Morgunblaðið - 21.01.2001, Qupperneq 2

FRÉTTIR
2 SUNNUDAGUR 21. JANÚAR 2001 MORGUNBLAÐIÐ
HALLDÓR J. Kristjánsson, banka-
stjóri Landsbankans, vísar á bug
gagnrýni Sverris Hermannssonar,
formanns Frjálslynda flokksins, í
garð Landsbankans, en Sverrir
sagði á landsþingi flokksins á föstu-
dag að fjármálafyrirtæki eins og
Landsbankinn hefðu tekið deCODE
Genetics upp á arma sína og narrað
vankunnandi Íslendinga til að kaupa
hluti í félaginu á allt að sexföldu
verði.
„Landsbankinn hefur sýnt var-
færni í viðskiptum með bréf í de-
CODE og því er ósanngjarnt að
gagnrýna starfsfólk Landsbankans
sérstaklega af þessu tilefni. Ég vil
taka skýrt fram að Landsbankinn
hefur ekki selt af sínum hlut til fjár-
festa á því verði sem var á árinu
2000,“ segir Halldór.
Seldi 60% til fagfjárfesta á
genginu 15–17 dollarar á hlut
Landsbankinn keypti hlutafé í de-
CODE fyrir einn milljarð kr. í júní
1999 á umsömdu gengi og seldi svo
áfram 60 % af þessum hlut í sama
mánuði til hóps fagfjárfesta. Gengi
bréfa í þessum viðskiptum var á
bilinu 15–17 dollarar á hlut eða um
50% hærra en núverandi gengi.
Bankinn seldi einnig nokkrum fag-
fjárfestum um 10% af sínum hlut í
desember 1999 en gengið var þá á
bilinu 20–25 dollarar á hlut. Lands-
bankinn hefur að öðru leyti ekki selt
eigin bréf í deCODE til innlendra
fjárfesta allt nýliðið ár, að sögn hans.
„Fullyrðingar um að Landsbank-
inn hafi selt bréf sín í deCODE á sex-
földu verði eru því alrangar,“ segir
Halldór.
„Viðskipti Landsbankans með
bréf í deCODE eru því fullkomlega
eðlileg. Staðreyndin er að Lands-
bankinn keypti ákveðinn hlut sum-
arið 1999 og seldi fljótlega 60% af
þessum hlut með eðlilegri söluþókn-
un til fagfjárfesta. 10% seldum við
síðan til viðbótar nokkrum fagfjár-
festum í desember 1999. Landsbank-
inn átti ekki nein viðskipti með eigin
bréf í deCODE á árinu 2000, þegar
verðsveiflurnar urðu sem mestar,“
segir Halldór.
„Ég vísa þessari gagnrýni frá
hvað Landsbankann varðar en get
auðvitað ekki svarað fyrir önnur
fjármálafyrirtæki. Það hafa vafa-
laust allir verðbréfamiðlarar í land-
inu miðlað af bréfum Í deCODE,
þ.e.a.s. selt og keypt fyrir einstak-
linga eða fagfjárfesta, sem vildu
selja eða kaupa. Landsbankinn hefur
hins vegar ekki selt neitt af eigin
bréfum allt árið 2000,“ sagði hann.
Varfærni í við-
skiptum með
bréf í deCODE
Bankastjóri Landsbanka vísar á bug
gagnrýni Sverris Hermannssonar
FRAMKVÆMDIR við byggingu
verslunarmiðstöðvarinnar Smára-
lindar í Kópavogi ganga í öllum að-
alatriðum eftir áætlun, en stefnt er
að opnun verslunarmiðstöðvarinnar
á hausti komanda. Byggingin er óð-
um að taka á sig mynd og er nú búið
að reisa 75–80% af henni, samkvæmt
upplýsingum Pálma Kristinssonar,
framkvæmdastjóra Smáralindar.
Hann sagði að framkvæmdir við
innréttingar í stórmarkaði Hag-
kaups og Debenhams hefðu byrjað í
byrjun janúar, auk ýmissa annarra
framkvæmda við innréttingar, þrátt
fyrir að húsið væri ekki allt upp-
steypt.
Um 250–300 manns eru að störf-
um við bygginguna nú, en gert er
ráð fyrir að þeim fjölgi ört á næstu
mánuðum og verði í kringum 4–500 í
vor. Pálmi sagði að mjög vel hefði
viðrað til framkvæmdanna í vetur.
Þá hefði verulega dregið úr spennu í
byggingariðnaði og auðvelt væri að
fá menn í vinnu, þannig að þörf fyrir
útlendinga til verksins, sem verið
hefðu fjölmargir á tímabili, hefði
minnkað verulega.
Ráðgerður heildarkostnaður við
bygginguna er 7–8 milljarðar kr. og
þar til viðbótar kemur kostnaður við
innréttingar leigutaka. Að þeim
kostnaði meðtöldum verður heild-
arkostnaðurinn líklegast á bilinu 9–
10 milljarðar, að sögn Pálma.
75–80%
Smára-
lindar
reist
Morgunblaðið/RAX
„ÉG fagna yfirlýsingu samgönguráð-
herra um að það sé ákveðinn vilji til
þess að skoða breytt fyrirkomulag
flugvallar í Vatnsmýrinni. Það er
greinilegt að hann og hans menn hafa
gert sér grein fyrir mikilvægi þess að
það þurfi að styrkja bæði íbúðabyggð
og atvinnustarfsemi á þessu svæði,
þó að mér finnist að það land sem
þeir tala um að losni, ef flugið er flutt
austur fyrir norður-suður-brautina,
sé ekki nægilegt,“ segir Ingibjörg
Sólrún Gísladóttir borgarstjóri um
ummæli Sturlu Böðvarssonar sam-
gönguráðherra á fréttamannafundi
um framtíð Reykjavíkurflugvallar sl.
föstudag.
Eins og fram kom í Morgunblaðinu
í gær telur Sturla áframhaldandi
staðsetningu Reykjavíkurflugvallar í
Vatnsmýrinni ótvírætt hagkvæmasta
kostinn.
„Ráðherra sagði að það kæmi ekki
til álita að flytja flug á nýjan flugvöll
sunnan Hafnarfjarðar. Ég er engan
veginn sammála þessu og tel að ráð-
herra ætti að skoða þetta betur
vegna þess að það getur bæði tryggt
hagsmuni höfuðborgarsvæðis og
landsbyggðar að fá flugvöll þar. Því
til viðbótar skapar það ýmsa framtíð-
armöguleika um þróun flugvallar,
sem eru mjög takmarkaðir í Vatns-
mýrinni,“ sagði Ingibjörg Sólrún.
Borgin tilbúin að koma að
viðræðum um kostnað
Fram kom í máli samgönguráð-
herra að mun meiri kostnaður fylgdi
því ef byggður yrði nýr flugvöllur
sunnan Hafnarfjarðar eða ráðist yrði
í að færa austur-vestur-brautina út í
sjó. Ingibjörg segir ef þessir kostir
yrðu ofan á væru borgaryfirvöld
tilbúin að koma að viðræðum um
þetta mál.
„Ástæðan fyrir því að við erum að
fara af stað með þessa umræðu er
ekki sú að græða fjármuni heldur er-
um við sem skipulagsyfirvöld að
horfa til framtíðar og hvernig borgin
getur þróast í framtíðinni. Það er
auðvitað sjálfsagt að skoða með
hvaða hætti þeir fjármunir yrðu nýtt-
ir sem kæmu til vegna þess lands
sem losnaði. En þetta verður bara að
koma í ljós þegar niðurstaða liggur
fyrir eftir atkvæðagreiðsluna,“ sagði
hún.
Samgönguráðherra sagði jafn-
framt að ef flytja ætti austur-vestur-
brautina út í Skerjafjörð yrðu íbúar
Reykjavíkur að gera sér grein fyrir
að borgin yrði þá að kosta flutning
brautarinnar af sínum skatttekjum.
Spurð um þetta sagði borgarstjóri:
„Mér finnst ekki eðlilegt af honum að
setja þetta fram með þessum hætti.
Af hverju ætti þetta endilega að
koma af skatttekjum Reykjavíkur-
borgar? Það losnar ákveðið land í
Vatnsmýrinni. Við þurfum að átta
okkur á hvaða verðmæti fást út úr því
og hvernig þau verðmæti verða þá
nýtt, m.a. til þess að byggja eða fjár-
festa í því sem þörf er á vegna flug-
vallarins og annarrar grunngerðar á
svæðinu,“ sagði Ingibjörg Sólrún.
Borgarstjóri um tillögu ráðherra um Reykjavíkurflugvöll
Byggingarsvæði
yrði ekki nægilegt
FREMUR treg loðnuveiði var á miðunum út af Aust-
fjörðum í fyrrinótt. Nokkrir bátar voru á landleið þar sem
spáð var brælu. Sveinn Benediktsson SU var á leið til
Reyðarfjarðar með rúm 700 tonn og þar af var búið að
frysta 130 tonn um borð, en restin fer í bræðslu á Reyð-
arfirði. Gullberg VE var á leið til Færeyja með loðnuafla
og er það annað skipið sem landar þar frá áramótum.
Betra verð fæst fyrir loðnuna í Færeyjum en hér á landi og
munar um einni krónu á hvert kíló.
Oddeyrin EA kom með fyrstu loðnuna á vertíðinni til
Grindavíkur, í fyrradag; um 700 tonn sem öll fóru í
bræðslu. Oddeyrin skilaði á síðasta ári mestum afla til
Grindavíkur eða 24.000 tonnum. Eggert Þorfinnsson, skip-
stjóri Oddeyrarinnar, sagði loðnuna erfiða og mörg köst
hefði þurft til að ná tonnunum 700. Eggert fékk afhentar
blómakörfur upp í brú þegar skipið hafði lagst að bryggju. Morgunblaðið/Garðar P. Vignisson
Treg loðnuveiði
LÖGREGLAN stöðvaði tvítug-
an ökumann á Hafnarfjarðar-
vegi um fimmleytið í gærmorg-
un fyrir að aka á 137 km hraða
en hámarkshraði er 70 km/klst.
Talsverður fjöldi var í miðbæ
Reykjavíkur í fyrrakvöld og um
nóttina, meðal annars vegna
þorrablóta. Þrír voru hand-
teknir fyrir óspektir í miðbæn-
um. Tveir fengu að fara að lok-
inni yfirheyrslu en einn varð að
gista fangageymslu.
Á 137 km
hraða