Morgunblaðið - 13.07.2001, Síða 37

HESTAR
MORGUNBLAÐIÐ FÖSTUDAGUR 13. JÚLÍ 2001 37
SKRÁNING hefur farið fram úr
björtustu vonum og sagði Hulda að
þær væru vel á fjórða hundraðið og
sér sýndist að knapafjöldinn yrði yfir
eitt hundrað. Taka ber tillit til að nú
er um tvískipt Íslandsmót að ræða en
á mótinu sem um ræðir verða aðeins
ungmenni og fullorðnir sem munu
keppa, hinir eldri í opnum eða meist-
araflokki. Hinni eiginlegu skráningu
lauk á þriðjudag en hægt er að skrá
fram að móti en þá þurfa menn að
greiða tvöfalt skráningagjald sem
þýðir 7000 krónur á grein og viðkom-
andi raðast fremst í keppnisröð í for-
keppni. Verður fróðlegt að sjá
hversu margar eftirlegukindur skili
sér með þessu nýja fyrirkomulagi.
Ragnar sagði það athyglisvert
hversu vel meistaraflokkurinn virtist
ætla að virka en hann hafi til þessa
verið hálfgerð hornreka og illa geng-
ið að fá viðeigandi þátttökufjölda í
hann, meira að segja á Íslandsmót-
um. Nefndi Hulda sem dæmi að þátt-
takendur í fimmgangi meistara yrðu
líklega um eða jafnvel yfir 20.
Oddur í frí frá töltinu
Að sjálfsögðu eru á meðal kepp-
enda hinir bestu af mörgum góðum
og nefndu þau til sögunnar landsliðs-
mennina Atla Guðmundsson, Hafliða
Halldórsson, Svein Ragnarsson og
Vigni Jónasson sem mun reyna að
titlinum í fimmgangi á Klakki frá Bú-
landi. Auk þess mun Berglind Ragn-
arsdóttir mæta með Bassa sinn og
freista þess að verja titilinn í fjór-
gangi meistara. Baldvin Ari Guð-
laugsson kemur með frækinn flota af
hrossum að norðan en þau Hulda og
Ragnar sögðu að það skyggði vissu-
lega á hversu fáir norðanmenn hefðu
skráð. Þá kemur Hans Kjerúlf með
Laufa sinn frá Kollaleiru og gerir at-
lögu að titlinum í töltinu. Ef einhverj-
um þykir það tíðindi má geta þess að
Sigurbjörn Bárðarson mætir ekki til
leiks með Odd frá Blönduósi í töltið
að þessu sinni heldur Kóng frá Syðri-
Grund en Hulda skaut því inn í að
Sylvía dóttir hans væri hinsvegar
skráð á Odd í fimi ungmenna. Fleiri
snillinga mætti nefna til sögunnar en
þetta látið duga að sinni.
Framkvæmdanefnd mótsins hefur
komist að góða samkomulagi við Rík-
isútvarpið og verða beinar útsend-
ingar frá úrslitum í tölti, fjórgangi og
fimmgangi meistara á sunnudegin-
um. Þetta þýðir að þessi þrenn úrslit
verða samfelld í dagskránni og geta
því áhugamenn sem vilja koma og sjá
aðeins það allra besta af mörgu góðu
komið á mótsstað og staldrað við í
einn og hálfan tíma. Ragnar sagði að
vissulega gæti þetta sett örlitla
pressu á keppendur í þessum úrslit-
um því vel gæti svo farið að einn og
sami keppandinn væri í þeim öllum.
Með þessu væri verið að koma til
móts við áhorfendur og sjónvarpið.
Sagðist hann gera ráð fyrir að menn
réðu við slíkar aðstæður ef upp
kæmu.
Hápunktar á hverjum degi
Mikil áhersla verður lögð á mann-
lífsþátt mótsins að sögn Huldu og
nefndi hún fyrst til sögunnar veit-
ingasöluna sem verður undir stjórn
hins kunna veitingamanns Tómasar
Ragnarssonar sem hefur mikla
reynslu í því að gæla við bragðlauka
fólks. Lögð verður áhersla á fjöl-
breyttar og góðar veitingar svo eng-
inn á að þurfa að líða fyrir hungurs
sakir meðan á mótinu stendur. Á
laugardagskvöldið verður boðið upp
á 100 metra fljúgandi skeið þar sem
skráð verður á staðnum. Skriðjöklar
munu leika fyrir dansi í Harðarbóli,
félagsheimili Harðar og verður húsið
stækkað verulega með stóru tjaldi
sem verður tengt við húsið.
Á föstudagskvöldið er áætlað að
fram fari B-úrslit í tölti en B-úrslit í
öðrum greinum verða síðdegis á
laugardegi. Þannig verða einhverjir
hápunktar á hverjum degi.
Þau Hulda og Ragnar sögðust
bjartsýn á að í vændum væri gott
mót þar sem reyndar væru ýmsar
nýjar leiðir. Þetta væri fyrsta Ís-
landsmótið sem einkaframtakið
fengi að njóta sín. Framkvæmda-
nefndin sem í eru, auk Ragnars, Ein-
ar Ragnarsson, Hinrik Bragason,
Tómas Ragnarsson og Vilhjálmur
Skúlason hefur náð að fylkja að baki
sér fjölmennum hópi fólks úr mörg-
um hestamannafélögum sem að
þeirra sögn hefur mikla reynslu í
mótahaldi. Ragnars sagði málið
ósköp einfalt; stefnt væri að því að
halda bráðskemmtilegt mót og menn
sem að því kæmu gerðu sér fulla
grein fyrir því að það gerist ekki af
sjálfu sér og væru meðvitaðir um þá
ábyrgð sem á þeim hvílir til að svo
verði.
Ragnar sagði ennfremur að þau
teldu sig mjög heppin að fá félags-
svæði Harðar á Varmárbökkum. Þar
sé aðstaða hin ákjósanlegasta og við-
horf félagsmanna til mótahalds mjög
jákvætt sem meðal annars kemur
fram í geysigóðri þátttöku Harðar-
félaga.
Íslandsmótið á Varmárbökkum
Mikill hugur
og metþátttaka
Morgunblaðið/Valdimar
Íslandsmótið á Varmárbökkum er hið þriðja sem þar er haldið en hin
tvö tókust með miklum ágætum. Nú er að sjá hvernig tekst til með
einkaframtakið á þessum vettvangi.
Allt stefnir í að
haldið verði glæsilegt
Íslandsmót á Varm-
árbökkum um aðra
helgi. Svo virðist sem
metþátttaka verði á
mótinu og mikill hugur
er í framkvæmdarað-
ilum að sem best takist
til. Valdimar Krist-
insson hitti Ragnar
Tómasson og Huldu
Gústafsdóttur á móts-
stað og fræddist um
hvað liði undirbúningi.
FÉLAGSLÍF
Sunnudagsferð 15. júlí kl. 8.
Langavatnsdalur — Hreða-
vatn. 5—6 t. ganga um hluta
Hítarvatnsvegar. Kynnið ykkur
spennandi helgar- og sumar-
leyfisferðir framundan, m.a.
Vatnsnesfjall með jeppadeild
um helgina.
Sjá heimasíðu: utivist.is
Dagskrá
þjóðgarðsins á
Þingvöllum helg-
ina 14.—15. júlí.
Laugardagur 14. júlí
Kl. 13.00 Gjár og sprungur.
Farið í Snóku og áleiðis inn í
Stekkjargjá og til baka um Þing-
götu. Fjallað verður um jarð-
fræði og annað er tengist gján-
um. Gangan tekur um 2—3 klst.
Nokkuð klöngur og því góðir
skór nauðsynlegir. Farið frá
þjónustumiðstöð.
Kl. 13.00 Leikið og litað í
Hvannagjá. Dagskrá fyrir
krakka á öllum aldri í Hvannagjá.
Tekur um 1 klst. og farið frá
þjónustumiðstöð.
Sunnudagur 15. júlí
Kl. 14.00 Guðsþjónusta í
Þingvallakirkju. Prestur séra
Sigurður Árni Þórðarson,
organisti Guðmundur Vil-
hjálmsson
Kl. 15.00 Þinghelgarganga.
Gengið um þingstaðinn forna og
hugað að sögu og náttúru. Hefst
við kirkju að lokinni guðsþjón-
ustu og tekur um 1 klst.
Nánari upplýsingar eru veittar í
þjónustumiðstöð í s. 482 2660.
Þátttaka í dagskrá þjóðgarðsins
á Þingvöllum er ókeypis og allir
eru velkomnir.
SMÁAUGLÝSINGAR
FRÉTTIR
mbl.is
undan henni því þú óttaðist það mest
í lífinu að enginn myndi hugsa um
ömmu en ég vil segja þér að við reyn-
um okkar besta en vitum að ekkert
okkar kemst nærri því að fylla hið
djúpa skarð sem nú hefur verið skilið
eftir. En eins og segir eru vegir Guðs
víst órannsakanlegir og því að hann
skuli hafa hrifsað þig frá okkur nú, án
þess að hafa gert nokkurt boð á und-
an, munum við víst aldrei fá skýringu
á.
Það er svo sárt að fara niður á
Sunnuhlíð og sjá allt sem þú hafðir
gert fyrir umhverfi ömmu svo hún
hefði það huggulegt og að sjá öll hús-
in sem þú smíðaðir og gafst í Sunnu-
hlíð til skrauts.
Þú varst meira að segja búinn að
koma þér upp vinnuaðstöðu í einu
litla herberginu til að framleiða enn
þá fleiri hús með gervigrasi ofan á, og
það er sorglegt að þau muni ekki
verða fleiri.
Ég vona að þér líði vel og að þú
sért búinn að hitta mömmu þína og
pabba, fósturmóður og föður og alla
þá sem þér þótti vænt um. Sjáumst á
himninum, elsku afi minn, og láttu
þér nú líða vel þangað til.
Elsku afi, takk fyrir allt.
Þín
Signý Björg Sigurjónsdóttir.
Afi minn, sæti afinn minn, nú ert
þú stunginn af á einhverja sæl-
uströnd í paradís okkur öllum til mik-
illar armæðu. Þú sem varst svo ungur
og sætur enn þá á unglingsárunum
eins og þú hefðir gantast með sjálfur.
Þegar ég horfði á þig á föstudaginn
gat ég ekki annað en brosað, þú varst
eitthvað svo prakkaralegur, mér datt
í hug að þú værir bara að plata…. ég
vonaði að þú værir bara að plata. Það
eru sannkölluð forréttindi að vera í
Valdaklíkunni miklu og alltaf hef ég
verið stolt af þér, elsku afinn minn,
því þú varst ótrúlegur dugnaðarfork-
ur alltaf og afrek þín í lífinu eru lyg-
inni líkust. Eitt mesta afrek þitt er að
næla þér í svona fallega konu eins og
hún amma mín er og að þið í samein-
ingu hafið náð að búa til svona stóra
hjörð af fallegu fólki sem nú stendur
saman í sorginni yfir að hafa misst
konunginn sinn. Afinn minn sem hef-
ur alltaf verið til í að hjálpa okkur öll-
um sama hvað bjátar á, alltaf tilbúinn
að keyra okkur eða þjónusta okkur á
einn eða annan hátt. Dyrnar að Álf-
hólsveginum voru líka ávallt opnar
fyrir hungruðum eða svefnþyrstum
MK-ingum eins og mér, því auðvitað
varð maður að borða, „svo að maður
yrði stór og feitur eins og afi.“ Við
höfum átt margar góðar stundir sam-
an þar sem við höfum rætt margt, allt
frá háralitunum til stjórnmála, það
var alltaf svo gaman að ræða heims-
mál við þig, þú hafðir svo fastmótaðar
skoðanir á öllu. Því miður voru
nokkrir hlutir sem ég átti eftir að
gera með þér eins og til dæmis að
taka þig í leðurjakkanum með mér í
partý, ég hefði nú hrint því í fram-
kvæmd hefði ég vitað að Guð og engl-
arnir þörfnuðust þín svona snöggt.
Það er svo sem ekkert skrýtið að Guð
á himnum hafi viljað fá þig til sín,
hann veit greinilega hversu frábær
húmoristi þú ert og að þú bakar bestu
jólakökur í heiminum. Ég veit bara
að þegar ég kem upp til þín kem ég
með leðurjakkann undir hendinni og
við höldum partý og þú verður algjör
töffari, en þangað til held ég áfram að
sakna þín þarna, afagrísinn þinn.
Kyss kyss,
Sara Valný Sigurjónsdóttir.
Okkur langar að þakka besta afa í
heimi fyrir allt. Nú fáum við aldrei
aftur skinkubrauð, ís og klaka hjá afa
á laugardögum. Við skulum hjálpa
mömmu að passa ömmu fyrir þig. Við
söknum þín, afi. Þín barnabörn,
Sigurður Skúli og
Brynja Pálína.
Hann afi er dáinn, undirbúningur
fyrir hátíð á Höfn var í fullum gangi
þegar sú sorgarfrétt barst úr Kópa-
voginum að hann afi væri dáinn.
Af hverju, afi hringdi kvöldið áður
og eins og alltaf hafði hann ekki
áhyggjur af sér heldur öðrum. Amma
var búin að vera veik og hann vildi
láta okkur vita af því.
Alltaf hugsaði hann um alla hina,
hann var aldrei veikur aðeins mis-
jafnlega hress.
Alltaf fylgdist afi með öllu sem um
var að vera hjá okkur, hvernig gengi í
skólanum, fótboltanum og tónlistinni.
Ef það var fótboltaleikur mátti bóka
að afi hringdi til þess að fá fréttir og
eftir skólaslit þurfti að skýra frá
frammistöðunni. Afi sá síðan um að
koma fréttunum á framfæri við alla
hina á höfuðborgarsvæðinu og amma
var vel upplýst um lífið hjá okkur.
Jón Guðni spurði á leiðinni frá Höfn:
„Get ég samt ekki hringt í afa, hefur
hann ekki síma?“ Svona var honum
eðlilegt að tala við afa sinn í síma um
það sem honum lá á hjarta.
Nokkur undanfarin haust, nema
það síðasta kom afi með ömmu í
heimsókn til okkar á Höfn og var þá
farið með honum í berjamó inn í
Geitafell m.a. Afa þótti gaman að tína
ber og bjó til sultur og saft úr þeim
aðföngum sem hann náði í. Síðasta
haust kom afi ekki í þessa ferð, en þá
fórum við og tíndum ber fyrir afa og
sendum honum. Vorum við þó heldur
lélegir berjatínarar, en þegar afi var
með okkur hljóp hann um eins og
hann eflaust hefur gert forðum daga í
Aðalvík.
Elsku afi, þú sem varst alltaf svo
hress. Þú hugsaðir vel um alla og allir
voru velkomnir inn í líf þitt. Eins og
hjá öllum komu erfiðir dagar, en
aldrei sá maður hjá þér að þeir væru
eitthvað erfiðir. Þú varst alltaf glaður
þegar við komum og líka þegar við
fórum. Út af því að við vorum alltaf
velkomin aftur.
Elsku afi, að lokum viljum við
þakka allar samverustundirnar sem
við áttum með þér, þakka fyrir alla
dagana sem við vorum hjá þér á Álf-
hólsveginum, þar sem engum var í
kot vísað með matföng, heimabakað-
ar jólakökur og kleinur.
Elsku amma, þú sem hefur misst
svo mikið, megi Guð varðveita minn-
ingu afa í huga þér eins og minning
hans lifir alltaf í huga okkar og
hjarta.
Hulda Rós, Valdís Ósk,
Jón Guðni, mamma og
pabbi, Höfn Hornafirði.
Á þönum inn og út og alltaf að flýta
sér en gaf sér samt alltaf stund til
þess að spjalla við okkur barnabörn-
in. Þannig minnumst við afa Valda.
Hann var Íslandsmeistari í vitleysu,
að eigin sögn, og kannski var það rétt
að vissu leyti því hann var alltaf að
segja brandara og grínast.
Það var alltaf bros sem tók á móti
okkur á Álfhólsveginum og við fund-
um að þar vorum við alltaf velkomin.
Við fórum ekki þaðan út nema alveg
að springa eftir afabrauð, sem var
hans sérgrein og frægt um víðan völl,
og ekki má gleyma soðna fiskinum
sem var sá besti í bænum. Hann
sagði alltaf að við ættum að borða svo
að við yrðum stór og feit eins og afi.
Hann var alltaf tilbúinn að stökkva
til ef eitthvað bjátaði á, hvort sem það
var að skutla til tannlæknis, mamma
föst á Kringlumýrarbrautinni með
bilaðan bíl eða ef það vantaði mjólk á
heimilið, það var alltaf sagt „já ég
kem“ og hann lét ekki bíða eftir sér.
Afi vissi alltaf hvernig okkur gekk í
skólanum, í tónlistinni, á hlaupa-
brautinni, í sundlauginni og á íþrótta-
vellinum. Hann fylgdist grannt með
og sá til þess að öll fjölskyldan fengi
að vita hvað hinir voru að gera. Þann-
ig var hann.
Elsku afi, við vitum að þó við
sjáum þig ekki þá fylgist þú með okk-
ur og passar okkur. Þú ert alltaf best-
ur.
Þín
Gróa Margrét, Þórunn Vala,
Júlíus og Stefanía.
VALDIMAR KRISTINN
VALDIMARSSON
 Fleiri minningargreinar
um Valdimar KristinValdimarsson
bíða birtingar og munu birtast í
blaðinu næstu daga.
MINNINGAR