Lesbók Morgunblaðsins - 30.06.1974, Síða 11

Árni Hólm
ÓÐUR TIL ÞRIÐJU
PLÁNETUNNAR
Þú friðvana Jörð sem svifur í geimnum,
hvaða örlög bíða þín?
Þú fagurbláa Jörð sem svífur i geimnum
og tekur ibúa þína með þér
hvert sem leið þín liggur,
hvert stefnir þú
og hvað bíður þín
handan skilveggs augnabliksins og framtíðarinnar?
Þú elskandi Jörð sem svífur í geimnum
og þrýstir okkur að þér
með hinum styrku örmum aðdráttarafls þíns
og veitir okkur gleði
í litskrúði blómanna,
söng fuglanna,
dansi norðurljósanna
og dýrð sólarlagsins,
hvenær mun sá tími koma
að það vekji aðeins yndisleik
að hallast að brjósti þínu?
Þú svipmikla Jörð sem svífur í geimnum
og ert skrýdd hvers kyns mannvirkjum
og hefur auk þess fjölda gervitungla
sem leika sér í aðdráttarsviði þínu,
hve lengi ætlar þú samt að vera hnuggin?
Þú friðvana Jörð sem svífur í geimnum,
hvaða örlög bíða þín?
Þú ráðvillta Jörð sem svifur í geimnum
og horfir á þúsundir barna þinna
deyja úr hungri
i hvert sinn sem þú snýrð þér í hring
og veizt ennfremur
að eftir hverja hringferð þína umhverfis sólina,
verðurðu að geta brauðfætt
um sjötiu milljónir jarðarbarna í viðbót
hvernig færðu leyst þessa þraut?
Þú þjakaða Jörð sem svífur í geimnum
og veizt,
að hundruðir íbúa þinna
binda endi á sitt eigið lif
á meðan keila næturinnar
strýkur hringinn i kringum vanga þinn
i viðleitni sinni að hugga hin lifsþreyttu börn þín
hve lengi mun þessu halda áfram?
Þú sundraða Jörð sem svifur i geimnum
og getur ekki fengið
að halda Olympíuleika þína í friði
vegna glæpaverka sem magnast
og þrengja æ meir að f relsi íbúa þinna,
hvenær mun línurit glæpseminnar
byrja að hallast niður á við?
Þú friðvana Jörð sem svífur í geimnum
hvaða örlög bíða þín?
Þú hrjáða Jörð sem svífur í geimnum
og heldur niðri í þér andanum
af ótta við að verða sundurtætt
af hinum miskunnarlausu klóm vetnissprengjunnar,
hvenær muntu geta dregið andann léttar?
Þú örmagna Jörð sem svífur i geimnum
og minnist auðlinda þinna með söknuði
og finnur mátt þinn dvina
í réttu hlutfalli við tæmingu orku- og hráefnalinda þinna,
hversu lengi munu forðabúr þín endast?
Þú dauðvona Jörð sem svífur í geimnum
og ert, í siauknum mæli,
umvafin hinum loftkenndu afleiðingum iðnvæðingarinnar
og kennir flökurleika
af völdum óeðlilegrar íhlutunar íbúa þinna,
hvernig getur þú umflúið þann efnafræðilega dóm
sem yfir þér vofir?
Þú friðvana Jörð sem svífur í geimnum,
hvaða örlög bíða þín?

mm
krækiber
það
eru
komnir
gestir
Oft hefur okkur verið
sagt frá gleði barnanna yfir
gestakomu í fásinninu í
gamla daga. Kæmi gestur
á bæ, teyguðu börn og
annað heimilisfólk hvert
orð af vörum hans eins og
af hinni mestu visdómslind
og lengi eftir að hann var
farinn, var rætt fram og
aftur um orð hans,
klæðnað og fas allt. Þetta
er okkur sagt til að sýna
fram á breytinguna miklu,
sem orðið hefur frá fásinni
þessara gömlu daga og i ys
og þys nútimans.
En þegar nánar er að
gáð, ætli mikil breyting
hafi orðið í þessum efnum?
Hve margir gestir hafa
komið inn á heimili þitt frá
áramótum? Þar á ég viS
góða vini og kunningja,
sem lita bara inn óboðnir.
Ef miðaS er viS samgöngu-
þægindin nú til dags, er ég
hrædd um að gestafjöldinn
sé ef til vill ekki eins mikill
tiltölulega og var i gamla
daga í samgönguerfið-
leikunum. ViS sjáum aS
visu miklu fleira fólk i skól-
um, á vinnustaS, á
skemmtistöSum, að ég nú
tali ekki um allan gesta-
fjöldann á sjónvarpsskján-
um.
En hvernig stendur á
þessu gestaleysi? Allir eru
óánægðir yfir þessu. Hvar-
vetna heyrir maður
setninguna: ,,ÞaS lítur
aldrei nokkur maSur inn".
AuSvitaS er ástæSan
þessir gerbreyttu þjóS-
félagshættir, aukin at-
vinna, meiri skemmtanir
— og sjónvarpið.
IVljög skiljanlegt er, að
fólki, sem kemur þreytt
heim eftir vinnu, finnist
þaS hvíld að setjast við
sjónvarpið. Kannski ætlar
það aðeins að horfa á
fréttirnar, en, æ, það situr
svo þægilega, hvað skyldi
koma á eftir — og þar
næst? Og allt í einu er
kvöldið liðið.
Hvernig væri nú að setja
sér þá reqlu að briötast út
úr fangelsismúrum sjón-
varpsherbergisins, þó ekki
væri nema einu sinni til
tvisvar i mánuSi?
Líta alveg óvænt og
óboðiS inn hjá gömlum
vinum og kunningjum og
spjalla viS þá eina kvöld-
stund yfir molakaffi eða
glasi af isköldum Pilsner,
Thule eSa kóki. Margar
húsmæður hika viS aS
biðja fólk að líta inn nema
þær eigi einhverjar
kræsingar meS kaffinu. Ef
einhver lítur óvænt inn,
þarf alls ekki að setja slíkt
fyrir sig og allt verður
miklu óþvingaðra heldur
en ef fólki er hátiðlega
boSið i heimsókn.
Já, hvernig væri að gera
alvöru úr þessu, leggja
strax af stað i heimsókn,
vera ekki að biða eftir
heimsókn frá öðrum. Láta
setninguna. „Það eru
komnir gestir" heyrast á
heimilunum sjálfum —
ekki aðeins i sjónvarpinu.
Anna María Þórisdóttir.