Vísir - 28.09.1976, Blaðsíða 11
Þriðjudagur 28. september 1976.
11
„Við erum núna að
æfa nýtt leikrit, sem
við vonumst til að geta
frumsýnt um miðjan
október”, sögðu leikar-
ar i Alþýðuleikhúsinu i
samtali við blaðamann
Visis á Akureyri nú
fyrir stuttu.
Leikritið er eftir
Böðvar Guðmundsson,
en tónlistina hefur Jón
Hlöðver Áskelsson
samið. Leikritið er
byggt upp á hálf-sögu-
legum grunni, og per-
sónurnar eru sumar
hverjar þekktar úr ts-
landssögunni frá 16. og
17. öld.
Aö sögn Böðvars fjallar
verkiö um galdraofsóknir
öðrum þræði, en þær eiga að
mörgu leyti sínar hliðstæður i
skoðanakúgun sem viðgengst
vfða um heim enn þann dag I
dag. „Heimurinn er fullur af
ofsóknum á skoðanir, og verkið
má því túlka sem ádeiíu á skoð-
anakúgun nútimans, og þær að-
ferðir sem þar er beitt”, sagði
Böðvar. Enn hefur leikritinu
ekki verið gefið nafn, en þetta er
annað verkið sem Böðvar skrif-
ar fyrir Alþýðuleikhúsið, hið
fyrra var Krummagull sem sýnt
var viða um land siðastliðinn
vetur og vor.
í þessu nýja leikriti koma
fram 5 leikarar, en þeir leika
alls um 20 til 30 hlutverk. Nota
leikararnir grimur i leik sinum,
og eru bæði grimur og búningar
gerðir af Messiönu Tómasdótt-
ur.
Leikararnir fimm sem koma
við sögu eru þau Jón Júliusson,
Arnar Jónsson, bráinn Karls-
son, Kristin A. ólafsdóttir og
Evert Ingólfsson, Leikstjóri er
Þórhildur Þorleifsdóttir.
Sem fyrr sagði er áætlað að
frumsýrit verði um miðjan októ-
ber, og verður frumsýningin
væntanlega á Neskaupstað.
Siðan verður sýnt viðar á Aust-
Kristln, Þráinn og Evert á æfingu á hinu nýja leikriti Böövars Guömundssonar.
Hér sjást leikarar Alþýöuleikhússins á söngæfingu. Taliö frá vinstri: Jón Júlíusson, Þráinn Karlsson,
Arnar Jónsson, Evert Ingólfsson og Kristin ólafsdóttir.
Messlana Tómasdóttir mátar eina grimuna á Þráinn Karlsson.
fjörðum, en þaðan farið til
Akureyrar, og væntanlega
‘haidnar þar nokkrar sýningar.
Áð þvi loknu verður haldið til
Reykjavikur, og sýnt i Lindar-
bæ. Jafnframt sýningum á
þessu nýja leikriti verður svo
Krummagull enduræft, og sýnt i
Reykjavik, en það var ekki sýnt
þar i vor Sýningar á þvi veröa
liklega fyrst og fremst i skólum
Reykjavikur en nú þegar hafa
borist óskir frá nokkrum þeirra
um að fá leikritið til sýningar.
Fer það siðan eftir samkomu-
lagi við einstaka skóla hvort
þeir kaupa verkið eða hvort
nemendur greiða sjálfir að-
gang.
Eftir áramót veröur reynt aö
fara með nýja leikritið i sýn-
ingarferðir um landið eins og
veður og færð leyfir. Á döfinni
er einnig að taka þá til æfinga
nýtt Islenskt leikrit, en ekki
fékkst alþýðuleikhúsfólk þó til
að gefa neinar upplýsingar um
það verk eða höfund þess. —
„Ég get þó lofað þvi að það
verður ekki eftir mig,” sagði
Böðvar.
Fjárskortur hefur valdið
Alþýðuleikhúsinu talsverðum
erfiðleikum, en eini styrkurinn
sem leikflokkurinn hefur fengið
eru 300 þúsund krónur frá
menntamálaráðuneytinu. Þá
hafa einnig verið seldar stuðn-
ingsáskriftir til velunnara leik-
hússins, og hafa nú selst um 400
slíkar stuðningsáskriftir. Þá
mun vera i athugun að leita
styrks hjá hinum stærri verka-
lýðsfélögum.
Eins og áður hefur komið
fram i fjölmiðlum var Alþýöu-
leikhúsinu neitað um styrk frá
Aljureyrarbæ. Að sögn aðstand-
enda Alþýðuleikhússins hefur
gætt nokkurrar hræðslu við að
leikhúsið væri málpipa ein-
hverra ákveðinna islenskra
stjórnmálaflokka, en slikt væri
þó ástæðulaust. Til dæmis mætti
benda á, að I fyrra hefði veriö
fjallað um vandamál mengun-
ar, og núna væri deilt á skoö-
anakúgun hvers konar, og ættu
allir að geta tekið undir þann
boðskap.
Við sýningu á leikritinu veröa
ekki notuð nein hljóðfæri, en
söngurinn raddaður. Er það
m.a. gert í sparnaðarskyni, en
aðeins fimm manns verða i leik-
förinni um landið, þ.e. leikar-
arnir sjálfir.
— AH, Akureyri.
OFSOKNIR
Á AKUREYRI
Alþýðuleikhúsið að hefja
annað starfsár sitt
ÆFA GALDRA-