Lesbók Morgunblaðsins - 19.06.1999, Blaðsíða 2
JORUNN VIÐAR TONSKALD UTNEFND BORGARLISTAAAAÐUR 1999
Morgunblaðið/Jim Smart
INGIBJÖRG Sólrún Gísladóttir borgarstjóri afhendir Jórunni Viðar borgarlistamanni viðurkenningu. Með þeim á myndinni er Guðrún Jóns-
dóttir, formaður menningarmálanefndar Reykjavíkurborgar.
STÓRKOSTLEGT AÐ FÁ
ÞESSA VIÐURKENNINGU
TÓNSKÁLDIÐ Jórunn Viðar var útnefnd
borgarlistamaður ársins 1999 á þjóðhátíðar-
daginn og var henni veitt viðurkenning á Kjar-
valsstöðum. Jórunn hefur samið tónlist af fjöl-
breytilegu tagi; fyrir hljómsveit, píanó, selló,
einsöngvara og kóra, og hún hefur samið fyrir
leikhús, ballett og kvikmynd. Sjálf er hún pí-
anóleikari og hefur m.a. frumflptt píanóverk
eftir sig með Sinfóníuhljómsveit Islands.
Borgarlistamaðurinn Jórunn Viðar sagðist
að vonum mjög ánægð með útnefninguna. „Það
var stórkostlegt að fá þessa viðurkenningu og
mikill heiður. Byr af þessu tagi getur alltaf
nýst manni vel til að koma sér áfram,“ sagði
Jórunn. Hún hefur fengið ýmsar viðurkenning-
ar; er t.d. á heiðurslaunum Alþingis og fékk
fálkaorðuna fyrir um 20 árum. „Ég er farin að
skrifa meira upp á síðkastið enda er mikið ver-
ið að panta hjá mér,“ sagði Jórunn en hún
kvaðst ætíð hafa verið mjög þjóðleg í tónlistar-
sköpun og gömlu stemmumar og ljóð samtíma-
skáldanna hefðu orðið henni yrkisefni.
Næstkomandi þriðjudagskvöld mun Sinfón-
íuhljómsveit Islands halda tónleika og á efnis-
skránni eru m.a. tvö verk Jórunnar Viðar; ball-
ettsvítan Eldur og píanókonsertinn Slátta. Eld
samdi Jórunn fyrir listamannaþing, sem haldið
var í tengslum við opnun Þjóðleikhússins árið
1950 og Slátta var samin árið 1977 að frum-
kvæði Tónskáldasjóðs Ríkisútvarpsins.
HIRÐORGANISTI
í HALLGRÍMS-
KIRKJU
Á VEGUM Kirkjulistahátíðar 1999 og
Sumarkvölds við orgelið eru að hefjast
hinir hefðbundnu hádegistónleikar í Hall-
grímskirkju. Á laugardögum leikur í
flestum tilfellum sá organisti sem kemur
fram á sunnudagstónleikum Kirkjulista-
hátíðar í sumar.
Á fyrstu hádegistónleikum í dag kl. 12
leikur austurríski orgelleikarinn Martin
Haselböek, hirðorganisti í Vín og pró-
fessor í orgelleik við háskólann í Lubeck í
Þýskalandi, verk eftir fjögur tónskáld.
Það fyrsta „Grand Dialogue" eftir Louis
Marchand, þá Fimm lög fyrir flauturadd-
ir eftir Joseph Haydn, sálmforleikinn
„Kommst du nun, Jesu, vom Himmel
herunter" BWV 650 og Prelúdíu og fúgu í
D-dúr BWV 532 en hana leikur hann
einnig á sunnudagstónleikunum daginn
eftir. Síðasta verkið er svo „Tanz-
Toccata“ eftir Anton Heiller.
Sunnudagstónleikar
Kirkjulistahótídar
Martin Haselböck leikur á þriðju tón-
leikum Kirkjulistahátíðar á morgun,
sunnudag, kl. 20.30. Fyrst á efnisskránni
eru Battaglia og Capriccio Cucu eftir Jo-
hann Kaspar Kerll en hann var
dómorganisti við Stefánsdómkirkjuna í
Vínarborg á ofanverðri 17. öld. Hitt
barokkverkið á efnisskránni er Prelúdía
og fúga í D-dúr BWV 532 eftir Johann
Sebastian Bach. Orgelrómantík 19. aldar
á fulltrúa sinn í tveimur verkum, annars
vegar Kóral nr. 2 í h-moll eftir César
Franek sem hann samdi andlátsárið sitt
1890 ásamt hinum tveimur kóröllunum og
nýútgefið verk eftir Franz Liszt: Prelúdía
um sálminn „Weinen, Klagen, Sorgen,
Zagen“. Eftir franska 20. aldar tónskáld-
ið Jehan Alain leikur Haselböck Trois
Danses en dansana ncfndi hann Gleði,
Söknuð og Baráttu. í lok tónleikanna
mun Haselböck leika af fingrum fram yfir
laglínu sem hann fær afhenta á staðnum.
MENNING/
LISTIR
NÆSTU VIKU
MYNDLIST
Ásmundarsafn
Yfirlitssýning á verkum Ásmundar Sveinssonar.
Gallerí Fold, Kringlunni
Lýður Sigurðsson. Til 22. júni.
Gallerí Sævars Karls
Gylfi Gíslason. Til 7. julí.
Gerðarsafn, Listasafn Köpavogs
Yfirlitssýning á verkum Magnúsar Á. Árnason-
ar. Til 20. júní.
Hallgrímskirkja
Georg Guðni Hauksson. Til 1. sept.
Hafnarborg
Sverrissalur: Ljósmyndasýning Johns R. John-
sen. Til 28. júní.
Ingólfsstræti 8
Hreinn Friðfinnsson. Til 18. júlí.
Kj'arvalsstaðir
Vestursalur: Karel Appel. Austursalur: Verk úr
eigu safnsins. Til 29. ágúst.
Listasafn ASÍ
Samsýningin Cellolose: Jane Balsgaard, Ga-
briella Göransson, Gjertrud Hals og Hilde Hau-
an Johnsen. í öllum sölum. Til 27. júní.
Listasafn Ámesinga
Ættarmunstrið: Steinunn H. Sigurðardóttir og
Inga Jónsdóttir. Til 27. júní.
Listasafn Einars Jónssonar
Opið laugardaga og sunnudag 14-17.
Höggmyndagarðurinn opinn alla daga.
Listasafn Islands
Yfirlitssýning á völdum sýnishornum af ís-
lenskri myndlist. Sumarsýning.
Safn Ásgríms Jónssonar
Sýning á verkum listamannsins. Til 29. ágúst.
Listasafn Sigurjóns Ólafssonar
Sumarsýningin Spor í sandinn.
Listasetrið Kirly'uhvoli, Akranesi
Sýning á verkum Sigurjóns Ólafssonar. Til 11.
júlí.
MÍR-salurinn, Vatnsstíg 10
Mai Cheng Zheng. Tii 20. júní.
Nýlistasafnið
15 listamenn frá París: Polylogue 153. Til 27.
júlí.
Norræna húsið
Ljósmyndir af listafólki og menningarfrömuð-
um frá menningarborgum Evrópu árið 2000.
Anddyri: Norræni Ijósmyndaháskólinn. Til 15.
ág-
Safnasafnið, Svalbarðsströnd
Ragnar Bjamason, Gunnar Amason, Svava
Skúladóttir, Þór Vigfússon, Óskar Beck. Hand-
verk í Húnaþingi, 8 sýnendur. Til 29. ágúst.
Sjóminjasafn íslands, Vesturgötu 8, Hafnarf.
Sýning á hafrænum málverkum.
SPRON, Álfabakka
Sigurður Örlygsson. Til 9. júlí.
Stofnun Árna Magnússonar, Árnagarði v. Suð-
urgötu
Handritasýning opin kl. 13-17 daglega til 31.
ágúst.
Þjóðarbókhlaðan
Undir bláum sólarsali - Eggert Ólafsson. Til
31. ágúst.
Laugardagur
Hallgrímskirkja: Martin Haselböek orgelleik-
ari. Kl. 12.
Sunnudagur
Hallgrímskirkja: Martin Haselböck orgelleik-
ari. Kl. 20.30.
Þriðjudagur
Háskólabíó: Sinfóníuhljómsveit Islands. Ein-
leikari: Steinunn Birna Ragnarsdóttir. Hljóm-
sv.stj.: Petter Sundkvist.
Fimmtudagur
Sjávarhúsið Vigur, Isafiarðardjúpi: Guðrún
Jónsdóttir sópran, Ingunn Ósk Sturludóttir
mezzósópran og Margrét Gunnarsdóttir píanó-
leikari. Kl. 20.30.
LEIKLIST
Þjóðleikhúsið
Maður í mislitum sokkum, lau. 19., sun. 20. júní.
Abel Snorko býr einn, lau. 19.
Borgarleikhúsið
Litla hryllingsbúðin, lau. 19., fim. 24., fös. 25.
júní.
Loftkastalinn
Söngleikurinn Rent, lau. 19., fös. 25. júní.
Hattur og Fattur, sun. 20. júní.
Iðnó
Hádegisleikhúsið: 100-eyja sósan, mið. 23., fim.
24., fös. 25. júní.
Fjöiskyldu- og húsdýragarðurinn
Sirkustjald. Ævintýraleikhús. Gleym-mér-ei og
Ljóni Kóngsson, frums. sun.
Upplýsingar um listviðburði sem óskað er eftir
að birtar verði í þessum dálki verða að hafa
borist bréflega eða á netfangi fyrir kl. 16 á mið-
vikudögum merktar: Morgunblaðið, Menn-
ing/listir, Kringlunni 1, 103 Rvík. Myndsendir:
5691222. Netfang: menning@mbl.is.
KARL Guðmundsson í hlutverki Samúels í Selárdal.
HEIMILDARMYND UM
SAMÚEL í SELÁRDAL
KVIKMYNDAGERÐIN Andrá frumsýnir
heimildarkvikmyndina Steypta drauma í
Tjamarbíói laugardaginn 19. júní kl. 20.
Um er að ræða leikna heimildamynd með
ævintýralegu ívafi um Samúel Jónsson í Sel-
árdal (1884-1969) í leikstjóm Kára Schram
og eftir handriti hans og Olafs J. Engilberts-
sonar. Með hlutverk Samúels fer Karl Guð-
mundsson. Bjöm Karlsson leikur landmæl-
ingamann sem heimsækir Selárdal síðan
þrjátíu áram síðar og þá rifjast upp kynni
hans og Samúels og ýmislegt óvænt gerist.
Með önnur hlutverk fara Björk Jakobsdóttir,
Þóra Friðriksdóttir og Helgi Skúlason, en
hlutverk prestsins í Selárdal er eitt síðasta
hlutverk hans.
Samúel Jónsson byrjaði að gera högg-
myndir úr steinsteypu, þegar hann fékk elli-
lífeyri og hafði fyrirmyndir úr bókum og
tímaritum. Hann reisti auk þess kirkju yfir
eigin altaristöflu er sóknarnefndin hafði
hafnað. Myndin er öðrum þræði gerð til að
benda á nauðsyn þess að verkum Samúels
verði bjargað frá glötun.
í myndinni koma fram heimildarmenn
sem þekktu til Samúels, þ.á m. Olafur
Hannibalsson, Ragnar Páll, Þórarinn Samú-
elsson o.fl. Myndin er gerð fyrir sjónvarp og
verður sýnd á næstunni í Sjónvarpinu. Kvik-
myndatöku annaðist Halldór Gunnarsson,
lýsingu annaðist Guðmundur Bjartmarsson
og Þorbjörn Erlingsson sá um hljóð. Olafur
J. Engilbertsson sá um útlit og Margrét
Örnólfsdóttir samdi tónlist við myndina.
2 LESBÓK MORGUNBLAÐSINS ~ MENNING/LISTIR 19. JÚNÍ 1999