Lesbók Morgunblaðsins - 20.11.1999, Blaðsíða 19

Skúlptúr og
málverk í ,
Listasafni ASI
í LISTASAFNI ASÍ við Freyjugötu verða
opnaðar þrjár sýningar í dag, laugardag, kl.
16,
I Asmundarsal opna Ingimar Olafsson
Waage og Karl Jóhann Jónsson málverka-
sýningu á landslagsverkum tengdum ferða-
lögum um óbyggðir íslands og portrettverk
af ýmsum náttúrufyrirbærum. „Verkin
draga dám sinn af áhuga mínum á náttúru Is-
lands og ekki síst þeirri auðn sem ræður ríkj-
um á hálendinu. Eg hef áhuga á sjónarhorni
íbúa 18. aldarinnar þar sem fjöllin voru hærri
og brattari, vötnin dýpri og full af skrímslum
og í afdölum bjuggu útilegumenn. Hekla var
inngangur vítis. Að sumu leyti lít ég á sjálfan
mig sem landkönnuð. A hverju sumri þvælist
ég um þessa afdali, heimkynni útilegumann-
anna og finn engan. I vötnunum þrífast
hvorki loðsilungar né öfuguggar. Hekla er
bara venjulegt eldfjall og öll hin fjöllin eru
lægri og hlíðar þeirra aflíðandi. Samt býr
þetta landslag yfir töframætti og dulúð þó
vísindin hafi uppfrætt okkur um eðli náttúr-
unnar. Eftir stendur glíma einstaklingsins
við náttúruöflin þar sem maðurinn einn má
sín lítils,“ segir Ingimar.
Karl Jóhann segir í sýningarskrá: „... það
sem heillar mig mest við þessi fyrirbæri er
meint áhyggjuleysi þeirra. Álfar borga ekki
rafmagnsreikninga, þeir þurfa ekki að taka
húsbréf, sjaldan að brjóta saman þvott og
dagheimilismálin eru í fínu lagi. Þeir baka
brauð, brugga vín og dansa...“
Skúlptúr í Gryf junni
I Gryfjunni í Asmundarsal sýnir Harpa
Björnsdóttir skúlptúra steypta í brons og
mynda þeir eina heild sem ber heitið „Liðs-
menn“. Verkið var unnið á þessu ári og má
líta á þessa sýningu sem framhald eða teng-
ingu við sýningu á vatnslitamyndum sem
Harpa hélt nýverið í Listasalnum MAN.
Skúlptúramir eru táknmyndir hins skap-
andi einstaklings, táknmyndir listamannsins.
Harpa Björnsdóttir hefur stúndað nám
hér heima og erlendis, sýnt á fjöldamörgum
sýningum og fengið úthlutað dvöl á alþjóð-
legum gestavinnustofum. Þessi sýning er 21.
einkasýning Hörpu.
Hún hefur hlotið starfslaun listamanna og
eru verk eftir hana í eigu safna og stofnana.
Sýningin er opin alla daga nema mánu-
daga kl. 14-18 og stendur til 5. desember.
Aðgangseyrir 200 kr.
Eggert Kaaber og Katrín Þorkelsdóttir í leikritinu Rósa frænka.
Stoppleikhópurinn í leikför
um Norður- og Vesturland
STOPPLEIKHÓPURINN fer í leikför um
Norður- og Vesturland dagana 22.- 26.
nóvember með kynfræðsluleikritið Rósa
frænka eftir Valgeir Skagfjörð.
Sýningarnar eru ætlaðar nemendum
9. og 10. bekkjar grunnskólans. Fyrstu
sýningar verða á mánudag, kl. 9.40 í
Grundarskóla Akraness og kl. 11 í Heiða-
skóla í Leirársveit. Þriðjudaginn 23. nó-
vember kl.10.25 í Brekkubæjarskóla á
Akranesi og kl. 13 í grunnskólanum í
Borgarnesi. Fimmtudaginn 25. nóvember
kl. 9 í grunnskólanum í Varmahlíð, kl. 11
í grunnskólanum á Sauðárkróki og kl. 14
í grunnskóla Siglufjarðar. Föstudaginn
26. nóvember kl. 9 í grunnskólanum á
Hvammstanga og kl. 11.10 í grunnskól-
anum á Blönduósi.
Leikarar eru: Eggert Kaaber og
Katrín Þorkelsdóttir, hljóðmynd vann
Hjörtur Howser, tæknimaður Jón Yngvi
Reimarsson, leikmynd og búninga hann-
aði leikhópurinn og leikstjóri er Jón
Stefán Kristjánsson.
Leiksýningin var frumsýnd 29. septem-
ber síðastliðinn og er samstarfsverkefni
Stoppleikhópsins, landlæknisembættisins
og þjóðkirkjunnar.
Ingimar Ólafsson Waage og Karl Jóhann Jónsson koma sýningu sinni fyrir í Ásmundarsal og
stilltu sér upp fyrir Ijósmyndarann.

Morgunblaðið/Krishnn
Harpa Björnsdóttir við hluta sýningar sinnar sem opnuð verður í Gryfjunni í dag.
Fiórar sýningar
í Nýlistasafninu
FJÓRAR einkasýningar verða
opnaðar í Nýlistasafninu,
Vatnsstíg 3B í Reykjavík, í dag
kl. 16: Didda Hjartardóttir
Leaman, Þórunn Hjartardóttir,
Olga Bergmann og Anna Hall-
in.
Didda Hjartardóttir Leaman
sýnir olíumálverk og innsetn-
inguna „Cuddly mountain" -
Dýrafjall í Gryfjunni. Didda er
búsett í London, en eftir að hafa
lokið námi í_ Myndlista- og
handíðaskóla Islands lauk hún
framhaldsnámi í myndlist frá
Slade School of Fine Arts í
London 1989. Þetta er sjötta
einkasýning hennar en hún hef-
ur einnig tekið þátt í nokki-um
samsýningum.
Þórunn Hjartardóttir sýnir
olíumálverk í Forsal safnsins og
er yfirskrift sýningarinnar
Antikabstrakt. Þórunn, sem
býr í Reykjavík, lauk námi frá
Myndlista- og handíðaskólan-
um 1987. Hún hefur verið þátt-
takandi í nokkrum samsýning-
um en þetta er önnur
einkasýning hennar.
Olga Bergmann er með sýn-
inguna „Wunderkammer“ -
Undrasafn í Bjarta og Svarta sal á annarri
hæð. Undrasafnið samanstendur af lands-
lagsmyndum, furðudýrum, klippimynd-
um, skúlptúr og ljósmynd. Viðfangsefni
hennar er tilbúin náttúra, eða einskonar
framtíðar náttúrugripasafn. Olga lauk
námi frá Myndlista- og handíðaskóla ís-
lands 1991 og stundaði framhaldsnám í
Gautaborg og Kaliforníu. Hún er búsett í
Stokkhólmi og Reykjavík, hefur tekið þátt
í mörgum samsýningum , en „Wunder-
kammer" er fjórða einkasýning hennar.
Anna Hallin sýnir tvær raðir mynd-
verka í Súm-salnum. Annars vegar ljós-
myndaröð sem unnin er sem stuttar frá-
sagnir og hins vegar teikningar og
smáhluti sem hún kallar Hlátur í litlum
líkama. Anna hefur tekið þátt í mörgum
MorgunblaðiS/Kristinn
Þær sýna í Nýlistasafninu: Olga Berg-
mann, Didda Hjartardóttir Leaman,
Þórunn Hjartardóttir og Anna Hallin, sem
var fjarverandi þegar myndin var tekin.
samsýningum en þetta er sjöunda einka-
sýning hennai'. Hún var gestanemandi í
Myndlista- og handíðaskóla íslands
1988-89 en stundaði einnig nám í Gauta-
borg og Kaliforníu. Hún er búsett í Stokk-
hólmi og Reykjavík.
I tilefni opnunarinnar leikur
Sýrupolkasveitin Hringii’.
Sýningamar eru opnar daglega frá kl.
14-18 nema mánudaga og þeim lýkur 12.
desember.
Aðgangur er ókeypis.

w
LESBÓK MORGUNBLAÐSINS - MENNING/LISTIR 20. NÓVEMBER 1999 1 9