Morgunblaðið - 25.10.2001, Side 4

FRÉTTIR
4 FIMMTUDAGUR 25. OKTÓBER 2001 MORGUNBLAÐIÐ
Ertu búin(n) að ganga
frá viðbótar lífeyris-
sparnaðinum?
Við bendum á eftirfarandi leiðir í Lífeyrisauka Búnaðarbankans:
• Ávöxtunarleið 1 – Hentar þeim sem eru 60 ára og eldri
• Ávöxtunarleið 2 – Hentar þeim sem eru 40-59 ára
• Ávöxtunarleið 3 – Hentar þeim sem eru yngri en 40 ára
• Lífeyrisbók – Sparireikningur með hæstu verðtryggðu vöxtum Búnaðarbankans
F
í
t
o
n
/
S
Í
A

F
I
0
0
3
5
3
9
www.bi.is
FUNDUM kirkjuþings lauk í gær en
alls voru afgreidd 26 mál, þau sam-
þykkt, þeim vísað frá eða vísað til
frekari meðferðar hjá kirkjuráði eða
öðrum aðilum. Meðal ályktana sem
samþykktar voru í ár var ályktun um
að nefnd verði skipuð til að semja til-
lögur um nýskipan kosninga til
kirkjuþings þar sem jafnréttisáætlun
kirkjunnar verði höfð að leiðarljósi.
Nefndinni er ætlað að meta kosti
og galla núverandi fyrirkomulags og
kanna hvort æskilegt gæti verið að
stækka kjördæmin. Einnig hvort
æskilegt væri að hafa listakosningu
þar sem bornir yrðu fram málefna-
listar. Nefndin skal leggja tillögur
sínar fyrir kirkjuþing næsta ár.
Þá samþykkti kirkjuþing eftirfar-
andi þingsályktunartillögu vegna
kosninga til kirkjuþings á næsta ári:
„Kirkjuþing minnir á að við komandi
kirkjuþingskosningar reynir í fyrsta
sinn á tilnefningar héraðsfunda vegna
kjörs leikmanna og beinir þeim til-
mælum til allra bæði presta og leik-
manna sem kosningarétt hafa til
kirkjuþings að hafa jafnréttisáætlun
kirkjunnar í huga.“ Vísað var frá með
ellefu atkvæðum gegnum fjórum til-
lögu um starfsreglur um greiðslur
fyrir aukaverk frá sr. Halldóri Gunn-
arssyni þess efnis að greitt yrði úr
kristnisjóði fyrir skírn, fermingu og
hjónavígslu. Einnig var vísað frá til-
lögu um breytingu á starfsreglum um
kirkjuráð þess efnis að prestar kjósi
þá tvo presta sem sæti eiga í kirkju-
ráði og leikmenni kjósi leikmennina
tvo.
Kirkjuþing fjallaði einnig um til-
lögu sr. Halldórs Gunnarssonar um
breytingu og viðbót á lögum nr. 78/
1997 um stöðu, stjórn og starfshætti
þjóðkirkjunnar þar sem m.a. var lagt
til að kirkjuþing samþykki fjárhags-
áætlun þjóðkirkjunnar og sjóða henn-
ar árlega. Í því samhengi samþykkti
kirkjuþing eftirfarandi ályktun:
„Kirkjuþing 2001 telur að fram-
undan hljóti að vera endurskoðun á
þjóðkirkjulögunum m.t.t. þeirrar
reynslu sem af þeim er að myndast
með það að markmiði að lagfæra ein-
stök atriði sem til bóta mættu horfa.
Undirbúning þeirrar endurskoðunar
er rétt að fela kirkjuráði.“
Sjö mál afgreidd á síðasta degi kirkjuþings í gær
Nefnd endurskoði kjör
kirkjuþingsfulltrúa
TÍGULTÁTI, nýr fugl á Íslandi,
hefur sést í Þorlákshöfn und-
anfarna daga. Fuglinn sást fyrst
síðastliðinn laugardag og hefur
sést margoft síðan, enda heldur
hann sig á sömu slóðum og gæðir
sér á stikkilsberjum og fræum.
Tígultáti er amerískur fugl, sem
hefur villst hingað á farflugi frá
Norður- til Suður-Ameríku. Hann
er skyldur finkum og tittlingum,
þar á meðal snjótittlingi. Tígultáti
er einn þeirra fugla sem íslenskir
fuglaskoðarar hafa beðið lengi eftir
að sjá hér á landi. Hann er sára-
sjaldgæfur í Evrópu, hefur sést þar
um 30 sinnum, þar af 25 sinnum á
Bretlandseyjum.
Þetta haust hefur verið sérlega
ríkt af komu flækingsfugla, bæði að
austan og vestan. Mikil þrasta-
ganga hefur verið frá Evrópu. Grá-
þrestir, svartþrestir og söngþrestir
hafa sést í stórum hópum og er
þetta talin stærsta söngþrasta-
ganga frá upphafi. Auk tígultátans
hafa sést þrjár aðrar amerískar
tegundir að undanförnu. Far-
þröstur sást í Vestmannaeyjum,
hlýraþröstur á Höfn í Hornafirði og
krúnuskríkja á Kópaskeri. Fjórar
tegundir amerískra fugla þykir
mikið á einu ári því oft sjást ekki
nema ein eða tvær yfir árið.
Ljósmynd/Daníel Bergmann
Tígultáti á Íslandi
VERSLUNARMANNAFÉLAG
Reykjavíkur fær jafnréttisvið-
urkenningu Jafnréttisráðs í ár en
næstum áratugur er nú liðinn síð-
an viðurkenningin var fyrst veitt.
Orkuveita Reykjavíkur, Hafn-
arfjarðarbær og kvennanefnd
Verkfræðingafélags Íslands voru
einnig tilnefnd til verðlaunanna
en ákveðið var að verðlauna VR
fyrir sérstakt og eftirbreytnivert
framtak í jafnréttismálum, að því
er fram kom í máli Elínar Líndal,
formanns Jafnréttisráðs. Á mynd-
inni sést Elín ásamt Páli Péturs-
syni félagsmálaráðherra sem sá
um að afhenda Magnúsi L. Sveins-
syni, formanni VR, viðurkenn-
inguna.
Morgunblaðið/Golli
VR fær
jafnréttis-
viður-
kenningu
ÁKÆRA gegn tveimur mönnum
sem eru sakaðir um fjölda innbrota
og stórfelldan þjófnað á tölvubúnaði
hefur verið lögð fram í Héraðsdómi
Reykjavíkur.
Annar mannanna er sakaður um
að eiga stærri þátt í innbrotunum, en
hann er sakaður um að hafa einsam-
all framið fimm þjófnaði en sex í fé-
lagi við hinn manninn. Verðmæti
þýfisins úr þessum innbrotum nem-
ur 11 milljónum króna. Er þá ótalið
tjón á hurðum, rúðum eða húsbúnaði
og vinnutap eða annað tjón sem
hlaust af innbrotunum er ekki tekið
með í reikninginn.
Lögreglu tókst þó að endurheimta
stóran hluta af þýfinu. Þýfið úr inn-
brotunum sem félagi mannsins
framdi með honum nemur um sjö
milljónum króna.
Mennirnir, sem eru á þrítugsaldri,
eru báðir ákærðir fyrir fíkniefna-
lagabrot auk fleiri afbrota.
Þeir hafa setið í gæsluvarðhaldi
frá því þeir voru handteknir 19. sept-
ember sl.
Samkvæmt heimildum Morgun-
blaðsins voru þrír til viðbótar á ein-
hvern hátt viðriðnir innbrotin en
þeir hafa ekki verið ákærðir.
Hjalti Pálmason, lögfræðingur hjá
lögreglustjóranum í Reykjavík, sæk-
ir málið fyrir hönd ákæruvaldsins.
Verðmæti þýfis-
ins nemur 11
milljónum króna
Tveir menn ákærðir fyrir þjófnað
SVEINN Runólfsson landgræðslu-
stjóri hafði ekki fregnað af land-
broti við Múlakvísl neðan vegar á
Mýrdalssandi fyrr en hann sá frétt
Morgunblaðsins í gær. Hann sagði í
samtali við blaðið að landbrot ofan
vegar væri algengara og þar hefðu
tugir hektara af bæði grónu landi
og sandlendi horfið í ána.
„Múlakvíslin er ekkert lamb að
eiga við, hún er fljót að éta hvern
hektara af landi sem við græðum
upp. Það er mjög erfitt og kostn-
aðarsamt að takast á við kvíslina.
Þeir þrír varnargarðar, sem hafa
verið reistir við brúna, kostuðu um
eina milljón hver á sínum tíma.
Þegar vatnsmagnið er þetta mikið
er í raun lítið hægt að aðhafast.
Sjatna þarf í henni meira til þess,“
sagði Sveinn.
Fram kom í blaðinu í gær í máli
Jóhannesar Kristjánssonar, bónda
á Höfðabrekku, að hann hefur
misst töluverðar landspildur vegna
umbrota í Múlakvíslinni. Hann
sagði ekkert hafa verið hlustað á
kröfur hans um fá landið bætt. Að-
spurður sagðist landgræðslustjóri
telja að landeigendur ættu almennt
ekki rétt á bótum frá Vegagerðinni
eða Landgræðslunni, lögum sam-
kvæmt, það væri frekar mál Við-
lagatryggingar Íslands ef um stór-
tjón væri að ræða á ræktuðu landi.
Enginn bótarétt-
ur af landmissi
Landgræðslustjóri um Múlakvísl
EKKERT sem líktist miltisbrands-
gró fannst í dufti, sem féll úr plast-
umbúðum utan um tímaritið The
Economist þegar þær voru opnaðar
á mánudag á skrifstofu Borgarend-
urskoðunar. Endanlegar niðurstöð-
ur rannsóknar lágu fyrir hjá sýkla-
fræðideild Landspítala – háskóla-
sjúkrahúss í gærmorgun. Ólafur
Steingrímsson yfirlæknir á sýkla-
fræðideild hafði í kjölfarið samband
við lögreglu sem rauf innsigli á skrif-
stofum Borgarendurskoðunar.
Aðspurður um hvers konar duft
væri um að ræða sagði Ólafur að það
hefði ekki verið skoðað sérstaklega
en deildin hefði gefið sér að um væri
að ræða duft, sem væri notað til þess
að auðvelda pökkun á tímaritum.
Símon Hallsson borgarendurskoð-
andi segir að starfsemin væri óðum
að komast í samt horf. Hann telur að
þrátt fyrir að lögregla og slökkvilið
hafi brugðist hratt og örugglega við
hafi verið greinilegt að viðbrögðin
höfðu ekki verið æfð sérstaklega en
verið væri að vinna að þeim málum.
„Það þarf að fara yfir þessi mál. For-
stöðumenn sem lenda í því að starfs-
menn þeirra fá einhverja dularfulla
sendingu geta ekki litið þannig á að
þetta sé ekki hættulegt. Þeir geta
ekki tekið neina áhættu í svona mál-
um, það er ekki hægt,“ segir Símon.
Þegar menn standi frammi fyrir
slíku eru þeir tilneyddir til að hafa
samband við viðeigandi aðila, lög-
reglu og slökkvilið og láta þá bregð-
ast við þessu. „Maður getur ekki
bara brosað út í annað og sagt:
„Þetta er bara eitthvað hvítt duft
sem er engin hætta stafar af.““
Enginn miltis-
brandur fannst
Borgarendurskoðun opnuð á ný