Alþýðublaðið - 07.06.1986, Blaðsíða 10

10
Laugardagur 7. júní 1986
Óskar
Vigfússon
formaður
Takmarkaður afli hlýtur
að kalla á veiðistjórnun
S.S.Í.:
Sjómannasainband íslands er
heildarsamtök sjómanna í landinu.
Félagar eru um 4000 í um 40 félög-
um þar á meðal nokkrum vélstjóra-
félögum. Til þess að fræðast örlítið
um hag sjómannastéttarinnar og
sjónarmið samtakanna fengum við
formanninn, Óskar Vigfússon, til
að segja okkur livað hefði áunnist,
nú síðustu mánuði. og hvað fram-
tíðin ber í skauti sér.
Ef maður rifjar upp liðna mán-
uði, þ.e. frá síðasta sjómannadegi
til þessa dags. Þá hefur sá tími verið
sjómönnum frekar hagstæður. En
svo sem oft áður hefur afla verið
misskipt milli landshluta. Sjómenn
frá Þorlákshöfn til Akraness hafa
ekki notið jafn góðs og oft áður. En
í heildina má segja að þetta hafi
komið vel út.
Það helsta varðandi hagsmuni
sjómanna var að á síðasta ári var
gengið frá nýju skipulagi kvóta til
tveggja ára. Sjómannasamband ís-
lands tók þátt í því starfi. Ég tel að
flestir innan sambandsins telji
heppilegt að fara þá leið sem farin
hefur verið. Við töldum að þær að-
stæður hafi verið fyrir hendi, þ.e.
takmarkaður afli hlyti að kalla á
einhverja veiðistjórnun. Þess vegna
var sú ákvörðun tekin að fara þessa
leið áfram.
Annað mál sem hefur verið ofar-
lega á baugi nú í vetur er uppstokk-
un sjóðakerfisins. Sjóðakerfi sjáv-
arútvegsins hefur löngum verið
þyrnir í augum stéttarinnar. En
þrátt fyrir að sjómenn hafi ekki
fengið til baka þann hlut sem þeir
áttu rétt á, standa menn frammi
fyrir hreinu borði í dag. Þetta
gamla greiðslukerfi hefur verið lagt
niður. Það þýðir samt ekki að við
hættum að krefjast leiðréttingar á
þeim hlutaskiptum sem nú er á milli
sjómanna og útvegsmanna. Með
tilliti til þess að hagur útgerðarinn-
ar hefur batnað mjög á síðustu
mánuðum telur sjómannastéttin að
í næstu kjarasamningum verði ein-
hverju skilað til baka sem af þeim
hefur verið tekið með lagaboðum
og fært til útgerðar.
í framtíðinni sjáum við fram á
sömu óvissuþættina. Við vonum að
afli aukist það mikið að hægt verði
að aflétta þeim takmörkum sem nú
eru. En það er nauðsynlegt að fara
varlega og ganga ekki of nærri
fiskistofnunum.
Sveiflur í tekjum sjómanna leiðir
til erfiðleika við það skattakerfi
sem við búum við. Okkur er mjög í
mun að tekið verði upp stað-
greiðslukerfi. í dag eru engin
ákvæði sem heimila skattafrádrátt
fyrir þá sem einhverra hluta vegna
yfirgefa sjóinn og lækka í launum í
landi.
Öryggismál sjómanna hafa verið
mjög til umræðu að undanförnu. í
því sambandi þá bæði þjálfun sjó-
manna í öryggisatriðum og rétt-
indaleysi skipstjórnarmanna:
Sú mikla slysatíðni sem er hjá
sjómönnum hefur mér virst vera
mikið feimnismál meðal þjóðarinn-
ar. Frá síðasta sjómannadegi til
dagsins í dag höfum við orðið að sjá
eftir 13 okkar félaga sem hafa horf-
ið í hafið eða slasast til ólífis. Það er
staðreynd að engin atvinnugrein í
þessu landi hefur jafn mikla slysa-
tíðni. Því finnst mér mjög hjákát-
legt að í nýlegum dómi Hæstaréttar
er kveðið á um að sjómennska sé
ekki hættulegt starf. Þessu hugar-
fari þarf að breyta. Það þarf ekki
annað en líta í skýrslur Tryggingar-
stofnunar til að sjá að þetta er
hættuleg atvinnugrein.
Ég er því fylgjandi að menn séu
ekki skráðir sem skipstjórnarmenn
nema hafa fullnægjandi próf. En
það þarf líka að skoðast að það er
ekki nóg að hafa bara pappír. Sífellt
VIÐ SENDUM ÍSLENSKUM
SJÓMÖNNUM
ÁRNAÐARÓSKIR í TILEFNI DAGSINS
EIMSKIP
*
yngri menn eru nú að taka við skip-
um. í mörgum tilfellum er reynslan
mun mikilvægari en nokkurt próf-
skírteini.
Að endingu biður Óskar um
kveðjur til sjómanna um land allt í
tilefni dagsins. Við tökum undir
það og þökkum honum spjallið.
rm
LAUSAR STÖÐUR HJÁ
REYKJAVÍKURBORG
Reykjavíkurborg vill ráöa starfsfólk til eftirtaiinna
starfa. Starfskjör samkvæmt kjarasamningum.
1. Fóstrur athugið!
Á dagheimilið Suðurborg við Suðurhóla vantar
fóstrur nú þegar eða í haust. Boðið er upp á
mjög góða vinnuaðstöðu bæði hvað varðar al-
mennt uppeldislegt starf og séraðstoð.
Upplýsingar gefur forstöðumaður á staðnum
eða i síma 73023.
2. Á leikskólann Árborg, Hlaðbæ 17, vantarfóstr-
ur við almenn uppeldisstörf, og fóstrur eða
þroskaþjálfa til að sinna börnum með sérþarf-
ir, hálft starf.
Upplýsingar gefa forstöðumenn á staðnum
eða í síma 84150.
Umsóknum ber að skila til starfsmannahalds
Reykjavíkurborgar, Pósthússtræti 9, 5. hæð á
sérstökum umsóknareyðublöðum sem þar
fást fyrir kl. 16:00 mánudaginn 16. júní.
IAUSAR STÖÐUR HJÁ
J REYKJAVSKURBORG
Reykjavíkurborg vill ráða starfsfólk til eftirtalinna
starfa. Starfskjör samkvæmt kjarasamningum.
Heilsuverndarstöð
Reykjavíkur
Deildarmeinatæknir í fullt starf á rannsóknar-
stofu Heilsuverndarstöðvarinnar. Hlutastörf
koma til greina.
Bókasafnsfræðing í hálft starf við bókasafn
Heilsuverndarstöðvarinnar.
Ljósmóðir til afleysinga á mæðradeild.
Upplýsingar gefur framkvæmdastjóri heilsu-
gæslustöðva í síma 22400.
Umsóknum ber að skila til starfsmannahalds
Reykjavíkurborgar, Pósthússtræti 9,5. hæð á sér-
stökum umsóknareyðublöðum sem þar fást fyrir
kl. 16:00 föstudaginn 13. júní.
Sendum öllum
sjómönnum landsins
heillaóskir
í tilefni sjómannadagsins
SAMBAND ÍSLENSKRA SAMVINNUFÉLAGA
@ Sjávaraf urðadeild
SAMBANDSHUSINU REYKJAVÍK SÍMI28200