-
ar að hún hafi ekki mætt á þennan
fund.
Sáttafundur á myndbandi
Þann 1. september var haldinn
fundur á heimili Priscillu til að leita
sátta í deilunum um félagið. Þangað
kom Ragnar Halldórsson til fundar
við Priscillu og stjórnarmenn hennar.
Þessi fundur mun hafa verið tekinn
upp á myndband, raunar án vitundar
Ragnars. Tveir möguleikar voru
ræddir á þessum fundi. Annar var sá
að báðar stjórnirnar færu frá og boð-
að yrði til félagsfundar þar sem kjörin
yrði ný stjórn fyrir félagið. Þennan
möguleika var Ragnar tilbúinn að fall-
ast á. Hinn kosturinn sem ræddur var
á fundinum var sá að gamla stjórnin,
sem upphaflega hafði verið kjörin
1995 til tveggja ára, tæki við félaginu
aftur og sæti það sem eftir væri af
kjörtímabilinu eða fram í mars á
þessu ári.
Á þennan kost vildi Ragnar ekki fall-
ast. I samtali við HP í gær sagði hann
ástæðuna þá að hann hefði ekki séð
sér það fært í ljósi þess sem á undan
var gengið.
Deilur um kennitölu
Ragnar Halldórsson hafði í júní sent
Hagstofu íslands tilkynningu um
breytta stjórn í félaginu. Frá 11. júní
var Ragnar skráður forsvarsmaður fé-
lagsins, Þessari skráningu fékk Prisc-
illa Zanoria breytt í september en
Ragnar fékk henni síðan enn breytt í
febrúar á þessu ári.
Síðdegis í gær barst svo beiðni um
afturvirka skráningu frá lögmanni
Priscillu, Lúðvík Emil Kaaber. Lög-
maðurinn skrifaði ítarlega greinar-
gerð með þessari beiðni þar sem
hann rakti gang máia, frá sjónarhóli
skjólstæðings síns. Hagstofan varð
við þessari beiðni síðdegis í gær og
þegar lokað var í Skuggasundinu í
gærkvöldi var Maria Priscilla Zanoria
þannig aftur skráð forsvarsmaður
„Filippínska-Íslenska Félagsins“.
Þess má að lokum geta að eftir því
sem næst verður komist er félag
Priscillu Zanoria mun fjölmennara en
það félag sem Ragnar Halldórsson er í
forsvari fyrir. A aðalfundi í félagi
Ragnars munu 38 hafa verið skráðir í
félagið. Á aðalfund í félagi Priscillu
mættu að sögn 60 manns og að því er
fram kemur í greinargerð lögmanns
hennar eru nú um 150 manns skráðir í
það félag.