Morgunblaðið - 10.11.2001, Page 12

FRÉTTIR
12 LAUGARDAGUR 10. NÓVEMBER 2001 MORGUNBLAÐIÐ
STURLA Böðvarsson, samgöngu-
ráðherra, kynnti á fundi í Þjóð-
menningarhúsinu á fimmtudag
væntanlegar breytingar á lögum og
reglum er lúta að flugvernd á Ís-
landi. Þar á meðal boðaði ráðherra
stofnun Flugverndarráðs en stofnun
slíks ráðs er nýmæli hér á landi.
Starfsemi ráðsins mun byggjast á
lagasetningu sem fram kemur í
nýju frumvarpi til loftferðalaga, en
því hefur verið dreift á Alþingi og
mun ráðherra mæla fyrir frumvarp-
inu í næstu viku.
Í frumvarpinu er lögð megin-
áhersla á flugvernd og úrræði til að
efla flugvernd, en atburðirnir í New
York 11. september sl. hafa varpað
nýju ljósi á þann þátt flugöryggis
sem kallast flugvernd (aviation
security) og er bæði flugöryggi og
flugvernd ætlað að tryggja að far-
þegar og áhafnir komist heil á húfi
milli áfangastaða.
Í 10. grein laganna er kveðið á
um að Flugmálastjórn hafi eftirlit
með því að rekstraraðilar flugvalla
og flugstöðva og flugrekendur ræki
skyldur sínar á sviði flugverndar í
samræmi við flugverndaráætlun,
sem stofnunin á að gera og viðhalda
fyrir Ísland. Flugmálastjórn er enn-
fremur gert að setja reglur um
skipan og starfsemi Flugverndar-
ráðs og flugverndarnefnda, fyrir-
komulag öryggisleitar á farþegum
og í farmi og farangri.
Á fundinum í Þjóðmenningarhús-
inu var einnig gerð grein fyrir þeim
alþjóðareglum sem hafa nú þegar
tekið breytingum eða munu taka
breytingum á næstunni og hafa
gildi hér á landi. Þar má t.d. nefna
að Alþjóðaflugmálastofnunin
(ICAO), Samtök flugmálastjórna í
Evrópu (ECAC) og Evrópusam-
bandið hafa nú þegar gert tillögur
um það hvernig staðið verði að auk-
inni flugvernd, auk þess sem við-
auki 17 við ICAO sáttmálann kveð-
ur á um flugverndaráætlun og flug-
verndarráð.
Morgunblaðið/Ásdís
Samgönguráðherra kynnir væntanlegar breytingar á lögum er varða
aukna flugvernd á Íslandi.
Stofnað verði
Flugverndar-
ráð á Íslandi
Samgönguráðherra kynnir breytingar á lögum varðandi flugvernd
SKORT hefur heildstæða stefnu
varðandi tónlistarskólana í Reykja-
vík og ekki hefur gætt sama áhuga á
málefnum þeirra og annarra skóla.
Þetta segir meðal annars í tillögu
Júlíusar Vífils Ingvarssonar, borgar-
fulltrúa Sjálfstæðisflokks, sem hann
lagði fram í borgarráði á þriðjudag.
Júlíus leggur til að hafin verði
vinna við mótun stefnu um framtíð
tónlistarskóla í Reykjavík og vill að í
því skyni verði sett á laggirnar nefnd
á vegum fræðsluráðs. Segir í tillög-
unni að móta þurfi skýra stefnu til að
tryggja sjálfstæði tónlistarskólanna
þannig að fagleg markmið þeirra ná-
ist.
Í tillögunni lýsir Júlíus áhyggjum
af því ástandi sem skapast hefur
vegna kjaradeilu tónlistarskóla-
kennara og launanefndar sveitarfé-
laga. „Hörð afstaða launanefndar í
þessari kjaradeilu endurspeglar lít-
inn skilning á störfum tónlistarkenn-
ara og mikilvægi tónlistarmenntun-
ar í landinu,“ segir í tillögunni. Þá
segir að tónlistarskólakennarar hafi
dregist verulega aftur úr í launum í
samanburði við aðra kennara og það
beri að leiðrétta.
Tillögunni var frestað í borgar-
ráði.
Borgarfulltrúi
Sjálfstæðisflokks
Segir lítinn
skilning á
störfum tón-
listarskóla-
kennara
AÐ MATI borgarlögmanns, Hjör-
leifs B. Kvaran, mælir fleira með því
að Orkuveitu Reykjavíkur verði
breytt í hlutafélag en sameignar-
félag þó að bæði þessi rekstrarform
geti komið til greina. Sameignar-
félagsform er þó talið þyngra í vöfum
eftir því sem eigendur eru fleiri og
hlutafélagsform talið hafa ótvíræða
kosti þegar til framtíðar er litið. Sem
kunnugt er samþykkti stjórn Orku-
veitunnar á fundi á þriðjudag að
breyta fyrirtækinu í sameignarfélag
frá næstu áramótum þegar Akranes-
veitur, Hafnarfjörður og Garðabær
koma inn sem nýir eigendur.
Í minnisblaði sínu til borgarstjóra
í september sl. greinir borgarlög-
maður frá kostum og göllum þriggja
rekstrarforma, þ.e. sameignarfélagi,
hlutafélagi og byggðasamlagi. Ekki
er mælt með breytingu yfir í byggða-
samlag, það form henti ekki við at-
vinnurekstur og samkeppnisrekstur.
Aðeins sveitarfélög geti átt aðild að
slíku félagi og því ómögulegt að fá
óskylda aðila inn í reksturinn.
Um sameignarfélagsformið segir
borgarlögmaður m.a. í minnisblaði
sínu: „Helsti munur á sameignar-
félagi annars vegar og hlutafélagi
hins vegar lýtur að ábyrgð eigenda á
skuldbindingum sameignarfélags-
ins. Í hlutafélögum er ábyrgðin tak-
mörkuð við hlutafjárframlag sér-
hvers hluthafa en í sameignarfélagi
ábyrgjast allir sameigendur allar
skuldbindingar félagsins (solidarisk
ábyrgð). Þannig er ábyrgðinni hátt-
að út á við en sameigendur geta sam-
ið um það sín á milli á hvern hátt
ábyrgðin skiptist síðan innbyrðis.
Gera verður ráð fyrir að sameign-
arfélagið þurfi að bera meiriháttar
ákvarðanir undir einstaka eigendur
og verður það æ þyngra í vöfum eftir
því sem eigendur eru fleiri.“
Borgarlögmaður bendir á að með
„solidariskri“ ábyrgð sveitarfélaga á
skuldbindingum sameignarfélags
kunni það að njóta betri lánskjara en
önnur fyrirtæki og geti slík ábyrgð
skekkt samkeppnisstöðu þess gagn-
vart fyrirtækjum á sama markaði.
Borgarlögmaður telur sameignar-
félagsformið engu að síður uppfylla
nauðsynleg skilyrði um rekstarform
fyrir Orkuveituna og komi því til
álita þegar eigendum verður fjölgað.
Hlutafélagaformið æskilegra
Um hlutafélagsformið segir borg-
arlögmaður það algengast hér á
landi í atvinnurekstri og henti best
við slíkar aðstæður. Uppbygging og
fyrirkomulag stjórnunar hjá hluta-
félögum sé einfalt og skilvirkt, að-
ferðir við ákvarðanatöku skýrar og
einfaldar og því henti þetta rekstr-
arform fyrirtækjum á samkeppnis-
markaði. Hlutafélag geti nýtt sér
tækifæri til að taka þátt í nýrri og/
eða óskyldri starfsemi á beinan eða
óbeinan hátt.
Í lokaorðum minnisblaðsins segir
borgarlögmaður meðal annars:
„Sýnt hefur verið fram á að ókostir
byggðasamlags eru slíkir að það
rekstrarform kemur ekki til greina.
Er því eindregið lagt til að Orkuveitu
Reykjavíkur verði breytt í sameign-
arfélag eða hlutafélag. Slík rekstr-
arform henta miðað við fjölgun eign-
araðila en hlutafélagsformið telst
mun æskilegra verði af þeim breyt-
ingum sem boðaðar hafa verið í raf-
orkulögum, á samkeppnismarkaði
svo og í þeim auknu umsvifum sem
Orkuveita Reykjavíkur hefur þegar
gerst þátttakandi í.“
Minnisblað borgarlögmanns um rekstrarform Orkuveitu Reykjavíkur
Sameignarfélags-
form þyngra í vöfum
Formaður LÚKS
Játar
hvorki
né neitar
SIGURÐUR Marínósson, for-
maður Landssambands útgerð-
ar kvótalítilla skipa (LÚKS) og
skipstjóri og útgerðarmaður
netabátsins Báru ÍS, játar því
hvorki né neitar að hafa átt að-
ild að brottkasti sem fram kom
í sjónvarpsmyndum sem sýnd-
ar voru í fyrrakvöld.
Í Morgunblaðinu í gær full-
yrti Friðrik J. Arngrímsson,
framkvæmdastjóri Landssam-
bands íslenskra útvegsmanna,
að skipstjóri og útgerðarmaður
annars skipsins sem myndirnar
voru af, væri formaður LÚKS
og að brottkastið væri hluti af
baráttu hans gegn kvótakerf-
inu. Spurður um fullyrðingu
Friðriks segist Sigurður ekki
hafa áhuga á að munnhöggvast
við LÍÚ. „Ef Friðrik hefur í
höndum sannanir fyrir því að
fiski af mínu skipi hafi verið
kastað í sjóinn, þá ber ég einn
ábyrgð á því. Ég er þar með alls
ekki að segja að fiski hafi verið
hent í sjóinn af mínu skipi.“
Sigurður segir fjarri því að
brottkast sé að mestu bundið
við kvótalítil eða kvótalaus
skip. „Brottkast er hvorki
meira né minna á kvótalitlum
skipum en öðrum skipum. Það
skiptir í sjálfu sér engu máli
hvort útgerðir leigja til sín
kvóta eða fá honum úthlutað.
Staðreyndin er sú að það fá allir
úthlutað þeim fiski sem þeim
best hentar, hvort sem hann er
stór eða smár,“ segir Sigurður.
Safnað fyrir
orgeli í
Skeggja-
staðakirkju
SÓKNARNEFND Skeggja-
staðakirkju í Bakkafirði safnar
um þessar mundir fé fyrir nýju
orgeli í kirkjuna. Söfnuðurinn
gengst fyrir kaffisölu nk. sunnu-
dag kl. 15:00 til styrktar málefn-
inu. Kór og kirkjuskóli verða þá
með söng- og skemmtidagskrá.
Sóknarnefnd Skeggjastaða-
kirkju tekur við minningar-
gjafabréfum til varðveislu.
Í fréttatilkynningu segir:
Hverjum þeim er vill leggjast á
sveif með sóknarnefnd við að
fjármagna kaupin, er góðfúslega
bent á orgelsjóð kirkjunnar,
sem er reikningur í Landsbank-
anum á Vopnafirði nr.: 178-26-
64. Kt.: 590269-0429.
STJÓRN Samtaka sveitarfélaga á
höfuðborgarsvæðinu (SSH) veitti í
gær Reykjavíkurborg viðurkenn-
ingu fyrir ylströndina við Naut-
hólsvík en stjórnin veitir árlega
viðurkenningu fyrir það sem
henni þykir vera merkt framlag
til umhverfis-, útivistar- og skipu-
lagsmála. Borgarfulltrúar tóku á
móti viðurkenningunni úr hendi
Ernu Nielsen formanns SSH á að-
alfundi samtakanna í gær en við-
urkenningin var í formi verð-
launagripar sem hannaður var af
Kolbrúnu Björgúlfsdóttur.
Tvö önnur verkefni voru að
auki tilnefnd til að hljóta við-
urkenninguna en það var í fyrsta
lagi verkefni í Hafnarfirði sem
felst m.a. í deiliskipulagi fyrir
Hvaleyrarvatn og lóð leikskólans
við Háholt og í öðru lagi verkefni
frá Garðabæ sem fólst í útfærslu
og frágangi steinhleðslu og gróð-
urs við Bæjarbraut gegnt Fjöl-
brautaskóla Garðabæjar, högg-
myndagarði milli Silfurtúns og
Hafnarfjarðarvegar og umhverf-
isfræðsluverkefni um lífríki Vífils-
staðavatns.
Kostnaður yfir
á fæðingarorlofssjóð
Aðalfundur SSH stóð yfir síð-
degis í gær og var þar m.a. kynnt
skýrsla stjórnar og reikningar
samtakanna. Félagsmálaráðherra,
Páll Pétursson, flutti ávarp við
upphaf fundarins og kom m.a. inn
á nýju fæðingarorlofslögin. Sagði
hann m.a. að nú þyrftu sveit-
arfélögin ekki að bera kostnað
vegna fæðingarorlofs eins og áður
því sá kostnaður væri nú borinn
uppi af fæðingarorlofssjóði.
Sagði hann einnig að sú reynsla
sem væri komin af fæðingarorlofs-
lögunum væru góð að sínu mati en
eins og fram hefur komið í Morg-
unblaðinu hafa um 90% nýbakaðra
feðra tekið sér fæðingarorlof
fyrstu níu mánuði þessa árs.
Ylströndin við Nauthólsvík
hlýtur viðurkenningu
Morgunblaðið/Golli
Ylströndin við Nauthólsvík hlaut viðurkenningu. Á myndinni eru borg-
arfulltrúarnir Júlíus Vífill Ingvarsson, Steinunn V. Óskarsdóttir, Jóna Gróa
Sigurðardóttir, Erna Nielsen sem er formaður SSH, þá Helgi Pétursson,
Sigrún Magnúsdóttir, Árni Þór Sigurðsson og Hrannar B. Arnarsson.
Samtök sveitarfélaga á höfuðborgarsvæðinu