Morgunblaðið - 21.01.2001, Page 57

FÓLK Í FRÉTTUM
58 SUNNUDAGUR 21. JANÚAR 2001 MORGUNBLAÐIÐ
ÞAÐ var Villiljós sem raufmyrkrið í stóra sal Há-skólabíós um hálf-áttaleytið á föstudags-
kvöldið. Það sem tók svo við var
ekki síður undarlegt. Ólétt stúlka
festist í hraðbanka á sama tíma og
hún fékk hríðir, líkbílstjóri barðist
við draug með aðstoð páfagauks
sem leiddi til þess að hann hóf
ofsaakstur um götur borgarinnar,
rómantískt kvöld nýtrúlofaðs pars
fór út um þúfur þegar eldri hjón
tóku að leggja þeim lífsreglurnar,
ungur fullkomnunarsinni kom að
kærustunni í bólinu með blindum
manni og flugvél með hljómsveit
innanborðs villtist af leið.
Þrátt fyrir að persónur kvik-
myndarinnar Villiljóss eigi erfitt
með að finna ljósið í myrkrinu
vegna rafmagnsleysis er myndin
þó eina ljós þeirra sem sitja í
dimmum bíósalnum. Vonandi færir
það þeim einhverja hugarró.
Nálægt en
fjarlægt í senn
Handritshöfundur Villiljóss er
Huldar Breiðfjörð. Hann gaf m.a.
út bókina Góða Íslendinga árið
1998 en þetta er hans fyrsta kvik-
myndahandrit og því í fyrsta skipt-
ið sem hann fær að sjá almennilega
framan í skáldsagnapersónur sínar.
„Já, ég hef aldrei upplifað það
áður,“ svarar Huldar eftir að
blaðamaður forvitnaðist um lífs-
reynsluna. „Þetta var furðulega ná-
lægt og fjarlægt manni í senn.
Maður kannaðist við persónuna á
tjaldinu en um leið var hún mjög
ný fyrir manni. Það var mjög
magnað að sjá þetta verða að veru-
leika.“
Það er engum hollt að gera upp
á milli barna sinna. Tilfinningar
eru þó oft óviðráðanlegar og þá
eiga foreldrar það stundum til að
gera slíkt ósjálfrátt. Þá er best að
halda slíkum tilfinningum út af fyr-
ir sig, en það er samt svo gaman að
spyrja. Var einhver persónanna
sem Huldari þótti vænna um að sjá
„í holdinu“ en önnur?
„Nei, ég geri nú ekkert upp á
milli þeirra. Þetta er svona hópur
sem er gaman að sjá og hugsa til.
En eflaust eru einhverjar persónur
þarna sem standa mér nær en aðr-
ar.“
Fimm sögur
í einni
Villiljós er í raun fimm stutt-
myndir samtvinnaðar í eina kvik-
mynd. Til verksins voru fengnir
fimm leikstjórar og túlkar hver og
einn sinn hluta myndarinnar. Dag-
ur Kári Pétursson leikstýrði Lík-
inu í lestinni, Inga Lísa Middleton
Mömmuklúbbnum, Ragnar Braga-
son Aumingjaskápnum, Ásgrímur
Sverrisson Heimsyfirráðum eða
bleiuskiptingum og Einar Þór
Gunnlaugsson söguhlutanum Guð
hrapar úr vélinni.
„Sögurnar sameinast að því leyti
að rafmagnið fer af í þeim öllum.
Persónurnar koma hver annarri við
og hafa áhrif hver á aðra. Sögurnar
snertast lauslega og svo kemur
þetta allt saman í lokin. Þetta er
allt fólk sem er á einhverjum
krossgötum þegar við komum að
því, er að fara í gegnum misstórar
„krísur“ í eigin lífi eða stendur í
einhverjum innri rökræðum.“
Hver var eiginlega kveikjan að
þessari hugmynd?
„Ég skrifaði einu sinni smásögu
sem heitir Þegar rafmagnið fór af.
Hún er svona í fimm pörtum, segir
frá fimm manneskjum sem eru að
rifja það upp hvar þær voru þegar
þeim bárust þær fréttir að Kurt
Cobain hefði skotið sig í hausinn.
Einhvernveginn þróaðist sögurnar
þannig að rafmagnið fór af í þeim
öllum, til þess að undirstrika það
að þær væru allar að gerast á sama
tíma. Sú saga er í rauninni rótin að
þessu handriti. Ég notaðist við
uppbyggingu hennar auk þriggja
annarra smásagna sem ég hef
skrifað og fannst passa við. Svo
skrifaði ég tvær aðrar sögur til við-
bótar. Síðan breyttist þetta allt
saman náttúrulega í ferlinu.“
„Við ákváðum mjög snemma að
fá fimm leikstjóra til þess að gera
þetta með okkur og tókum um leið
þá ákvörðun að það ættu allir að
hafa gaman af þessu. Og að allir
ættu að læra sem mest af þessu, að
þetta væri einhverskonar sand-
kassi og því var bara eðlilegt að ég
myndi draga mig í hlé þegar kæmi
að leikaravali og öðru slíku. Leik-
stjórarnir sáu algjörlega um það
sjálfir. Þeir komu bara að sínum
hlutum eins og leikstjórar koma að
stórri mynd. Völdu sér bara sína
leikara og ákváðu hvað þeir vildu
gera. Svo reyndar var sami töku-
maður á öllum sögunum, það er
sami klippari og einn maður sér
um tónlistina þannig að stundum
þurftu menn að taka tillit hver til
annars og stilla sig saman. Það
gekk bara allt mjög vel, menn
skiptust á hugmyndum og allir
voru mjög opnir og skemmtilegir.“
Persónur myndarinnar eru fjöl-
margar og því ekki pláss til þess að
nefna alla þá leikara sem fram
koma í myndinni. Með stærri hlut-
verk fara þó Ingvar E. Sigurðsson,
Hafdís Huld, Björn Jörundur,
Edda Björgvins, Eggert Þorleifs,
Gísli Garðarsson, Nína Dögg, Tóm-
as Lemarquis, Helgi Björns, Sara
Guðmunds, Baldur Trausti og
Nanna Kristín.
Huldar segir kvikmyndagerð
eiga betur við sig en leikritagerð
og ef Guð og krónur lofa má búast
við því að fleiri kvikmyndir verði
gerðar eftir handritum hans.
„Á síðasta ári skrifaði ég annað
handrit og er eiginlega bara nýbú-
inn að ljúka því. Það kemst
kannski upp á tjaldið eftir nokkur
ár ef allt gengur upp, þetta er svo
langt ferli. Það eru t.d. þrjú ár síð-
an ég skrifaði Villiljós,“ segir
Huldar Breiðfjörð að lokum.
Huldar Breiðfjörð, handrits- og rithöfundur.
Villiljós í myrkri
Líkbílstjóri, skallapopparar og páfagaukur með rödd
Megasar eru meðal þeirra sem fram koma í kvikmyndinni
Villiljós. Birgir Örn Steinarsson ræddi við Huldar Breiðfjörð,
handritshöfund myndarinnar.
Kvikmyndin Villiljós var frumsýnd á föstudagskvöldið
Morgunblaðið/Kristinn Ingvarsson