Vísir - 25.11.1976, Qupperneq 11

VISIB Fimmtudagur 25. nóvember 1976
11
Tafla við innganginn sýnir greinilega á hvaða stigi skipulagsvinnsla
ýmissa atriða er.
laga aðframtiðarbyggð. Mun sú
tillaga sennilega vekja hvað
mesta athygli á skipulags-
sýningunni.
Þarna er gert ráð fyrir mjög
fjölmennu borgarhverfi i fram-
tiðinni sem hefur sinn eiginn
miðbæ. Fyrir voru á svæðinu
Áburðarverksmiðjan i Gufu-
nesi, rannsóknarstofnanir að
Keldum og Keldnaholti og
Korpúlfsstaðabærinn. Fyrir lá
ákvörðun um kirkjugarð upp frá
Gufunesvogi. Úlfarsá og
Vesturlandsvegur skera skipu-
lagssvæðið i sundur og var stað-
setning miðbæjarins ákveðin til
að draga úr þeim ókosti.
Æskilegt var talið að fá auka-
umferðartengingar við svæðið
en auk þess mundi umferðar-
tenging yfir Elliðavog færa
svæðið nær Reykjavik. Þessi
svæði eru i ýmsu frábrugðin nú-
verandi byggðasvæðum
Reykjavikur og nálægðin við
strönd, á og fjall veitir svæðinu
skemmtilega eiginleika fyrir
ibúðabyggð.
Endurnýjun eldri hverfa
Teiknistofan að Garðastræti
17 hefur gert skipulagstillögur
sem þar hafa verið unnar á veg-
um Þróunarstofnunarinnar, og
ná þær yfir svæði eldri hverfa
frá Skúlagötu að Hringbraut
milli Grjótaþorps og Snorra-
brautar.
A þessu athugunarsvæði er
miðstöð stjórnsýslu rikisins og
helsta sérverslunar- og fjár-
málamiðstöð Reykjavikur og
landsins alls. Talið er rétt að á-
fram verði stefnt að þvi, að á
þessu svæði verði miðstöð
stjórnsýslu, fjármála, sérversl-
unar, viðskipta- og skemmtana-
lifs. Talið er nauðsynlegt að
Reykjavik eigi gamlan lifrænan
miðbæ ekki siður en nýjan.
Þarna þurfi að koma til sam-
hæft átak rikisstjórnarinnar,
Reykjavikurborgar, félaga-
samtaka og einkaaðila.
Á þessu svæði er ibúafjöldinn
aðeins um fimm þúsund, en
þarna bjuggu 12 þúsund manns
árið 1945. Lagt er til að gerðar
verði ýmsar ráðstafanir til að
draga úr flutningi fólks frá
svæðinu og að þvi stefnt að ibúa-
fjöldinn þar verði um sjö þúsund
manns.
Viðvikjandi umferð á svæðinu
er lagt til að Túngata verði ekki
tengd Amtmannsstig og
Grettisgötu eins og gert var ráð
fyrir i aðalskipulagi. Umferð
frá austri til vesturs (og öfugt)
um Kvosina beint á Vonarstræti
og Tryggvagötu/Hverfisgötu og
gerð brúar yfir Geirsgötu frest-
að að minnsta kosti út næsta
skipulagstimabil. Einnig er lagt
til að gatnamótum við Skúla-
götu verði fjölgað i tvö, frá
Kalkofnsvegi að Snorrabraut,
til þess að auka aðkomumögu-
leika þess svæðis sem þar liggur
sunnanvið.
Umferðarspá fyrir
Reykjavík
Ogerlegt er að gera nákvæma
grein fyrir öllum atriðum á
skipulagslýsingunni. Ýmsar
breytingar eru ráðgerðar á
umferðakerfi borgarinnar, enda
er gert ráð fyrir að fólksbilum
fjölgi upp i 73 þúsund árið 1995,
en þeir voru 36 þúsund um sið-
ustu áramót.
Eitt af meginverkefnum við
endurskoðun Áðalskipulags
Reykjavikur, hefur verið gerð
nýrrar umferðarspár fyrir
Reykjavik. Til þessa verks hef-
ur verið gert reiknilikan af um-
ferð bifreiða á Höfuðborgar-
svæðinu, en Höfuðborgarsvæðið
er umferðaleg heild.
Reiknlikan er safn stærð-
fræðilegra falla, sem tjá sam-
bandið milli landnotkunar, bif-
reiðafjölda, gatnakerfis og um-
ferðarálags á einstakar götur.
Reiknilikan umferðar er notað
til þess að gera umferðarspá
fyrir skipulagsárið, 1955, út frá
tillögum um landnotkun, gatna-
kerfi, og spá um bifreiðafjölda.
Þegar væntanlegt umferðará-
lag gatnakerfisins er þekkt fyrir
skipulagsárið, eru gerðar
áætlanir um gerð gatnakerfis
(fjölda akreina, gerð gatnamóta
o.s.frv.) og byggingarkostnað.
Fjöldi uppdrátta ásamt skýringatextum auðvelda gestum aö gera
sér grein fyrir skipulagsatriðum.
Teikning af fyrirhugaðri byggingu á Hlemmtorgi, en sérstök deild er um leiðir strætisvagnanna.
Afstöðumynd af Úlfarsfeilssvæði, framtiðarbyggð Reykjavfkur.
Við gerð umferðarspár er
athugunarsvæðinu skipt i reiti
(Reykjavik i 88), en reiknilikan-
ið reiknar siðan út umferðar-
strauma milli reitanna.
Umferðarmagn til eða frá
hverjum reit er háð landnotkun
reitsins (ibúafjölda og fermetra
ibúðarhúsnæðis). 1 aðalskipu-
lagi er landnotkun reitánna
ákveðin.
1 umferðarspá Aðalskipulags
Reykjavikur 1975-’95, er gert
ráð fyrir að fólksbilar á hverja
1000 ibúa verði 466 árið 1995, en
beir voru 305 i árslok 1975 i
Reykjavik. Fólksbilar á Höfuð-
borgarsvæðinu verða þá um
73.000 árið 1995 (miðað við
157.000 ibúa á Höfuðborgar-
svæðinu), en þeir voru um 36.000
i árslok 1975. Umferð fólksbila
er um 80% af heildar umferð og
'eru vaxandi hluti af umferðinni.
1 Reykjavik er stefnt að svo-
kölluðu flokkuðu gatnakerfi, þar
sem göturnar eru flokkaðar eft-
ir hlutverki þeirra. Með flokk-
uðu gatnakerfi nást friðsælli og
öruggari ibúahverfi. 1 efsta
flokki flokkaðs gatnakerfis eru
stofnbrautir, en hlutverk þeirra
er að flytja umferð milli bæjar-
hluta.
Næstar i flokkuðu gatnakerfi
eru tengibrautir, en þær hafa
það hlutverk áð tengja saman
hverfi og stofnbrautir. Stofn- og
safnbrautir mynda aðalgatna-
kerfið. Reiknilikanið er notað
við gerð skipulags aðalgatna-
kerfisins og áætlana um bygg-
ingu þess.
1 gatnaskipulagi einstakra
borgarhverfa (safn- og húsagöt-
ur) þarf að taka tillit til ýmissa
annarra markmiða. Sem mark-
mið má nefna lágmark umferð-
ar bifreiða, göngustigar innan
hverfisins skeri sem fæstar göt-
ur, strætisvagnaleiðir liggi sem
næst miðju hverfisins o.s.frv.
Kassi fyrir tillögur
Þessi sýning á skipulaginu er
sett upp áður en borgarstjórn
fjallar um málið. öllum sem
vilja gefst kostur á að koma
með athugasemdir og breyt-
ingatillögur. Sérstakur kassi er
á Kjarvalsstöðum sem gestir
geta stungið skriflegum tillög-
um sinum i.
Ástæða er til að hvetja borg-
arbúa til að koma á sýninguna
og kynna sér það sem þar kem-
ur fram eftir föngum. Eins og
fram kemur i ávarpi munu sér-
fræðingar útskýra einstaka
þætti skipulagsins á vissum
timum sem auglýstir verða sér-
staklega. Skipulagssýningin er
opin á venjulegum opnunartlma
Kjarvalsstaða. -^sg
Unnið var við uppsetningu sýningarinnar fram að opnunartima.