Lesbók Morgunblaðsins - 31.05.1952, Blaðsíða 8

Magnús Jensson:
Frá íerðum Kötlu VIII.
JÖLAÖS

UM MIÐJAN desember förum við
síðustu ferðina í langan tíma norð-
ureftir, til Baltimore, því um ára-
inótin hefjast nokkurnveginn fast-
ar ferðir, „rúta“, með sykur inn í
Mexicoflóa, til New Orleans og síð-
an allskonar vörur frá Pensacola
og fleiri höfnum til baka. Á suður-
leið frá Baltimore tínum við upp
vöruslatta í Charleston, Savannah
og Jacksonville. Jólaundirbúning-
urinn er nú byrjaður í bandarísk-
um borgum og í stórborginni Jack-
sonville er mikill hátíðabragur. Að-
al verslunargöturnar eru skreytt-
ar með allavega litum ljósum.
Gluggasýningar verslana eru mjög
tilkomumiklar og göturnar eru
fullar af fólki, hlöðnu jólabögglum.
Ljósadýrðin er svo mikil að öku-
menn eiga erfitt með að greina
umferðarljósin, sem hanga þó í
streng, yfir miðjum gatnamótum.
Þar standa nú tveir lögregluþjón-
ar, beint undir umferðarljósinu.
þeir snúa bökum saman og stjórna
umferðinni með flautum og handa-
pati. Umferð gangandi fólks er ó-
venju míkil.'vegna þess að strætis-
vagnabílstjórar hafa gert verkfall.
Þeim hafði verið lofað 12 centa
kauphækkun á klukkutímann, en
efndirnar hafa dregizt og eru þcir
nú að herða á þeim. Leigubifrcið-
ar eru dýrar í Ameríku, eins og
viðar. í Jacksonsville eru þær út-
búnar talstöðvum og hafa stöðugt
samband við miðstöð sína, sem
fylgist með ferðum þeirra og vísar
þeim á staði, þar sem bifreiðar hef-
ur verið óskað, sem næst þeim
stað, er þær verða lausar á hverjum
^ tíma. í stórborgum, þar sem vega-
100 ára gamalt veitingahús
í New Orleans
lengdir eru miklar, sparar þetta
fyrirkomulag mikinn tíma, bensín
og gúmmí, scm kemur farþegum
að góðu í ódýrari leigu, segja bil-
stjórarnir.
í bæum og þorpum á Kúbu er
einnig orðið jólalegt, þótt með öðr-
um og mun fátæklegri brag sé,
heldur en hjá stóra bróður í norðr-
inu. í gluggum verslana ber mest
á litsterkum smáhlutum og barna-
glingri. Flest er þetta auðvirðilegt
skran, en vekur þó engu minni
hrifningu barnanna, heldur en
dýrir gripir annarsstaðar. Jólakort-
in eru flest með dýrlingamyndum
og hinni heilögu Guðsmóðir, en
hinn norræni jólasveinn, með
mikla hvíta skeggið, er þarna lika,
hjá kaffenntum bjálkakofa og spor-
um í snjó, eins og væra bcr, en
ekki er gott að segja hvaða hug-
myndir börnin og Kúbabúar yfir-
leitt gera sér um það náttúrufyrir-
brigði.
Upp Mississippi,
Um Mexicoflóa er mikil umferð
skipa, eins og geta má nærri, því
við hann liggja margar og stórar
hafnarborgir. Þar liggja einnig að
sjó 5 syðstu fylki Bandaríkjanna,
eins og kunnugt er. Þegar nálgast
tekur ströndina við Louisana-
fylki, að nóttu til, er því mikill og
skrautlegur ljósagangur. Sum þess-
ara ljósa eru á skipum og ferjum,
önnur á vitum og öðrum leiðar-
merkjum fyrir sjófarendur, eða
kunnuglegt og hversdagslegt, en
svo eru þarna einnig þyrpingar
ljósa, úti fyrir ströndinni, sem mað-
ur á ekki að venjast við landtöku,
eða á venjulegum siglingarleiðum,
en þau eru á fljótandi olíuborum,
sem liggja þarna fyrir föstu og
bora ofan í sjávarbotninn cftir
þessum dýrmæta og eftirsótta legi.
Þarna lóna líka leiðsögumanna-
skipin úti fyrir og bjóða skipum,
sem nálgast, leiðsögumann, alveg
eins og verslunarmaðurinn í landi
býður vöru sína, að því undan-
skildu þó, að þeir sleppa öllu
„Salestalk“, eða hóli á þjónustunni,
en það er víst óþarfi, því að leið-
sögumaður, sem tekur að sér að
leiðbeina skipi 100 mílur upp
Mississippi, alia leið til New Orle-
ans, stundum við erfiðar aðstæður,
þoku, mistur og umferð, verður að
vera hafinn yfir alla gagnrýni.