Morgunblaðið - 25.10.2001, Side 25

ERLENT
MORGUNBLAÐIÐ FIMMTUDAGUR 25. OKTÓBER 2001 25
Opnum föstudag
kl. 14 í Perlunni
Verðdæmi:
Diesel barnafatnaður peysur
fullt verð 3.990 okkar verð 900
Oshkosh barnaúlpur
fullt verð 5.990 okkar verð 1.990
Adidas barna flíspeysur
fullt verð 5.990 okkar verð 2.950
Regatta úlpur
fullt verð 14.990-25.000 okkar verð 7.990
Opnunartími virka daga frá kl. 14-18, helgar frá kl. 10.30-18
Stendur til 4. nóvember. Upplýsingasími 511 2370
Barnafatnaður
Nýjar vörur á
hverjum degi!
SÉRFRÆÐINGAR um hryðju-
verkastarfsemi segja engan vafa
leika á því að umfangsmikil rann-
sókn og leit, áður óþekkt samvinna
ríkja og hernaðaraðgerðir í Afgan-
istan hafi þrengt að al-Qaeda-sam-
tökum Osama bin Ladens. Þeir hin-
ir sömu bæta hins vegar við að því
fari fjarri að sigur í nokkurri mynd
hafi unnist í stríðinu gegn hryðju-
verkaógninni; áfram verði að herða
snöruna um háls hryðjuverkamann-
anna og hafa beri í huga að lítill
hópur illvirkja í svo laustengdum
samtökum geti hæglega látið til sín
taka.
Alls hafa meira en 1.000 manns
verið handteknir í meira en 40 lönd-
um eftir árás hryðjuverkamanna á
Bandaríkin 11. fyrra mánaðar. Tek-
ist hefur að uppræta hópa hryðju-
verkamanna á Spáni, Ítalíu og í
Þýskalandi. Þannig hefur verið
komið í veg fyrir frekari hryðjuverk
á vegum al-Qaeda-hryðjuverk-
anetsins, sem Osama bin Laden
starfrækir.
Skipulegum aðgerðum hefur ver-
ið beitt til að hefta fjárstreymi til
hryðjuverkamanna. Í 62 löndum
hafa stjórnvöld gefið fyrirskipanir
um að eigur og fjármunir hryðju-
verkamanna og samtaka, sem þeim
tengjast, skuli „frystar“. Bandarísk
stjórnvöld hafa tilgreint á opinber-
um vettvangi fyrirtæki, sem þessari
starfsemi tengjast allt frá Þýska-
landi til Jemen.
„Það sem gert hefur verið hefur
komið sér verulega illa fyrir þá,“
segir Larry Johnson, fyrrum að-
stoðaryfirmaður aðgerða gegn
hryðjuverkamönnum við utanríkis-
ráðuneyti Bandaríkjanna. „Athygl-
in, sem að þeim beinist, auk þeirra
hafta, sem lögð hafa verið á ferða-
lög hryðjuverkamanna, dregur
verulega úr getu þeirra til að
fremja ódæðisverk.“
Samvinna án fordæmis
Loren Thompson, sérfræðingur í
málefnum þjóðaröryggis við Lex-
ington-stofnunina í Washington,
segir að samvinna þjóða eftir
hryðjuverkin 11. september sé í
réttu samhengi við það „lost“, sem
heimsbyggðin öll hafi orðið fyrir.
„Við höfum árum saman reynt að
ná bin Laden en það samstarf, sem
nú hefur verið komið á, er algjör-
lega án fordæmis bæði með tilliti til
umfangs og elju,“ segir hann.
Leyniþjónustumenn vara hins
vegar við því að hryðjuverkamenn
geti látið til skarar skríða á ný án
fyrirvara og ógerlegt sé að segja til
um hvaða áætlanir um frekari ill-
virki hafi hugsanlega verið gerðar
fyrir 11. september. Sumir þeirra
benda á að al-Qaeda kunni að vilja
fremja nýtt ódæði til að sýna heims-
byggðinni að samtökin fái enn
starfað.
Viðhalda verður þeim þrýstingi,
sem bin Laden og aðrir slíkir hópar
sæta nú um langa hríð, segir L.
Paul Bremer, sem var skipaður sér-
legur sendiherra gegn hryðju-
verkaógninni árið 1986. „Baráttan
við hryðjuverkahópana verður mót-
andi grundvallarregla bandarískrar
utanríkisstefnu allan þennan ára-
tug,“ segir hann. „Þetta verður
svipað ástand og á sjötta áratugn-
um þegar baráttan gegn kommún-
ismanum var í hámarki.“
Árangur í Evrópu
George W. Bush forseti hefur
ítrekað lýst yfir því að „stríðið“
gegn hryðjuverkaógninni eigi eftir
að reynast langt og erfitt. Við-
bragðanna er nú tekið að gæta um
heim allan. Herför er hafin gegn
hryðjuverkamönnum í Afganistan
og talibana-stjórninni, sem veitir
þeim skjól. Handtökur, sem taldar
eru mikilvægar, hafa farið fram í
Frakklandi, Bretlandi, á Ítalíu og
Spáni. Þar hefur verið um að ræða
menn, sem taldir eru tengjast bin
Laden og skipulagningu árásarinn-
ar á Bandaríkin 11. september. Að
auki hefur verið komið upp um
ráðagerðir um árásir á sendiráð og
ræðismannsskrifstofur Bandaríkj-
anna í Evrópu.
Dan Goure, sem starfar við Lex-
ington-stofnunina í Washington,
segir að gangur mála í Evrópu sé
mikilvægur. Það að tekist hafi að
koma í veg fyrir aðgerðir hryðju-
verkamanna í Evrópu geti „verið
fyrstu merki um að raunverulegur
árangur sé að nást“. Hann telur þó
að menn megi ekki glata raunsæi
sínu: „Við erum hér að ræða um
hryðjuverkanet, sem kann að hafa
þúsundir manna innan sinna vé-
banda og þótt einhverjir hafi verið
handteknir vitum við ekki hvort þar
ræðir um „óbreytta liðsmenn“ eða
stjórn- og skipuleggjendur.“
Tilraunir til að hefta fjárstreymið
til manna bin Ladens sýnast einnig
lofa góðu. Bandaríkjamenn telja að
bin Laden hafi nýtt sér ólöglegt
kerfi Pakistana til að flytja fjár-
muni sína á milli landa. Tekist hafi
að gera slíka fjármagnsflutninga
mun erfiðari en áður þótt ekki sé
þar með sagt að bin Laden fái með
engu móti flutt peninga til liðs-
manna sinna og hryðjuverkahópa.
Verkefni framtíðar?
Sérfræðingar segja hins vegar að
trúlega verði aldrei unnt að stöðva
slíkar peningasendingar algjörlega.
Og jafnvel þótt dragi úr fjárstreym-
inu kunni hryðjuverkahópar að
verða færir um að fremja hryðju-
verk þótt þau verði ekki nauðsyn-
lega jafnstórtæk og þau, sem fram-
in voru í Bandaríkjunum.
L. Paul Bremner telur líklegt að
herförin gegn hryðjuverkaógninni
komi til með að taka til fleiri ríkja
en Afganistan. „Það mun taka lang-
an tíma að vinna á þessu liði. Nú
beinist athyglin að Afganistan en
við munum þurfa að huga að þeirri
staðreynd að hryðjuverkamenn
starfa einnig í skjóli sjálfsstjórnar-
innar í Palestínu, í Líbanon og Sýr-
landi.“
Reuters
Hert öryggisgæsla við höfuðstöðvar Atlantshafsbandalagsins (NATO)
í Brussel. Aukinn viðbúnaður og samvinna þjóða eru sögð hafa megn-
að að koma í veg fyrir hryðjuverk í Evrópu.
Telja þrengt
að al-Qaeda
Talið er að samvinna þjóða gegn
hryðjuverkaógninni sé tekin að skila
árangri. Sérfræðingar vara þó við
óhóflegri bjartsýni.
New York. AP.