Alþýðublaðið - 05.09.1987, Blaðsíða 17

Laugardagur 5. september 1987
17
SJÓNVARP
Erfidrykkja Jóakims breytist i lífsglaða veislu þar sem líkið verður miðpunktur gleðinnar.
Brasilísk sjónvarpsmynd um að rífa sig úr viðjum vanans:
Hæglátur fjölskyldufaðir
gerist drykkjurútur og flagari
Mjög eftirminnileg og
vel gerð sjónvarps-
mynd frá Brasilíu er á
skerminum á mánu-
dagskvöldið. Það er
myndin Quinnas
Berro d’Agua sem
hlotið hefur þýðing-
una Þorstláti Quincas
og dauðinn sem segir
frá því þegar hœglát-
ur og reglusamur
fjölskyldufaðir sem
komin er á efri ár,
snýr gjörsamlega við
blaðinu og fer að lifa
lífinu og nœr fögnuð-
urinn út yfir gröf og
dauða.
Lífinu snúið við
Myndin fjallar um embættis-
manninn Jóakim Soares da Cunha,
sem er fyrirmyndarfaðir með hvítt
um hálsinn. Hann vinnur reglu-
bundna vinnu og er eins og góðir
fjölskyldufeður eiga að vera.
Skyndilega einn daginn ákveður
hann að snúa baki við reglusömu og
viðburðasnauðu lífi. Hann gerist
drykkjuhrútur hinn versti, kvenna-
flagari og lifimaður sem fjölskyld-
an snýr fljótlega baki við í algjörri
skelfingu við umbreytingu manns-
ins. Jóakim gamli gefur hins vegar
fjölskyldunni langt nef og heldur
áfram drykkjulífi sínu á götum
Salvador í fylkinu Bahia í Norð-
austur Brasilíu.
Lík á fyllerí
Jóakim fer með öðrum í hund-
ana, en þetta líf á vel við hann, því
nóg er um vín, fjárhættuspil og fal-
ar konur sem Jóakim telur vera
kjarna lífsins eftir að hafa eytt æv-
inni í reglusemi og bindindi. Að
lokum verður hið ljúfa líf Jóakim
ofviða og hann gefur upp öndina í
hreysi í fátækrahverfi.
Hins vegar hefur hin sterka lífs-
nautn hans og óður til lífsins verið
það magnþrunginn síðasta lífsspöl-
Þorstláti Quincas
og dauðinn
Sjónvarp, mánu-
daginn 7. september
kl. 22.05.
inn, að vinir hans neita að Jóakim
sé dauður. Þeir ákveða því að taka
Iíkið með sér á síðasta fullið, og það
er aldeilis gleðskapur í lagi, því líkið
kemst ekki aðeins á eftirminnilegt
fyllerí, heldur tekur þátt í fjár-
hættuspilum og rekkir hjá gleði-
konum. Og eiginlega er enginn
alveg viss um að líkið sé lík.
Draumur að veruleika
Rithöfundurinn Jorge Amado,
sem hefur ritað margar skáldsögur
og sumar hverjar þekktar um allan
heim, eins og Dona Flor og hinir
tveir eiginmenn hennar, skrifaði
þessa sögu árið 1959 og hefur hún
verið þýdd á fjölmörg tungumál.
Amado hefur sagt í blaðaviðtali að
Jóakim sé „möguleiki mannsins að
gera drauma sína að veruleika og
ákveða eigin örlög. Jóakim vildi
lifa ákveðnu lífi en gerði það en
kaus að lifa öðru. Árum saman var
hann bundinn niður, kúgaður og
kæfður, en hann hafði yfir að ráða
þeim rétta styrk að lokum til að
brjótast úr viðjum vanans og lifa
því Iífi sem hann hafði alltaf óskað
sér.“
Leikstjóri myndarinnar heitir
Walter Avancini og með aðalhlut-
verkin fara Paulo Gracindo og Dina
Sfat. Alþýðublaðið mælir sérstak-
Iega með þessari mynd. Það er hins
vegar ekki víst að allir séu á sama
máli og Jóakim hvernig rífa beri sig
úr viðjum vanans.
Austuríski leikarinn Fritz Muliar leikur góðadátann Sveik með mikl-
um tilþrifum í samnefndum myndaflokki ( 13 þáttum.
Góði dátinn Sveik
Sjónvarp, mánu-
daginn 7. sept.
kl. 20.40.
GÓÐI DÁTINN SVEIK
Austurískur myndaflokkur í 13 þáttum
Góðá dátann Sveik
þekkja flestallir ís-
lendingar, enda sígild
skáldsaga frá
Tékkóslóvakíu sem
kom út í íslenskri
þýðingu fyrir all-
mörgum árum. Skáld-
sagan er eftir hinn
heimsfrœga höfund
Jaroslav Hasek og
segir frá œvintýrum
góða dátans Sveik í
stríðinu; hárbeitt
ádeila á stríðsrekstur
og valdboð.
Nú hafa ævintýri dátans verið
fest á filmu. Sjónvarpið býður upp
á austurískan myndaflokk í þrettán
þáttum í leikstjórn Wolfgang
Liebeneiner. Með aðalhlutverkið
fer leikarinn Fritz Muliar en aðrir
leikarar í aðalhlutverkum eru
Brigitte Swoboda og Heinz
Maracek.
Góður leikur
Saga Haseks af góða dátanum
Sveik hefur löngum verið álitin ein
af klassískum skáldsögum þessarar
aldar. Fritz Muliar sem leikur Sveik
í myndaflokknum þykir hafa verið
óvenjuvel valinn í hlutverkið, því
bæði er hann líkur Sveik í útliti eins
og honum er lýst í skáldsögunni og
þar að auki hefur hann náð hinum
sérstæða húmor Sveiks, sem felst
ekki síst í glettinni undirgefni, þar
sem undirsátinn hefur ávallt á réttu
að standa og gerir yfirmennina að
fíflum án þess að hægt sé að festa á
það fingur. Þetta gerir Sveik ekki
síst gegnum óendanlega margar
sögur sem hann segir í tíma og
ótíma. Muliar hefur mikla þekk-
ingu á þeim tímum sem sagan gerist
á og hin austuríska arfleifð er ekki
langt undan í túlkun hans.
Tímalaust tákn
Hundasölumaðurinn Sveik,
þjóðhetja tékknesku þjóðarinnar
hefur að sjálfsögðu náð langt út
fyrir heimaland sitt hvað vinsældir
snertir. Ekki að furða, því Sveik er
holdgervingur hins venjulega
manns sem gerir uppreisn gegn
kerfinu með því einu að vilja lifa
stríðið af. Sveik er tímalaust tákn
fyrir meðalmanninn sem aðlaðar
sig að hverju sem er; blanda af und-
irsátanum og uppreisnarseggnum.
Með því að taka hverja skipun bók-
staflega og hlýða öllum fyrirskip-
unum sýnir góði dátinn Sveik her-
þjónustu, stríðsrekstur, kerfiskalla
og möppudýr, í réttu ljósi. Boð-
skapur sögunnar eru engu minni í
dag en á þeim tímum þegar Góði
dátinn Sveik var skrifaður.