Alþýðublaðið - 30.05.1987, Blaðsíða 11

Laugardagur 30. maí 1987
11
„Nútímatónlistin
ekki lengur eins
erfið áheyrnar"
— segir Margrét Þóra
Gunnarsdóttir sem
situr í stjórn Musica
Nova
„Aðalhlutverk Musica Nova er
að kynna nýja tónlist með tón-
leikahaldi," segir Margrét Þóra
Gunnarsdóttir sem er einn af
stjórnarmönnum Musica Nova.
„Félagtð var stofnað á sjöunda
áratugnum og starfaði þá í nokk-
ur ár en lagðist síðan niður.
Musica Nova var endurreist 1981
og hefur starfað samfellt síðan.“
Margrét Þóra segir að Musica
Nova standi fyrir fjórum, fimm
tónleikum á ári þar sem bæði ís-
lensk og erlend verk hafi verið
leikin. „Musica Nova hefur enn-
fremur gefið hljóðfæraleikurum
tækifæri til að panta tónverk frá
íslenskum tónskáldum. Félagið
hefur þá greitt tónskáldunum fyr-
ir verkin og hljóðfæraleikurunum
fyrir flutninginn og stuðlað þann-
ig að samningu íslenskra verka og
flutningi þeirraþ segir Margrét
Þóra.
Musica Nova hefur hins vegar
ekki yfir miklu fjármagni að
ráða. Að sögn Margrétar Þóru eru
flest verk félagsins unnin í sjálf-
boðavinnu. Skerpluhátíðin er
fyrst og fremst íslensk hátíð;
þarna verða flutt yfir tuttugu verk
og helmingur þeirra frumfluttur á
hátíðinni. Sum verkanna voru
samin fyrir tilstuðlan Musica
Nova. Margrét Þóra segir að
áhuginn á nútímatónlist sé alltaf
að aukast, það hefur komið fram
mikið af ungum tónskáldum á
síðustu árum. „En ný tónlist á
alltaf erfiðar uppdráttar en sú
músík sem fólk þekkirj* segir
Margrét Þóra. „Ný tónlist hefur á
síðustu áratugum yfirleitt ekki
verið skrifuð í hefðbundnu formi
og mikið hefur verið um tilrauna-
starfsemi. Þetta hefur fælt marga
frá því að hlusta á nýja tónlist, en
nú er fólk þó farið að venjast
þessu, enda er tónlistin sem samin
er í dag oft ekki eins erfið áheyrn-
ar eins og sú tónlist sem samin
hefur verið á undanförnum ára-
tugum“
Musica Nova nýtur fjárstyrks
úr tónskáldasjóði'Ríkisútvarpsins
og frá menntamálaráðuneyti.
Undanfarin tvö ár hefur Reykja-
víkurborg og nokkur fyrirtæki
veitt Musica Nova fjárhagsstyrk.
Núverandi stjórn Musica Nova
sem vinnur alla sína vinnu í sjálf-
boðavinnu, er skipuð þeim Kol-
beini Bjarnasyni, Margréti Þóru
Gunnarsdóttur, Mist Þorkels-
dóttur og Eyjólfi Arnalds.
EIGUM VIÐ AÐ BYGGJA?
Verðhlutfall á milli eldra húsnœðis og nýbyggingarkostnaðar komið á það stig að nýbygg-
ing þykir fýsilegur kostur. — Útlit fyrir þenslu á byggingamarkaðnum. — Er skynsamlegt
að byggja fleiri hús?
Verð á eldri íbúðum á fasteigna-
markaðnum í Reykjavík er nú talið
um 90% af kostnaðarverði nýbygg-
inga, samanborið við 75% í fyrra.
Verðhlutföllin eru því komin á það
stig, að búast má við aukinni þörf
fyrir nýbyggingar strax á þessu ári
og næsta. Talið er að mikil spenna
geti skapast á byggingamarkaðnum
strax á næsta ári vegna þessa.
Verð og útborgunar-
hlutfall hœkkar. —
Nýbygging fýsilegur
kostur.
Með tilkomu nýja húsnæðislána-
kerfisins var búist við mikilli aukn-
ingu nýbyggingarlána. Sú varð ekki
raunin. Verð var mjög lágt á mark-
aðnum og því ekki eins hagkvæmt
og oft áður, að ráðast í nýbygging-
ar. Síðan hefur þetta verið að breyt-
ast með hverjum mánuðinum sem
líður. Verðið hefur stöðugt hækkað
og sömuleiðis útborgunarhlutfall-
ið, sem • nú er talið um 80% af
íbúðaverðinu. Það lítur því flest út
fyrir að nýbyggingar verði fýsilegri
kostur en áður. Spurningin er hins
vegar hvort íslendingar hafi nokk-
uð við mikið fleiri hús að gera.
Vantar hús?
í samanburði við nágrannalönd-
in kemur í ljós að íslendingar eiga
stærstu íbúðirnar. Menn telja því
næsta öruggt, að miðað við þróun
mannfjölda á næstu árum þurfti
ekki að óttast skort á húsnæði hér á
Iandi. Vandamálið er frekar það
sígilda, hvernig skuli fjármagna
frumþörfina fyrir þak yfir höfuð
sér. Nýbyggingarframkvæmdir
hafa líka verið að dragast saman á
síðustu árum. Á árunum 1970 til
1980 voru nýbyggingar um 2100.
Næstu 5 árin var byrjað á 1700
íbúðum og á árinu 1985 var byrjað
á 1300 íbúðum. Gróska á bygging-
armarkaðnum hefur fyrst og fremst
verið bundin við Reykjavíkursvæð-
ið og ládeyða ríkt á landsbyggðinni.
Byggingarmenn hafa því margir
haft atvinnu sína af viðhaldi og
endurbyggingu. í komandi framtíð
er einnig talið að verkefnin verði
fyrstog fremst á þeim sviðum auk
framkvæmda á vegum hins opin-
bera.
Þróun vaxta- og lánskjara upp á
síðkastið hefur einnig leitt til sam-
dráttar í nýsmíði íbúðarhúsnæðis.
Peningamenn vilja síður fjárfesta í
húsnæði í dag, þar sem vaxtatekjur
gefa þeim meiri arð en húsaleiga.
Þetta leiðir að sama skapi til þess að
hugsunarhátturinn hefur verið að
breytast. íslendingar líta orðið
meira á húsnæði, sem húsaskjól,
frekar en minnisvarða um auð sinn
og dugnað.
Fleiri hús
Þrátt fyrir allar vangaveltur um
hina raunverulegu þörf fyrir ný hús,
virðist flest benda til þess að eftir-
spurn eftir nýbyggingarlánum
muni aukast verulega á næstu mán-
uðum. Einhverjir kunna að segja að
þar ráði skammtímasjónarmið,
þegar svo er komið að hagkvæmara
þykir að byggja nýtt, en kaupa not-
að. Inn í þetta spila einnig hags-
munir byggingariðanaðarins, sem
þolir ekki miklar sveiflur.
Með húsnæðislánakerfinu er í
sjálfu sér mörkuð sú stefna, að þeir
fái meira lánað, sem ætla sér að
byggja. Það verður því að líta á það
sem vilja stjórnvalda að ráðist sé í
nýbyggingar. Hvort sú útlánastefna
er í þágu heildarinnar og þjóðar-
hags kann hins vegar að vera annað
mál. í dag standa menn því frammi
fyrir því vandamáli að mikil þensla
kunni að skapast á byggingamark-
aðnum á næsta ári, nema brugðist
verði við á einhvern hátt.
í Alþýðublaðinu fyrir skömmu
viðraði Ásmundur Stefánsson þá
skoðun sína að skynsamlegt væri,
að viðbótarfé í húsnæðiskerfið á
þessu ári, færi fyrst og fremst í ný-
byggingarlán til framkvæmdaaðila,
þannig að þeir verði strax í stakk
búnir að mæta aukinni eftirspurn.
Ásmundur telur að með því móti
megi draga úr mikilli spennu sem
ella myndaðist á næsta ári. Þetta
segir hann framkvæmanlegt án
þess að skapa þenslu á markaðnum
í dag, þar sem nú sé ýmsum stór-
framkvæmdum að ljúka, t.d. Seðla-
banka, Flugstöðinni og Hagkaups-
húsinu.

ÞrettánhundruÖ fjörutíu og einu sinni.„TAKK
Landsbankinn hefur ríka ástæðu til þess að þakka krökkum
um allt land fyrir framúrskarandi áhuga
og þátttöku í Landsbankahlaupinu 1987, 16. maí síðast liðinn.
Alls voru þátttakendur 1341, allir fæddir árin 1974 - 1977.
Fjölmargir unnu til verðlauna, sumir settu persónuleg met,
aðrir kepptu í hlaupi í fyrsta skipti á ævinni og þó nokkrir
urðu Kjörbók með dálítilli innstæðu ríkari.
En allir stóðu sig með mestu prýði.
Við þökkum öllum þátttökuna og FRÍ fyrir samstarfið
um framkvæmdina.
Vonandi sjáumst við
sem flest að ári
í Landsbankahlaupi 1988.
Landsbanki
A Islands
Banki allra landsmanna